شقة جديدة كيف يتم تنظيفها

11 Years ago

السلام عليكم ورحمة الله وبركاته

اخواني ولله الحمد انتهيت من ترتيب الشقة اللي هي في بيت الوالدة الله يطول بعمرها

طبعا انا اخذت جزء من البيت وبما ان الشقة خلصت بنقل غرفتي الخاصة لداخل الشقة حاليا

طبعا تعرفون بعد اعمال الديكور والصبغ والسباكه والكهرباء لازم فيها اوساخ
المشكلة بالحمامات تحتاج تنظيف جامد

السؤال وش رايكم اجيب عمال من برى واجيب لهم منظفات ويقومون بالواجب ؟
ولا اتفق مع الشركة والشركات غاليه وانا افكر اخليها وقت الزواج ان شاء الله

لو جبت عمالة وش هي نوعية المنظفات اللي تشيل اثار الجبس وبقع التوريبات وبنفس الوقت ماتكون قوية تأثر على الأرضية

ايضا موقعي الأحساء للي يعرف عماله كويسه وسعرها مناسب تنظف وماتخرب بمواد قويه

Do you have any product?

Publish Your Ad Now

All: 5

4X4

11 Years and 4 Months ago

في منظف اسمه ديكسن تجده في ساكو

جالون لونه أخضر سعته 4 لتر

سعره 30 ريال تقريبا

انتبه لازم يكون العامل لابس كفوف

drk (Author)

11 Years and 4 Months ago

الله يعطيكم العافيه ياليت معلومات اكثر

Old member #275245

11 Years and 4 Months ago

اذا الوضع المادي زين افضل شركات وتريح بالك وبخبرتهم ينظفونه لك مثل الجديد
واذا تبي توفر جرب الديكسن واقرا التعليمات اللي خلف العبوه تلقاه في محلات السباكه ومواد البناء وخذ لك ورقتين صنفره متوسط الخشونه وسكين ومكنسه خشنه وافرك واللي مايروح بالسكين او ورق الصنفره والديكسن خله ينقع على الارضيه اللي بتشتغل فيها خمس دقايق قبل وبالتوفيق

النورس2006

11 Years and 4 Months ago

وعليكم السلام ورحمة الله وبركاته
اخوي جيب عاملين او ثلاثه وجيب الديكسن اللي نصحوا فيه الاخوه وكون مشرف على العمال
لا تنسى تنظف الدرايش هذي جدا مهمه بعد اعمال الدهان
اقرأ التعليمات على المنظف بحيث انه مايضر العمال او.يستخدموه بشكل خاطئ ويعدموا لك الدهان والارضيات
حاول يكون العمل من الصباح حتى يبارك لك رب العالمين بالوقت
وبالتوفيق ان شاءالله