"السعودية" تنزل راكباً تلفّظ على مضيفة

خطوط فاشله

ومظفينها يحتاجون اعادة تئهيل.

المضيفين في مطارات سيرلنكا اطلق ب مليون مره من الي عندنا
ودقيقين في المواعيد

للأسف الخطوط السعودية من سيئ الى اسوء كل يوم, اذكر اخر مره كنت ابي طيران من الرياض للشرقية مالقيت لمدة يومين!!! معقولة الحين مااقدر القى طيران من اهم المدن الا هي العاصمة الرياض للشرقيه!
صراحة ماادري وش اقول و وش اخلى ادا اروح مطار دبي واشوف التطور هناك تقول ليش حنا مانقدر نصير مثلهم واحنا عندنا القدرة الماديه اكثر منهم

الفساد الأداري اكل الخطوط السعوديه للأسف الشديد اتمنى ان يتم تغيير الأدارة لتصبح الخطوط افضل من الآن

3. بقلم: ابوسالم13
تغير الادارة يحل 30% من المشكله فقط
لي انه بتجي ادارة جديده و تاكل زي الي قبلها

و الادارة الجديده بتسوي تغير بسيط على شان اذا احد تكلم يقلون سوينا ذا

و تشكيل لجنات كل شهر و قرارات كل شهر وتختفي و تتئجل

وهاذا الوضع

المشكلة ياخوي الاخباريه ان الطيران في السعودية لاتوجد منافسه حقيقيه، لو في منافسه غصبا عن الخطوط بتحاول تصير افضل مثل الي الي صار مع الاتصالات السعودية لما كانت سيئة جدا و اسعارها فوق وبطايق سوا ماعندها الا 100ريال اقل شي ولكن بعد ما فتحت موبايلي و زين حاولت بكل الطرق ان تكون الافضل وحاولت تخفيض اسعارها بقدر المستطاع حتى لاتخسر المنافسه لصالح موبايلي، اما الخطوط السعودية تسوي اي شي تبيه مايهمها لاتوجد منافسه ولا شي لو قلنا غيرنا الاداره وتغيرت 30% من الشركة مثل ماقلت ممكن تكون افضل ولكن محد بيفكر يسوي خدمات افضل ادا مافي منافسه يعني كلامك صحيح لو تغيرت الاداره مابيتغير شي الا ادا صار منافسه في قطاع الطيران وقتها بيسوو المستحيل حتى لا يخسرو الزبائن

الخطوط السعودية مرتاحه
منافستها الوحيده خطوط ناس و الكل يعرف خطوط ناس كيف "ابو كلب" طيراتهم قديمه كانت الخطوط السعودية تستخدمها سابقاً


الدنيا دواره

ههههههههه صادق ياخوي، اصلا لو ناس تنافس الخطوط السعودية كان طلعوها من قطاع الطيران لانهم بختصار مايبون منافسين يبون الخطوط مرتاحه لحالها في العسل والناس الي مثلي ومثلك يدفع الثمن!

اخر حجز لي على الخطوط السعوية كان في 2006 على فلنسيا وتندمت ندم
من بعدها غاسل يدي منهم

الحين يجيكم الدغيثر ينوركم شنو الفرق بين الحرب والضرب

الخطوط السعوديه ماشفت احد يمدحهم ابدا وكل شخص سافر معهم سفر دولي يقول اخر مره ما اعيدها

تطورت مزنه

ليه اذا ماتلفظ موظف الخطوط مايحاسبونه

او الغاء حجزي وخصوصا مع موظفي السعودية في جدة المصونه

والا حلال لهم حرام علينا

كل التعليقات مبنية على موقف مسبق من الخطوط السعودية. طيب عادي الراكب يغلط ويسب المضيفة ،، طيب المرة الجاية اذا كان راكب معصب شوي يمكن يضرب المضيفة او موظف الحجز ايش رأيكم ؟؟

للاسف هذا حنا يالسعوديين اذا استلمنا وظيفه انواع التكبر وشوفه النفس حقين الخطوط يكلمك من طرف خشمه

بارك الله فيك أخي صاحب الموضوع وفي الجميع ... نعم كل من علق لديه موقف سابق سلبي من قبل الخطوط الوطنية المحلية ، وهذا دليل على أن هناك خطأ جلل في الإدارة وفي الأداء وفي كل شيء.

نعم لا يوجد منافس هو السبب الأكبر وراء القصور .... الله المستعان

الخطوط السعوديه ؟
وش ذا مطعم ؟

اهاااا تقصدون هذيك الادارة اللي عندهم مكاين تطير ؟
تذكرتها

اووووه للحين موجوده بالله ؟
داخل السعوديه اسافر بسيارتي الله يخليها لي يارب ويكفيني شرها ويعطيني خيرها
خارج السعودية اسافر على الاتحاد او الاماراتيه او القطرية ... اما اسافر على مكاين تطير والله لو اضطر اكنسل السفره كلها ما سافرت معهم

والله كل شي سيئ بدون استثناء وكل شي ينخر فيه الفساد
الطيارات اقصد المكاين اللي تطير
الخدمات
المرافق في المطارات
الحجوزات
كلها زباله -تكرمون-

بالله عليكم المحلات الموجودة في المطار ( السوق ) بالله عليكم هذه محلات ؟
ياخي ما قد نزلت في مطار دولي الا واستمتعت بمرافقه وخدماته ومعارضه وتنوع معارضه
عندنا المصباح للعطور ..المصباح للعطور والكماليات .. المصباح للالعاب والكماليات ... المصباح للالعاب والعطور .. المصباح للعطور والكماليات والالعاب .. المصباح للعطور والكوارع
هذه محلات المطار
ياخي وش اقول بس .. لو بتكلم عن العيوب يبي 7 صفحات
صالة المغادرة بالصالة الدوليه صدق او لا تصددددق لا يوجد فيها الا جهاز صراف واحد للراجحي فقطططط .. جيت مره لقيته عطلان واضطريت اسلم جوازي بعد ما ختمته وطلعت وصرفت وجيت والمره الثانيه جيته مافيه كاش !!
يا شيخ والله لو الطيران الاجنبي يقول نهبط في الثمامه ولا المطار لا اقول له اهبط في الثمامه واترك المطار

الناس شهود الله في ارضه(كما قال صلى الله عليه وسلم)
وهذه الشركة عار على السعودية فكيف تحمل اسمها!!!!

هههههههه بما أني موظف في الخطوط السعودية .. بصراحة شايف كمية كرهه للشركة وكنت حاب ارد وافصل نقاط مجهوله للركاب بخصوص ملاحظاتهم
ولكن هونت قلت خليها شوي <<< تكبر عاااد خخخخ

لا والله داخل من الجوال وماراح اقدر ارد وافصل من الجوال .. لذلك لنا عودة قريبة ان شاءالله تعالى

مشاكل الخطوط السعودية لها سنين متكدسه ... ولا كان احد يقدر يفتح فمه

الحين الوضع اختلف اشوي ... وشوي اشوي راح تتحسن الامور

اجل مطار الملك عبدالعزيز هذا مطار أجلكم الله ..

اوه ماشاء الله كل واحد عنده تجربة سيئة للحين ماشفت احد يمدح!!!

يــــــــــــــاا وســـــــــــــــــــــــــــيــــــط ياوسيط يلا منتظرنكم متحمسين نقرأ النقاط المجهوولة الي قلت عليها نبي نعرف وش السر ههههه

هههههه صادق ياخوي mmalmousa بالنسبة الى الأسوق والبيئة الداخليه تبع المطار كئيبة جدا ومحدودة الخيارات, ولله انا استحي لما ادخل مطار السعوديه اخوي اخواننا الي يجو من الكويت ولا من دبي وش يقولون؟