ارجو افادتكم (افضل طبيب صدريه للاطفال)

انصحك في دكتور استشاري واحد تخصصه صدريه اطفال ورئيس قسم الاطفال في جامعه الملك سعود عبدالرحمن الفريح في مستشفى الحبيب الطبي طريق الملك فهد
واتركك من الدكاتره اللي ما يندرى وشهي شهاداتهم وعندهم زحمه يعطيك علاج صحيح انه سريع المفعول بس قد يكون له اثار سلبيه مستقبلا وكل شوي وانت راجع عنده ويوصف لك اشاعات وتحاليل وخرابيط مالها داعي

الفريح كشفيته 300 ويفحص لك الطفل وهو فاهم ماشاء الله

اتصل بالاستعلامات واسئل عن مستوصف الاحمدي بالدمام الشرقيه واسئل استعلامات المستوصف اذا الدكتور جمال للاطفال لسا عندهم
خذ موعد معاه
كان عندي البنت نفس المشكله وصوت بالصدر خرفشه كذا
واخذتها الى 7 مستشفيات من اشهر الاطباء بالشرقيه للاطفال
الجزيره-محمد نسيم بالدمام (الله يرحمه-ارامكو-غزاوي الخبر -رحيمه -الاحساء-الاحمدي
لاكن فضل من الله
دكتور جمال مستوصف الاحمدي بتوفيق من الله
كذا وقف جميع الادويه
واعطاها بخار فنتلين ويمكن مع الفنتلين شي اتوقع اجي له العصر3 وباليل الساعه 11
لان دوامه من العصر الى 11ونص

الله يعافيها لكم ياكريم

وين مكانك ياغالي

ريح بالك من العلاجاااات وابعد ابنك عن العطورات والبخور والروائح النفااااثه وابعده عن البااارح ولازم مايشرب الامويه دااافيه
انا جلست قرابة السنتين ع هذا الحال لين الحمد لله تقريبا ما عاد عنده الا اذا شرب بارد

يوجد دكتور ممتاز وقديم اذا موجود الأن في شرق الرياض مستوصف سلامتك قريب من شارع الأمير بندر خذ الرقم من الاستعلامات وإسأل اذا الدكتور محمود الشافعي موجود دكتور أمين تعاملت معه لمدة 15 سنه ممتاز للأطفال

اذا انك من اهل الشرقية

روح مستوصف الاحمدي الدكتور محمد ندى ... ممتاز

الله يجزاكم خير جميعاً , و انا من سكان الرياض

مستشفى الامراض الصدريه رح لهم بعد العصر واسال عن الدكتور
الزهراني مدير المستشفى

باقل قيمة تقدر تكشف وتعالج وتاخذ اشعه وتاخذ علاجك مايتجاوز 100 ريال

وناس ثقه خصوصا وقت عملهم بفلوس


لا تروح لهم الصباح بعد المغربية قبلها مرهم واسال متى يداوم الزهراني

الله يعطيك العافيه , ممكن وصف للمستشفى و اذا عندك رقم لهم

فيه عندك الدكتور الزامل تخصصه صدرية أطفال ودكتور في جامعة الملك سعود عيادته على الدائري الشرقي بين مخرج 13 و14 وانت متجه جنوب على اليمين
وعندك الدكتور وليد دكتور أطفال سوري وممتاز جداً في العيادات الاستشارية على شارع حسان بن ثابت ( النخيل سابقاً) شرق الرياض هذا عن تجربة اسأل الله لابنك الشفاء العاجل وجميع مرضى المسلمين وان يوفقك لما فيه خيرة لك

الدكتور عبد الغني في البطحاء نصيحه اخويه عند سوق الذهب مجربه اولادي 2 شفاهم الله على يده الكشف 50 ريال فقط روح يمه وتدعي لي

قسم الاطفال بمدينة الملك فهد الطبية ممتازين عن تجربة

فيه مستشفي الفلاح بحي غبيرا دكتورر استشاري اطفال متين شوي هاذا سبحان الله ماقد شفت طبيب زيه نصووووح وفاهم شغله اعتقد اسمه مصطفي اذا ماني واهم لاني من زمااان عنه

الله يجزاكم خير و ما قصرتو

في دكتور في مدينة جده

في مستشفى جده الوطني الجديد

في حال نزولك لمدينة جده

انصحك بزيارته

اسم الدكتور هاشم المساوى

وبالنسبه للدخول للعياده فالاولويه لمن حضر اول

بسبب الضغط الحاصل على عيادة الدكتور

الدكتور لا يهتم بالفلوس
بقدر ما يهتم بصحة الطفل

والله يشفي طفلك

وما قدامه الا العافيه ان شاء الله

دمتم بود ...

الله يشفيه

فيه عياده خلف الاحوال المدنيه بالوشم
مشهوره ومعروفه ولايتطلب منك الا مراجعه واحده او مرتين
انصحك وبشده

اللي خلف الاحوال الدكتور رسلان

انا رحت له

اول ما تروح وقبل تقابله يطقك باشعه

بعدين تنتظر لين تطفش

بعدين يدخلونك غرفته وتنتظر لين تطفش

بعدين يحضر طويل العمر ومعه خمس ممرضات يمشون خلفه في غايه الجمال

وبعدين وهو واقف يشوف الاشعه ولا يدري عنك ولا يكشف عليك

بعدها يطلعونك ولا حتى كيف الحال من الدكتور او يناظرك

بعدها تروح تضرب ابره حقت السته شهور ويعطيك وصفه مليانه علاجات

طلعت من عنده وقلت ابره ما راح اضربها وعلاجات ما راح اصرفها

شوي الاجاني يقنعني بالابره قلت ليش ابره وعلاجات على الفاضي

قال عشان تريحك وتستعمل العلاج وانت مرتاح

قلت ما ابي وانت الحين ما شفتني الا لما رفضت ابرتك ابو خمسين ريال

والله العظيم لو تشوفون الدكتور والممرضات يحاولون فيني عشان ابره ابو خمسين

حسيت ان الدعوه تجاره بالبشر وليس يهمه العلاج

ولو كان يهمه الناس كان ما خلاهم ثلاث ساعات في الانتظار

لو يهمه البشر كان يكشف عليهم قبل الاشعه والابره والوصفات اللي مالها داعي

الناس معجبه فيه لانه يعطيهم الابره هذي وتسكتهم

حسبنا الله ونعم الوكيل

لازال الشعب عندنا في سبات عميق لا يعرفون الا عند فلان زحمه

دكتور خالد المبيريك رائع بمعنى الكلمة حسب بحثي ونصيحة دكتور ( أخي ) .