دلوني على الخير يا أهل الخير عن مشروع

-

في ظل التنظيمات الجديدة من الممكن ان تشتري او تؤسس بوفية في منطقتك ويكون شامل واجعل البوفية بأسم أبوك . أعتقد أن هذا هو أفضل حل لحالتك والعمال ستحصل عليهم نقل كفالة.

الله يجزاك خير اخوي
بس اكثر العماله يختلف وضعهم اذا كان الشغل للكفيل وراح يلف ويدور
بس مدري اخاف افتح محل بإسم الوالد ويزحلطونه من الضمان

بارك الله فيك اخوي وانتظر رأي بقية الاخوه

ابعد عن الفوركس والله انها دمار
تاجر بالسيارات افضل خذ من قطر وصدر للسعوديه وهكذا والله يوفقك ان شاء الله

اخي الكريم بعد تنظيم العماله الجديد ارى ان تستاجر كشك لبيع اجهزه الجوال والبرمجه والتبديل والاكسسوارات فهذا السوق حاليا متعطش للسعوديين ودوامه من 4 عصرا الى 11 مساء وانا متاكد انك ستلقى خير واهم شئ الصدق مع الله وثم مع الناس علما ان اجار الكاونتر شهريا حسب الموقع يتراوح من 500الى 4000ريال والدخل سيكون مجزئ باذن الله

اخوي فواز .. اخوي عبدالعزيز
جزاكم الله خير على اقترحاتكم
و أنتظر بقية الاخوة والله ييسر الخير لي ولكم

السلام عليكم

أولاً : أسأل الله أن يوفقك ويعطيك على قد نياتك

ثانياً : إذا لك رغبة في العملات راسلني على الخاص لأني بدلك على حساب أخوي بتوتر ورجل فاهم وملم في الأسهم والعملات وراح يفيدك كثير

ثالثاً : أنت تقول الوقت ضيق معك لأنك موظف ! والتجاره بشكل عام تتطلب الوقوف على المشروع لضمان الربح بعد الله , وفي الحاله هذي أنت تبحث عن مشاريع إستثنائية

بصراحة ودي أفيدك لكن ما أعرف طبيعة حياتك وميولك لان ال40 الف مجزيه لحد ما

إذا عندك علاقات أجتماعية ممتازة حاول تبحث عن حوش قريب من موقع سكنك
وبيع الذبائح ! والعمل هذا غير مكلف ومريح ومجزي


أفتح محل صيانه أجهزة الجوال بحيث يكون كشك صغير وأجاره قليل واستقطب عامل من شرق أسياء يكون معلم صح

برضو ال 40 الف تجيب لك سياره فان نظيفه جدا وطلع لك سائق خاص وخله يشغلها أما براتب مجزي له أو أستقطع منه مبلغ , وأقل مبلغ 4000 إذا السياره جديده
لكن يكون العامل سواق صح وعارف لشوارع ونفس الوقت سكنه عندك وسياره توقف عندك في البيت يعني ما تخليه يسوي اللي يبي بسياره وتكون منسق معه ومع الزبون


برضو فيه المبلابس النسائيه ( الدراعات ) لو تجيبها من الامارات دبي ب80 وتنباع في اسواقنا ب 150 ومشروع ناج ولا يحتاج محل بحيث تنسق مع أحد النساء من محارمك تصرفها على البساطات والمحلات النسائيه ويشترونها على طول والأسعار متفاوته


برضو إذا عندك تفرغ للأنتر نت عندي لك مشروع مربح 100% ولا يحتاج راس مال لكن يبغاء منك صفآآآآآآآآآوت مخ وراس وعدم ملل


وإذا لك في مجال الزراعة أقترح عليك بيع البرسيم والأعلاف وهذي مشاريع حلوه وبأمكاني أفيدك بشكل مفصل إذا ما عندك خبره


أبتعد عن المحلات التجاريه مثل : مطعم - بوفيه - بقاله - حلاق - خياط - يعني الدارجه
إلا محلات الصيانه والورش والمخارط هذي رائعه بس تتطلب جهد ومال وخبره

هذي خابور دبل أوفر لان العماله يمسكونك مع أيدك اللي تعورك

( وهذي وجهة نظري الشخصية )

وآسف على الإطاله

جب لك راعي وأشتغل في الحلال وبأذن الله خيرها واجد

اخوي النرحس:
الله ينور عليك فتحت عقلي على مشاريع ما كانت على بالي
بإذن الله اتواصل معك اذا ما عندك مانع والله ييسر الخير للجميع

اخوي باريس
صدقت الحلال فيه خير صح مالي خبره فيه لكن بستعين بخبرة الوالد
الله يجزاك وجميع الاخوان الجنة

السلام عليكم اخوي. طبعا الاهل اولى وانت ماقصرت وهذا يدل عليك طيبك . المهم اخوي انت شوف المشروع الي يناسبك وترتاح له واتحس انه هذا المشروع مربح ومافيه الا الخير توكل على الله اذا بتسمع كلام الناس ماراح تخلص لانه كل واحد عنده فكره و ممكن ماتناسبك او طبيعة الفكره والله يوفقك اخوي في دنياك

ابعد عن الفوركس محرقة الاموال

كنت اقرا موضوعك وانا هادي يوم جبت طاري الفوركس عصبت تكفي تكفي لاتدخل الفوركس والله خوفا عليك

اسأل الله لكم التوفيق اخواني والله ييسر اموركم

شاكر ومقدر وقفتكم معي

أسأل الله أن يفتح لك أوسع أبواب رزقة
http://www.youtube.com/watch?v=AFkNXF5R3KY

لدينا مشروع بإذن الله راح يفيدك
ارجو الاتصال على الرقم 0555784631 ابو زياد
او ارسال رساله والتعريف بنفسك حتى اقوم بالاتصال عليك وشرح المشروع
يوجد اوراق وعقود وشهود لحفظ الحقوق

اقدر افيدك كلمني واتسأب ,, اذا كنت جاد فقط
0096170008743

الله يوفقكم اخواني و ييسر اموركم ويدفع عنكم الشرور
بالنسبة للمبلغ تم صرفه ولم يتبقى منه الشئ الكثير

لكم مني كل الشكر والدعاء

احذر اخوي من الاقتراب الى الفوركس !!!! شوفلك مشروع يكون ما في مخاطره

صدقت اخوي
الله يجزاك خير