تجارة السيارات كيف اكون شريطي

هههههههه
خوفتوا الرجال انصحك بالرد رقم 8

انت صاحب القرار!

اذا عندك ذمه وحريص على الحلال ابعد عن الشريطيه لكن في طريقه حلال وقليل من دخل فيه
تاخذا سيارة مصدومة وتصلحها وتنزلها السوق وانت وحضك ولا فيها بخس ولا غش لكن لازم تبين للمشتري انك صلحت الصدمة

لاتقربها وترزق من مقوماته انك لازم تسوم سيارتك قبل تروح للمعارض ايذا ماجهزت السومه لايمكن احد يسومه ولازم تحلف

الرد رقم 13. بقلم: ابوجهاد3 كلام سليم 100%

الله يوفقك ويرزقك اخوي في تجارتك

أستغرب من اللي يقولون إذا صرت صادق بتخسر!! بالعكس والله أنك أنت الربحان والفائز فائز برضى الله في الدنيا والآخرة، حتى لو خسرت الفلوس .. الفلوس ليست بشيء .. الدنيا كلها لا تساوي شيء عند الله، فلا تجعلها هم عندك، لو خسرت اموالك كلها وكسبت رضى الله والله انك فائز.

فلماذا دائماً نربط الربح والخسارة بالمال فقط!! قد يربح الإنسان أموالاً طائلة وهو كافر من أبغض الناس الى الله خالد مخلد في جهنم والعياذ بالله. وقد يخسر أمواله لكنه يعيش حياة السعداء في الدنيا والآخرة لأن قلبه معلق بالله ويطلب رضى الله فقط لا غير.

أضف إلى ذلك فإن الصدق والعمل بإخلاص من أسباب الرزق والمهم هو البركة لا كثرة المال، في صحيح البخاري قال صلى الله عليه وسلم : (البَيِّعانِ بالخِيارِ ما لم يتفرَّقَا ، أو قال : حتى يتفرَّقَا ، فإن صَدَقَا وبَيَّنَا بُورِكَ لهما في بيعِهما ، وإن كَتَمَا وكَذَّبَا مُحِقَتْ بركةُ بيعِهما)

الشريطي هو ذلك الكائن الحي الذي يعبش بالحراج ويعتمد في غذائه على الزبون المحتاج ويتكاثر زي بقية الخلق ههههه

اهم صفه في الشريطي انه مايتروش الا بعد مايكون صاحب معرض

واثناء جولاته يرتدي ثياب متسخه

وتلقاه دايم يحك اذنه بمفتاح موتره

ويربي اظافيره عشان يخلع جلد السياره اللي يفحصها حتى ولو ماله رغبه من الاساس يشتريها

اول شي لازم تبيع ذمتك اذا مابعت ذمتك مالك مكان بين الشريطيه

بالعكس
انا اشوف انها تجاره
حتى العقار فيه شريطيه مايخافون الله
حراج بن قاسم فيه ناس تبيع وشريطيه مايخافون
الاثاث وماادراك مالاثاث ناس مايخافون الله يبيع من هالصيني ويلمع مايقعد اسبوع الا درج طايح وبويه متقشر وكرسي مكسور !!
يعني فيه كذا شغله فيها ناس كذابه واهم شي عنده الفلوس والمشتري بالطقاق
بس فيه بالمقابل ناس تخاف الله في كل مجال والرزق الحلال قدام عيونه دائما وهم موجودين لكن يجب البحث عنهم
احد اقاربي يبيع في هالسيارات وبعضها تقعد عنده تطول يقول ماعندي مشكله اهم شي يجيني الشراي المقتنع ببضاعتي بعد مايعرف وضعها ورازقه ربي بالعكس وكل ماشفت معه سياره يشرحلي وضعها حتى لو مابغيت اشتري وسمعته طيبه وقد شريت منه قبل سنتين سياره وعلى حسب وصفه بالضبط حتى وقت بيعها فحصها واحد وصارت مثل ماقال
انا اشوف انه بزنس حلو لكن الانقليز خربوا سمعته في معارض السيارات بالكذب والغش والتدليس
والا هي شغله حلوه للي بيترزق الله

أنا أشوف ان تجارة السيارات مستنقع قذر وأنصحك بالابتعاد عنه لان اغلب المستهلكين اتجهوا للسيارات الجدد لو بالتقسيط ..

اسأل الله لي ولك وللجميع التوفيق .

اخي الكريم التجاره بشكل عام جائزه ولكن حين يكون فيها غش او تدليس او غبن فهنا لا تجوز .

اما بالنسبه للبيع والشراء في السيارت فيجب ان يكون عندك قدر الامكان خبره في ذلك فمهما حرصت على ان تكون صادقا ونظيف تضطر للكذب او اخفاء الحقيقه وذلك عندما تشتري سياره من شخص ما لا يخاف الله وبها مشاكل فأما ان تبيعها بخساره او تخفي الحقيقه .

اسأل الله ان يدلك على ما فيه الخير

الخبره اولا

السلام عليكم
أعلم يقينا أن الرد جاء متأخرا لكن الإجابات لم تكن منصفة !

إذا تعرضت لعملية غش من شريطي فهذا لا يعطيك الحق في أن تقول (( كل الشريطية )) غشاشين !! فالتعميم بهذه الصيغة أمر غير صحيح !

ولو تلاحظ سوق السيارات شريطية غشاشين ! والاسهم هوامير كذابين ! والعقاريين بخلاء جشعين ! وتطول قائمة الاتهامات والسبب هو الجهل ! نعم الجهل !

لا أنفي وجود (( غشاشين ) في كل صنعة وسوق لكن لا ينبغي ايضا أن تدخل أي مجال الا بعد المام واسع عنه

ولنأخذ سوق السيارات كمثال :

الأصل في التجارة أي تجارة في العالم تقوم على أن تشتري بسعر رخيص وتبيع بسعر أعلى سواءا كانت سيارات ا واسهم او .... الخ
حسنا .. لكل سوق سلعة ولكل سلعة سعر بيع وسعر شراء لكن كيف تعرف سعر البيع وسعر الشراء في سوق المعارض ؟؟

كل ما عليك أن تفعله هو أن تتبع التالي :

أولا : اتق الله واعلم أن التجارة ربح وخسارة والحذر الحذر من أن تغش مسلما أو ان تبيع وتشتري باليمين ( بالقسم والحلف ) .


ثانيا : حدد رأس مالك يعني بكم ناوي تشتغل ولنقل مثلا 50.000 ريال وهذا مثال


ثالثا : بعد أن حددت رأس مالك ركز على نوع واحد ((((( نوع وااااحد )))) من السيارات ومن الاحسن أن يكون ذا شعبية مثل تويوتا (( كامري )) او (( كورلا )) ثم ركز على موديل واحد حسب راس مالك مثلا 2010 ولا يضر لونقص الموديل سنة او زاد


رابعا : بعد الخطوات السابقة انزل الى سوق المعارض واذهب الى المعارض وليس الساحة كأنك تبحث عن سيارة

ثم ابدأ في المعارض معرضا معرضا وابحث عن الكورلا 2010 مثلا وسجل اسعار الكورلات المعروضة للبيع بهذا الموديل وسجل مواصفات كل سيارة مثل العداد وحالة البدي والفحص والقير وهل السيارة فل كامل ام لا وهل هي تبع شركة ام لا وهكذا وياليت تسجل كل شي
بهذه الطريقة تكون عرفت سعر السوق لهذه السيارة بهذا الموديل لكن انتبه لا تستعجل وخذ اسبوعين من البحث المستمر ولو عملت جدول لكان افضل واحسن


سوف تكتشف انك اصبحت محترف في معرفة القيمة الحقيقية للكورلا موديل 2010 ولنفترض مثلا انك بعد البحث الطويل عرفت أن سعر السوق للكورلا العادية 30000 (( مثال ))
اذا نزلت الساحة وصادفت رجل معه كورلا 2010 يريد بيعها ستنصدم من أسعار الشريطية !! ستجد أنهم ساموها 18000 ولن تتعدى 22000
انت تعلم الان من خبرتك كم قيمتها الحقيقية والبائع في الغالب انه لا يعرف ولو عرف فهو في الغالب محتاج ولن ينتظر طويلا


كل ماعليك هو ان تتأكد من سلامة السيارة جيدا بالفحص والتأكد منها وسؤال مالكها عن حالها ثم افرق السوم واقبل الربح القليل فان الله سيبارك لك فيه
بعد ان تشتري السيارة في الشفا مثلا بعها في النسيم حتى لا يحاربونك الشريطية والله يرزقك من اوسع ابوابه


وأخيرا احذر ثم احذر من الغش او من ان تبخس بضاعة اخيك المسلم فبعض السيارات قيمتها 50000 ويجيك الشريطي يقول 23000 هذا بخس للثمن وجشع وطمع

فمثلا بامكانك التربح بثلاثة الاف او الفين وقد تصادف اناس محتاجين فاحذر من استغلالهم والله يوفق الجميع

والله موضوع جداً حلو و يصب بعمق في اتجاه وتوجه منتدى معزبينّا موقع مستعمل ( البيع والشراء).
تجارة السيارات كغيرها من التجارات لها مزايا وعيوب. لكن الشاهد هنا هو عن الـ(كيفيه).
الحقيقه انا لو ابغى ادخل تجارة السيارات فراح اتبع خطوات لأن راس المال راح يكون حبتين مهم.
اول شي راح احدد مكان البيع والشراء (اللي هو فالرياض حراج النسيم والشفا) واختار واحد اركز عليه.
ثاني شي راح ازور ذالمكان زيارات عامه بهدف التعرف على تجار السيارات ، شخص اسانده ويساندني فالراي واخذ منه واعطيه خبره
ثالث شي احاول اشوف الاسعار عامة ولا اركز على نوع معين من السيارات اكثر من اني اعرف الاسعار بشكل عام سواءً كم التاجر يشتري به او كم المشتري يستطيع الشراء به.
بعدين احاول اكون شجاع اذا جتني فرص لأن اغلب الصفقات مربحها يكون نابع من فرصه: تلقى اللي يبغى يبيع مظطر بيسافر، وتلقى اللي يبي سيوله، وتلقى اللي بس يبي يغير عافت نفسه السياره وذا الصنف غالباً تخدمك فيه المعارف اكثر من المعارض.

بعد كذا يكون تنزل للساحه ما تروح للمعارض لأن الفرص ماراح تلاقيها فالمعارض لأن اللي فالمعارض بالهم طويل.
اذا حصلت فرصه يكون تلحقها بالعربون مع شرط الفحص. طبعاً ما تعطي العربون الا ونت فاحص السياره عينياً وما حاك في صدرك منها شي.
تاخذ السياره للفحص وعربونك مدفوع وياليت تخلي راعي السياره يوقع على وريقه مكتوبه على استلامه لعربون منك بمبلغ كذا وكذا على انك تفحص السياره وانه لازم يردها اذا ما وافق شروط معينه
كانه رفض التوقيع فهذا يعني ان راعي الموتر فيه بلا خله وشف غيره
و بعد ما تشتري السياره ابدا عاد شوف اذا فيها اشياء يبي لها تظبيط ولا لمبات وحاجات يبي لها تغيير تلاقي المالك الاول متعيجز يسويها
صلح وارجع بع وبدل الحلوف والذمه قل للمشتري على الفحص ابد
والف منا وخمس مناك والفين منا وراس مال هناك و يرزقك الله من واسع فضله عز وجل

اهم شرط الذمه تخليها في بيتك

تبي تصير شريطي دور لك بدوي ورح معه للمعارض كم مرة يعطيك دروس

دق لطمة ووقف على الشارع وبيدك سبحة

رخيصكو سبحه وحده هههههههههههههه
كل نوع له سبحه بين ال10 ريال لحد 500 ريال
ههههههههههههههههههههههه

تجارة السيارات يااخواي فيها ربح وفيها خساره وتبقى تتخبط بالسيارات اللين ماتتمكن من الشراء والبيع واتقنتها بعدها تدخل في التلقائيه في معرفة متوسط سعر السياره ...
تجارة السيارات زي البورصه عرض وطلب ..
وسوق متغير للي مايعرف له برضوا له مضاربين وتجار يخسفونه تحت ويطيرونه فوق فالشريطي مهما كان يبقى محكوم من زعماء السوق
ابطرح لك بعض الامور تفيدك لشخصك
نحن الان في موسم الصيف والعطل ...تلقائي اعرف انه سعر الجيوب والسيارات العائليه يكثر الطلب عليها كثرة الطلب ترفع السعر الشريطي المتمكن مشتري سياره عائليه في وقت نزول الاسعار اي وقت الدوامات والدراسه
وبنفس الوقت اللي تبيع السيارات الكبيره تصدف لك فرص كثيره معروضه بااسعار مناسبه اللي هي سيارات المدينه يارس اكسنت كوريلا وغيرها فهذه فرصه للشراء والبيع بداية الدراسه مع زيادة الطلب عليها ونفسها العمليه على البك اب الحوض وقت الشتاء وطلعات البر والرزق على الله وانشاء تكون مستفيد من اللي قلته لك