السلام عليكم ورحمه الله وبركاته
مساء الخير وكل عام والجميع بخير وصحه وعافيه
ابستفسر يشباب اللي جرب زيت الترا سفن لسيارته ممكن يفدني
هل الزيت يعتبر افضل الزيتوت الموجودات
لاني احترت لسيارتي الكل نصحني بالترا سفن يقلون يتحمل مرة الحرارة
كاسترول 20-50 جداً ممتاز
انا كنت استخدم كاسترول وتركته وحولت على الترا سفن من انتاج بترومين هم اعرف بظروف بلدنا .. اكده اكثر من 7000 كيلو وبعدين اغيره . كنت اغير على 5000 واصبحت اغير على 7 الى 8 الاف وما فيه غير العافية .. طبعا من عادتي اغير زيت وسيفون مع بعض في كل تغييره .السيارة على فكرة موديل 2010 لا تحسب انها قديمه تقول ماعليه منها .
ترى مصدر الزيت واحد
فرق اللزوجه ماياثر كثير
ألترا 7 وارفع يدك انا مطربة على كور فيت معدل ومجهز للسباقات والتحمل الشاق وجربت تقريبا كل انواع الزيوت حتى هناك انواع العلبة ب 55 ريال تقريبا والله ما تنفع ولا بريال وتبغى تعرف اكثر ان ال ألترا 7 يخفي لك صوت التكايات عندما تكون في بداية خرابها لقوة لزوجته
بيض الله وجيهكم
التر 7 افضل الموجود
ممتاز
انا استخدم لسياراتي الترا 7
استخدمت الترا 7 بعد ما شاهدت جميع العلب اللي بالبنشر
والعلبة الوحيدة اللي عليها علامة الجودة وشهادة الايزو هي الترا 7
زيت طيب واشتر لك بالكرتون اوفر لك
جميع سياراتي ما اعبيه الا هو ولا ينقصن وامورهن طيبه
انا استخدم بترومين الترا سفن .. بس مراكز خدمة بترومين نصابين مرة قلت له غير زيت بس 5 علب بدون سيفون لان الزيت جديد ماتغير لونه يقول ب 136 ريال .. قلت ليش قال عشان خدمة .. بعدها دقيت ريوس
روح لمحل الزيت وخذ بترومين الترا سفن وتوكل على الله الزيت هذا ممتاز من وجهة نظري
نصيحه ياالطيب لاتستخدمه
لان هالزيت بالذات طعمه مر ويجيب مغص
والله اعلم
أمزح معك لاتصدقك خخخخخ
خلاص باذن الله ماراح اغير زيت الا من الترا سفن فقط
البارح كنت اسولف انا واحد الزملا ء خريج كلية التقنيه تخصص ميكانيكا وصدفه جينا في طاري الزيوت قال افضل زيت في المملكه هو الترا سفن 20. 50 يقول الرقم هذا يعني يتحمل درجة الحراره من 20 الى 50 وذكر معه واحد ثاني نسيت اسمه وقال الزيوت الباقيه مكرره طبعاً هم يسوون اختبارات لزيوت يقول عندنا دكتور هاوي مختبرات وتحاليل زيوت دارس بامريكاء طبعاً اعطاني نصيحه يقول اول ماتغير الزيت غير معه سيفون على طول لان السيفون باقي فيه لتر زيت محروق وعلى طول يضعف الزيت الجديد
ملاحظه هويقول اغير الزيت بعد 5000كم ولايتغير
واسف على الاطاله
ابو حذيفة قل امين الله يرضى عليك كفيت ووفيت
وبخصوص انك تغير السيفون مع كل تغير للزيت هذا اللي راح اسويه
بالنسبة لي انا اغير سوبر جيتي
العلبة السوداء البلاستيك
بالنسبة للسيفون لا انا اغيره كل ثلاث تغيرات او اربع
وعليكم السلام
انا استخدم زيت الترا سفن وماشي معي تمام ممشى سيارتي 770الف قربت800الف كامري 2002
وماقد اشتكيت من الزيت ولله الحمد
انا استخدم زيت الترا سفن وماشي معي تمام
عن تجربة افضل زيت خذه وانت مغمض قبل استخدم سوبر جتي خبط سيارتي 3مرات
راعين القنص مايستخدمون الا هو عى كلام زميلي لانه هو افضل شي ويتحمل
999
انصحك بستعماله لأنه الأفضل حسب خبرتي يتحمل الحرارة