هل يوجد فرع زاجل في نجران ؟

اتصل على رقم خدمة العملاء تلقاه في موقعهم الرسمي

و طبيعي كله خياس
الشحن من 10 الى 30ريال
تبيهم يحطون لك فخامه
و اجود انواع السيراميك و تغليفات خاصه
اذا تبي كذا لازم يصيرون زي فيديكس الشحن ب 120ريال و يأخذ 48 ساعة الى 4 ايام الشحن


لاكن زاجل ادنا سعر 10ريال
و اعلا سعر 30ريال
و يوصل غالبا خلال 24 ساعه

ابو محمد , ما يردون على ارقام ولا ايميلات , وموظفينهم كل ما زاد واحدهم فقر زاد غروره ههههه

هذول اغرب شركه شفتها

والله ما هي محتاجه لا فخامه ولا شي , بس يصير الفرع نظيف و وتكون الخدمه بالسرا مو كل واحد يدخل ويدحش نفسه وقدام الموظف والموظف عادي عنده تتقدم او تتاخر

وغير كذا لعب في الدوامات , الدوام الاصلي 8 والموظف يجي 9 ونص

والمكيف الله بالخير , يبرد برا وحار داخل هههههه :)

ههههههههههههههه حلوه حقه المكيف😂


صحيح كلامك لازم شويه نضافه

لا يفوتك فرع الرياض
حوش كبير وسطه ثلاجه كبيره
طبعا الثلاجه هي نفسها الي تجي على ضهر الدنه
حاطين فيها مكيف و كم نور و طاوله و كمبيوتر
و المصري جالس و راز نفسه
مدري من قاله مكتب وزير الخارجية

اهلا




للأسف زاجل بدل ما تتوسع صايره تتقلص

ولا في اهتمام لموقعهم الالكتروني لا تحديث ولا شي

قبل كم سنة نقلوا فرع القطيف لموقع ثاني و لا حدثوا في الموقع

وقبل سنتين قفلوا فرع القطيف و في الموقع موجود انه في فرع بالقطيف

انا اراجع فرع الدمام طريق المينا

حتى الموظفين ما يدروا ان فرع القطيف مقفل يقولوا لي روح فرع القطيف اقرب لك !!!

لكن بالصراحه معاملتهم زينه و خاصه ان ما تستلم الطرد الا ببطاقة الأحوال

في شركه ثانية خلف وكالة الجميح شارع الكباري

بكل بساطه تروح و تقول لي طرد باسم فلان و تدفع و تستلمه !!!




لكن اخر مره قبل أسبوع جاني طرد من القصيم على زاجل كرتون صغير بـ 20 ريال

ولا وصلتني رسالة ولا شي

رحت استفسر و طلع موجود عندهم من 3 أيام و لا خبروني !!!

920000177 رقمهم الموحّد

ارسلت اليوم على فيديكس
فيديكس رفعت اسعارها وصارت 120 ريال !!
اول اشحن عندهم ب 75 وباوزان تصل الى 10 كيلو
لا ويقولي ترا خاصم لك ريالين , المفروض 122 ريال
صراحه اسعار مبالغ فيها ,
ان جينا للترتيب والنظافه , رفعوا الاسعار علينا
وان جينا للاسعار الرخيصه , اهمال ووصاخه
ولا فيه مراقبة اسواق وحمايه للمستهلك , كل شركه تلعب بكيفها