السلام عليكم ورحمة الله وبركاته
وش رايكم في الكامري 2013 glx لان حصلت وحده لون جالكسي ماشية 10 الاف تقريبا و ناسبتني
بس ابغا رايكم فيها
من ناحيه : كل شيء
أستنى ردودكم يا الغوالي
أبعطيك رايي فيها ظاهريا فقط
لاني ماسقتها ولا ودي اسوقها رغم اني احد ملاك الكامري 2008 وسبق ان اعلنت عن بيعه بهالموقع..
الشكل الخارجي أحيان من الواجهه والجنب والسياره مسرعه وماتدقق فيها يجي على بالك إنها كورولا الشكل اللي بدأ من 2008 تقريبا
ولما تدقق شوي بالمقدمه تجدها للاسف بدلا من ان تبتكر الشركه شكل جديدة او حتى تطور الشكل السابق اللي بدأ من 2007 أصبحت شبيه الى حد ما بهوندا سيفيك الشكل اللي بدا من 2006تقريبا
نجي الحىن لمؤخرة السياره قسم بالله إنها قمة التشويه لسياره شبابيه وشفتها بكل الالوان ما تراكب نهائيا مع التصميم
أحيان أحس اصطباتها الخلفيه كانها عيون رجل صيني مسحبه على جنب
والفراغ اللي تحتها كأنه ظروسه طالعه لبرا
يعني حاجه كذا زي وجه السنجاب
أتمنى ان الصوره اللي في بالي وضحت
جوانب السياره عاديه جدا ولا يوجد فيها مايلفت الانتباه
من الداخل شفت وحده معروضه بموقع فئة gl
ووالله إني ذهلت لما شفت الطاره مافيها اي أزرار للتحكم رغم انها بقير أوتو
لدرجة اني توقعت انها فتوشوب
أما السعر بصراحه مبلغ خرافي في سياره تعيش على تاريخها فقط
ولو تامالت ستجد قطع غيار تويوتا بشكل عام والكامري بشكل خاص ارتفعت جدا جدا جدا
ولم تعد كما يتوقع البعظ واللي لازالوا يرددون عبارة "تويوتا قطعها رخيصه وحقت كرف"
إلا والله لاهي رخيصه والموديلات الحديثه مي حقت كرف مثل الموديلات القديمه
وفي الختام سلملي على فورد والهيونداي وربي انها الحين الافضل
تحياتي لك
اعتقد فيه بدايل افضل من الكامري الكامري
ومع احترامي لذوقك الكامري مجرد سياره مافيها اي ميزه غير انها سعرها غالي واسمها كامري
البدايل كثيره وافضل منها
رائيي الشخصي سيارة مراهقين طربطيط حبتين
الكامري سيارة ممتازة جدا وانا من مقتنيها من عام 93 و 97 و 99 و 2002 و 2011 صراحة سيارة ممتازة جدا جدا واعتمادية
لكن اسعارها صارت خرافية اجل الاقمشة الامامية ل2011 ب 800 ريال وشرط تركبها في الوكالة وشرط ما يبعوها لك لحالها شرط تركبها عندهم واذا جيت تشتري الاقمشة وتركبها برا قالولك اسف مانبيع الا تتركب عندنا كلهم عبد اللطيف جميل والضحبان والبازعي كلهم متفقين
لو بحثنا عن البديل للكامري ما راح تلاقي
بالنسبة للشكل الجديد قبل يومين كنت في الوكالة قالولي الفل كامل ب 97 الف ولقيتها في معارض الشفاء ب 91 الف بقراطيسها
صحيح ان اكثر المراهقين سياراتهم كامري بس هذا مو شرط ان اللي يستخدمها يكون مراهق
هذي وجهه نظري
يارجال الكامري انتهت بعد 2006 عندك الاكورد الازيراء الفكتوريا افضل بكثير
اكره الكامري والي يسوق الكامري والي ورد الكامري
راح زمان الكامري والتيوتا
اكرره هالسياارة
احسن شي بالكامري خرابها قليل جدا توقع سنه كامله تمر او سنتين بدون اي اعطال
انصحك بالابتعاد عنها لان الشكل بحد ذاته سئ والقرار بيدك ..
و الله الوالد بايخذها وعمره 40 سنه ويبغاها تكون سياره بديله يسير يوقف الجمس و يروح فيها لان الجمس اقلق حياته بشوارع الرياض و الكامري هذي لونها بني يعني ما هو شبابي مره و السياره يمدحوها انها حقت كرف و احسن من 2011 في الفخامه الداخليه ,,, والشكل بالعكس انا بنضري سار ما هو شبابي مثل 2007 الى 2011 الشكل الجديد سار عادي ما هو للشباب
و السياره بتسير للوالد و لي انا لاني الآن بالثانوي و ابغا اسير اطلع و اروح و تسير هالسياره تخدمنا الاثنين
و الكامري او التويوتا كلها يمسك سعره لإبعد الحدود ما هو مثل النيسان او الشفر
كوامر 2013 هي نفس تصميم 2012 ويكاد يكون جميع مستخدميها يشتكون من اعطال متنوعة فيها ترتكز اكثر شيء على نظام التعليق والقيربكس ..
اصرف نظر عنها .. وزيارة بسيطة لاي صالة للوكيل على اساس انك مواعد رجال يجيب سيارته للورشة ويرجع معك .. واجلس بين العملاء ساعة واحدة تكفيك شر الورطة واسمع بس مشاكلهم واسألهم وتعرف وش كثر المعاناة في سيارات تويوتا الان .
المشكلة الوكيل يجمع السيارات هنا بقطع صينية مكتوب عليها تويوتا .. شف هذا الرابط من مستعمل http://www.mstaml.com/forum/fr.php?i=196257&most=1
وفوق كذا مغلي اسعارها بالمرة يستهبل في الناس على اساس انها ياباني وهي قطع مضروبة .. وهناك مواقع متخصصة تكتب وتوثق الموضوع بصور واثباتات اكثر .
اسمع اخي الكريم انا عندي كامري 2013 ماسك علها خط من الدمام الى الطائف 1400كيلو ماشاء الله تبارك الله عزم وسرعه وثبات فوق الممتاز عزل رائع لدرجة أني ماشي بين الرياض والطائف 180 والله بدون مبالغه
ماتحس ان الموتر ماشي من الثبات اقتصاديه في البنزين لوجود نظام صديق البيئه الأسيات مريحه جداً يعني موتر يستاهل
اسمع اخي الكريم انا عندي كامري 2013 ماسك علها خط من الدمام الى الطائف 1400كيلو ماشاء الله تبارك الله عزم وسرعه وثبات فوق الممتاز عزل رائع لدرجة أني ماشي بين الرياض والطائف 180 والله بدون مبالغه
ماتحس ان الموتر ماشي من الثبات اقتصاديه في البنزين لوجود نظام صديق البيئه الأسيات مريحه جداً يعني موتر يستاهل قيمته مع العلم أني مجرب الاكورد
اسمع اخي الكريم انا عندي كامري 2013 ماسك عليها خط من الدمام الى الطائف 1400كيلو ماشاء الله تبارك الله عزم وسرعه وثبات فوق الممتاز عزل رائع لدرجة أني ماشي بين الرياض والطائف 180 والله بدون مبالغه
ماتحس ان الموتر ماشي من الثبات اقتصاديه في البنزين لوجود نظام صديق البيئه الأسيات مريحه جداً يعني موتر يستاهل قيمته مع العلم أني مجرب الاكورد
والله ما تقارن مع الكامري من ناحية الراحه وقوة ضجيج المكينه الشي الثاني 2012 و2013 اكثر بيع في اليابان وأوربا من سابقاتها 2003 الى 2011 لوجود السلامه
السلام عليكم
أخوي هذه نصيحة يعرف بالسيارات ولا عنده سيارة بإختصار غير الهوندا المقصدة لا تدور شف لك وحدة توماتيك واذا انت تحب العزم ولا يهمك زود الدراهم دور ستة سرندل ولا خذ توماتيك اربعة سرندل صحيح اغلى من الكامري شوي بس بصراحة تحس انك راكب سيارة مهو مثل الكامري كأنك على فرشة و واحد يسحبك أنواع الازعاج .
مايفرق عندي شريت من تايوتا ولا هوندا بس والله ابغى لك الطيب ، صحيح ان قطع الهوندا عليها الغلا شوي لكن ادفع زود القروش براحتك
أسأل مجرب
أنا توي شريت كامري GLX2 بفتحة وجناح وجلد
ماشاء الله تبارك الله ما توقعتها كذا .
قريت كثير ردود واراء قبل ما اشتري السيارة لدرجة كنت ابي اعتزل قيادة اي سيارة
بس بعدها رحت عبداللطيف جميل و طلبت تجربة قيادة للكامري وجربتها وعجبتني
واستخرت الله وشريت وحده .
رحت فيها من جده للطائف ومن الطائف لينبع والمدينة والعودة الى جده ماشاء الله
رساوة وعزل صوت ومكيف يطربك ومقاعد مريحة .
تحمست ومسكت خط من جده للدمام والله ما تحس انك راكب سيارة من راحتها
نصيحتي لك لا تسمع كلامي او كلام اي احد جرب السيارة واحكم
اقنرح عليك تنتضر اشهر حتى اذا فيها عيوب تظهر
انا استخدمت 2008 ومشت 300 ألف صدق او الا تصدق
ما غيرت تات قماشات وزيت وبنزين فقط وافكر ابيعها واخذ الشكل الجديد لانها مشت كثير وتعرضت لعده حكات شوهت منظرها
والي يقول قطعها غاليه غلطان سياره تستاهل كل قرش اذا كنت تبي تدق سلف وتمشي ولا تحب الورش مثلي
وشكرا
بقلم: مودي2008
جلد ؟؟؟؟ متأكد
استأجرها من اي محل وجرب السياره وبعدين انت الحكم ياتشتري او تترك (مجرد رأي)