مشروع تقسيط السيارات .. ماله وماعليه

الوحيد اللي يقدر يضمن حقه هو البنك
وهو المسيطر على تجارة السيارات سواءا بالتقسيط أو بالآجار المنتهي بالتملك
اتمنى لك التوفيق والنجاح

من وجهة نظري .. مشروع ممتاز بكل المقاييس

ولكن .. ما يـُـعيبه هو تحصيل الأقساط إن تأخرت .. وهل سيدفع المتدين في وقته أم لآ ؟

عموماً .. أنا أعرف شخص في المدينه ، صاحب معرض .. سبق وأن راسلته بخصوص هذا الموضوع .. وأبدى لي ترحيبه .. ونسبته أقل من الـ 40% ولاتؤخذ إلا في نهاية العقد

إذا أحببت أن أزودك برقمه .. راسلني ومالك إلا طيبة الخاطر
بس لاتنسى نسبتي :)

تحيتي لك

انا مستعد اجيب لك زبائن واطارد بحقك وكل شي باسمك ولا تشري سيارة الا بعد مايجي زبون طيب موثوق به ويكمل جميع الشروط ويكون عمله بنفس بالرياض وكفيله بعد من الرياض

2. بقلم: Mohd99

شآكر لك لطف الرد ,,

أتمنى أن تزودني برقم المعرض على الخاص

والشكر لك والعرفان

3. بقلم: التايفون

أنعم وأكرم بك أخي الكريم ..

لو تستطيع توفير ماذكرت لي ,, بإذن الله ليكووون بيني وبينك تعاون

لكن في المدينة المنورة .. !

1. بقلم: اسنان

هذا صحيح ,, فهو الخصم والحكم

لكن الآن سمعت بأن هناك شروووط جزائية تخيف كل من يفكر في التميلص من هنا أو من هناك

لا بالمدينه مايمديني بالرياض عز الله بطربك

اخوي محمد

لدي صاحبي معرض بمدينة الخفجي ومتخصص بتقسيط الدداسن

وبنفس الوقت المعرض ماله حق ياخذ اربعين بالميه

اخوك محمد الحربي

أخي محمد
أنت قلت وش رايكم أنا شوري عليك أبعد عن هالمشروع لي أكثر من 10 سنين مطارد وراء الديايين ومن محكمة لمحكمة ومن ديرة لديرة صدقني المصاريف اللي ادفعها وراء المطارد قربت من الارباح اللي كنت ارجيها
ثاني شي لا تسلم دقنك لحد
ثالث شي شوف لك مشروع اخر امام نظرك والربح القليل ينمو مع الوقت وكله بالمضمون وقدام نظرك
شفلك مشاريع صغيرة بانشطة مختلفة في اماكن متفرقة
ووفقك الله

اخ / محمد ........

المشروع ممتاز ولكن يحتاج ان تديرة انت و بضمانات قوية في البداية من شيكات

والنتيجة بعد 5 سنوات

و ولو بحثت عن مشروع اخر يوجد الأفضل ... البيع والشراء

بيع وشراء اراضي جدا ممتاز ومربح وبسرعه خياليه وبالتوفيق ...

9. بقلم: hmym1

عشان كيذ المعرض يبي ياخذ 40% ..

هو اللي يطارد وراهم

وسمعت بأن قديماً قبل سنوات كانت الجلسات في المحكمة تتأخر , أما الآن فقد صارت الجلسات مضغوووطة .


والحكم يصدر بشكل أسرع من ذي قبل ..

والمعرض متمرس على مثل هذه الأمووور

أما قولك تسلم دقنك ,,,,,, الخ

فالأوراق جميعها باسمي أنا ..

والمعرض فقد يقبض عني من الزبائن بتوكيل مني ولي الحق بأن آتي إليهم كل شهر لأرى بعيني ماذا حل في حلالي ..

يعني لن يستطيع إطلاقاً أن يأخذ مليناً واحداً مني دون وجه حق ,,

وقوووولك شف لك مشروووع ..... الخ

للأسف فأنا موظف حكووومي ..

وعملي شفتات " ملعووونة " شهر ليل شهر نهار ثلاثة أشهر ليل شهرين نار ...

على كف عفريت مدري وين مديري يحطني في كل بداية شهر هجري .

صعب جداً علي إني أشرف على مشروووع بنفسي ..

أسأل الله أن يوفقك ياعزيزي .......

تراني أناقشك فيما ذكرت كأنك أخوووي الكبير ..

فإن أردت نصيحتي فأنت تآمر أمر ياغالي ولن أسامحك إذا لم تنبهني

شكراً جزيلاً بكل ماتحمله الكلمة من معاني

8. بقلم: مروي-العطشان

ماشاء الله تبارك الله الله يرزقه ويرزقك ياغالي ......

كم في نظرك العمووولة المناسبة للمعرض .. ؟

ثم هل هناك مخاطر على المشروووع قد أجهلها .. ؟

أسألك أن تنشد صاحبك لتفيدني وتفيد إخوانك ..

والشكر والعرفان لك أخي الكريم

وفقك الله وسدد خطاك

10. بقلم: ash4548

المشكلة ماني متمرس على مثل هكذا شغلة ..

وعملي لايسمح لي أبداً بأن أفعل اي مشروووع وأشرف عليه بنفسي

14. بقلم: أبوفصيل2

أنت رآئع يآأبآ فيصل ..

شكراً لمرووورك ودعائك

11. بقلم: سافر

أسعار الأراضي لدينا في المدينة المنورة متضخمة للغاية ,,

المبلغ اللي يجيب لي 7سيارات النترا ستاندر يادوووب تجيب لك أرض طيبة في المدينة

اخوي محمد

الددسن غمارة قيمتها 40000 الف ريال ويتم تقسيط السيارة من 60 الف 65 على حسب نوعية الزبون اذا كان انسان مشهود له وكفيله معروف يفضلونه الشريطية ويتذابحون عليه اما اذا كان شخص عادي ولا عليه سوابق بالمعارض وضماناته كفيل غارم من شركة ارامكو يتم تقسيط عليه بالسيارة من 63 ال 65 الف .

الددسن غمارتين قيمتها كاش 62 الف ويتم تقسيطه من 85 الى 95 الف وبنفس الوقت التقسيط على نوعية الزبون

اما بالنسبة للعمولة المعرض على خمس مية على البيع وخمس ميه على الشراء

واذا مشيت معاهم يسيلونك بشراء سيارة على اقساط سياراتك

والبيع راح يكون بالدور على شريطية المعرض

اما الزبون الخارجي الي يجيبه لك احد من برى المعرض مالهم شغل فيه

على العموم المشروع مربح بنسبة 50 بالميه اذا وفقك الله

لاكن كل مشروع له نسبة مخاطرة

حاط لي صورة مايباخ قيمتها فوق المليون وتتكلم عن ددسن غماره وغمارتين :(


طبعا امزح لاحد يشب علي


وفقك الله بمشروعك ان شاء الله

اخي افتح لك سجل واعمل اتفاقية مع بنك الراجحي لاستقطاع المبالغ على العملاء وقسط انت ولا احد ياخذ عليك فايدة ترى الموضوع بسيط جدا ومضمون
تحياتي