نصيحتكم يا اخوان (بشراء سياره)

بدون ماتفكر

احسن لك تاخذ قرررض وتشتريها كاااش
والسياره تكون بإسمك وارخص لك

لكن التأجير فيه شبهه من حيث انه حلال او لا

أنصحك لله، أبتعد عن البنوك كلها، ولاتقربها
وخذ لك سياره بسعر معقول، وحراام تدفع هالمبلغ بسيارة.
هناك سيارات ممتازة وسعرها أقل من كذا بكثير.

انصحك تفكر ألف مره قبل تهور وتشتري سياره بالمبلغ هذا

خاصة انها تويوتا مع كامل احترامي لمن يمتلكها لكن انصحك

بصلاة الاستخاره والتفكير

من ناحية مادية معروف ان القرض الكاش بتكون فوائده أقل بكثير من الإيجار المنتهي بالتمليك
و غير كذا في حالة الكاش ممكن لاقدر الله في حالة الضرورة تبيع سيارتك و تسدد للبناك أقساطه
لكن نصيحه ...حرام تاخذ قرض بربع مليون علشان تحطه في جيب
خذه و تزوج فيه و لا اشتر لك ارض ولا أدخل به في تجارة

لكن تحط على نفسك ديون ربع مليون ريال علشان تكشخ بجيب...ما احسها منطقية

نصيحة اخوية لاتقدم على الشراء بهذا المبلغ واقساط بعد . رأيي تاخذ سيارة متوسطة السعر 70-80 الف ريال وبحد اقصى 90 الف مثل السيارات السيدان التورس وماشابه ولاتكلف نفسك بأعباء مالية ضخمة .

رد رقم 5 ، هو عين العقل.

مع رد رقم 5 وعين العقل

خلك منهم يا رجال اكشخ وانبسط اذا كانت امورك زينه
وانصحك تاخذ قرض افضل لك واقل فوائد وابعد لك عن الشبهه

بارك الله فيكم يا اخواني نصايحكم كلها على راسي وانا محتاج للسياره هذي بالذات ولله الحمد انا عندي بيت ملك ومتزوج ولا عندي التزامات كثيره بس مايردني الا التفكير بضخامة المبلغ

واستخرت وكل شوي اطلع برأي واخرها اني اخذها اقساط باسم البنك والميزه اني اقدر ارجعها لهم بوقت ما ابغى والسياره تبقى مؤمنه

وبرضو متردد واذا فيه معرض او شخص يبيعها لي اقساط اانا جاهز وله كل الشروط والضمانات

تأكد من ناحية الشريعة الاسلاميه......

انظمة البنوك في التقسيط أغلبها حرام....


تحياتي
(((طيرشلوى2007)))

نصيحة اخ اذا نويت خذ قرض بأقل نسبة واقل سنوات ولا تاخذ تأجير منتهي بالتملك
انت تقول اقدر ارجعها بأي وقت والله ان تتعب مع نظام التأجير ويمكن تتأخر لظرف ما في سداد قسط ويسحبون سيارتك ويغرمونك بقصدين ترا نظام التأجير ضد العميل بكل الاحوال وهذا بالبنوك والشركات عامه ولاتبلش معهم اذا جيت تبي ترجع السياره يحسبون عليك الكيلوات بإعتبارك مستأجر واي مبلغ دفعته مثلا كدفعه احتمال يروح عليك خذ القرض وخذ الموتر بأسمك
والموتر اللي تبيه شيك بجيبك لو قدر الله وانزنقت تبيعه يمكن بمكسب ولا خساره بسيطه
وانت شف القرض لو خذيته شف الاجمالي فرق شاسع بالفائده بينه وبين التأجير القرض تقريبا فايده 20 ولا 25 الف والتأجير 60000 وانت احسبها وبالنسبه للتأمين انت أمن تأمين شامل بأطلق شركة ولا راح توصل للفائدة العاليه الخاصه بالتأجير وللعلم ترى في التأجير انت اللي تدفع التأمين والعميل مايدري ان تأمينه هو اللي دافعه من ضمن القصد التأجيري
ادري طولت عليك بس والله من مبدأ حب لأخيك ماتحب لنفسك
ودعواتك لي في ظهر الغيب

أخوي لاحظ لما جا السيل بجده

جرف معظم السيارات

ولله في ذلك حكمه

وكما تعلم ان الكثيرين اصبحوا يتهاونون في التعاملات الربويه عن طريق البنوك

بل وأصبحوا يتحدثون عن الاقل نسبه وكانه لايتحدث عن ربا

نصيحه من شخص يتمنى لك الخير في الدنيا والآخره

إذا كان بحوزتك مبلغ مناسب تستطيع به شراء سياره مستعمله تفي بالغرض

فتوكل على الله بنيه صافيه وسيبارك الله لك فيها

اما ان لم يكن بحوزتك اي مبلغ ولم تستطع اقتراض مبلغ من جهتك الوظيفيه او أحد معارفك

فابحث عن مجموعه ممن تثق فيهم وبعدد مناسب واعمل معهم جمعيه

جزاكم الله خير
اخوي الديناميت كلامك سليم , بارك الله فيك

اخوي لوعىة شفق انا اذا نويت اخذ قرض شي اكيد انه ماراح يكون ربوي وماعندي اي جهه تمولني غير البنك