استفسار بخصوص سجل تجاري

11 Years ago

السلام عليكم ورحمة الله وبركاته

اخواني عندي استفسار بسيط وان شاء الله القى الافاده منكم

سلمكم الله انا طلعت سجل تجاري لمؤسسه عقاريه

وكان عندي امل في دعم مالي عشان افتح المؤسسه لكن ما راد الله

كنت حاط راس المال في السجل 10 الاف ريال سعودي

الحين باقي على السجل التجاري 6 شهور وينتهي تقريبا

وانا ما سويت فيه شي راكنه عندي بالبيت ولا طلعت عليه فيزا ولا فتحت المؤسسه اصلا

استفساري الاول يالغالين

هل فيه مخالفات تدفع على هالموضوع ؟ وبخصوص الزكاه انا ما شغلت السجل ولافتحت المؤسسه مجرد شهادة السجل التجاري طلعتها وما استفدت منها شي .. هل يلزموني بدفع الزكاه ؟

الاسفسار الثاني
اذا بغيت اجدد السجل التجاري لكن بتغيير نوعية النشاط من عقار الى شي اخر هل فيه شروط او فيه رسوم واجراءات معينه ؟

اتمنى من الله اني القى الاجابه الوافيه منكم يالطيبين

وبيض الله وجه من يقرى .. ومن يقرى ويجاوبني

تقبلوا مروري

اخوكم ابو نواف