قطع غيار سيارات تركب على سيارات ثانية ، تبادل خبرات

بلف الحرارة للكابرس يركب ع الفكتوريا والمراكيز موديلات 97 وتحت ويخليك تنسى الحراارة

قطع الهايلكس يركب على الفور رنر 93-96 ومعروف قطع الهايلكس ارخص من الفوررنر..

دينمو المستوبيشي جلنت سعره 800 ريال

ركب بداله دينمو سدرك ياباني بحوالي 140 ريال

اهم شي بدل البكره عشان السير يركب صح..

فلنجة الرنج روفر كثير خرابها واذا غيرتها بوحده اصليه بترجع تخرب ثانيه في اقل من سنه
الحل انك تركب فلنجة بي ام ارخص واجود....

التريل بليزر + الانفوي + الاسوزو اسكندر

تتراكب قطعهم مع بعض. كلتش المروحه والبريكات والجنوط لانهم بالاساس نفس السيارت بس نازله بأسماء مختلفة. توي اكتشفت ان الاسوزو اسكندر هو نفسه التريل بليزر...

خرب عندي عكس الأكسنت موديل 2002 وحصلته بـ 1400 ريال وبعدين أخبرني هندي صاحب محل قطع غيار إن عكس الميستوبيشي لانسر يركب عليها وأجود منه وبسعر 600 ريال وبالفعل ركبته وله معي الحين أكثر من 4 سنوات بدون مشاكل.

جيب ديهاتسو روكي موديل 91 او 92 ما كينته نفس ماكينه هايلوكس 84

رحت لمحل يبيع قطع غيار ديهاتسو ابي اشتري اصلاح كبليتر قالي 200 ريال اصلي

رحت لعبداللطيف جميل لانه هو وكيل ديهاتسو الان قال 250 ريال

بس الصراحه طحت بواحد اجودي ابن حلال من حقين عبداللطيف

قال يابو الشباب لا تتعب حالك رح الى اقرب محل يبيع قطع غيار تايوتا

وقله يعطيك اصلاح كبليتر هايلوكس 84 وعطاني رقم الماكينه وقالي اسكت لاتقوله جيب ديهاتسو

وبالفعل رحت واشتريته ب 50 ريال وركب مثل العسل...

مكينه الهايلكس تحت 90 تركب عليه مكينه الكرسيدا بدون توليف وعزم أكثر
وواحد قريب لي مركبه على 88 بس مدري 6 سرندل ولا4???????????

يرفع::


طرمبة البنزين حق ال vxr تركب على التاهو و اليوكن من موديل 200 كما سمعت والله اعلم

لرد رقم 48 نعم كلامك صحيح على مسؤليتي

الله يعطيكم العافيه
ومشكورين ع الاضافه.
اخوكم ابو رنان

كلتش المروحه للدورانقو 2004 وطلع ب600 ريال يركب عليه حقت الكراون فكتوريا 200ريال وكذلك فحمات الكراون فكتوريا تركب لل اكسبلورر

موضوع رائع ومفيد ونتمنى أن نرى التفاعل من أهل الخبرة في مثل هذه الأمور ، يعطيك العافية أخوي ابو رنان افدتنا بأمور عديدة خاصة بأني أملك لكزس 400 موديل 98 ورأيت في موضوعك وردودك أمور عديدة ومفيدة جداً ، بارك الله فيك

يا شباب المونديو مالها شي ؟؟

اخوى الغالى seekkk
اشكرك علي تفاعلك .
اخوك ابو رنان

اخوى ياسر
بارك الله فيك وزادك من علمه.
اخوك ابو رنان

اخوى مشتاقللك.
ما عندى فكره ولكن الله كريم.
اخوك ابو رنان

ركبت طرمبة vxr لسيارتي يوكن 2001 بس صار مايشتغل الا بعد ثالث او رابع دقة سلف مو زي اول من اول دقة احس ان السلف من كثر محاولات التشغيل بيخرب!! هل فيه حل ؟

ياسر 232
انا حصل معي كذا
ارجع الي الكهربائي خله يشيك على التوصيلات اللي داخل
فيه لي لازم يقصه ويركبه له توليف عشان البنزين مايرجع
وهذا رقم جوال الكهربائي اللي ظبط لي الطرمبة
اسمه جمال 0509168649

مشكور اخوانى علي الروح في مساعدة الغير.
وكلام اخوى العبادى صحيح.
اخوكم ابو رنان..

موضوع مفيد جدا

طيب يا اخوان انا جننتني الفكتوريا بالقزاز كل شهرين الى 4 شهور يخرب واغير المكينه

والله لدرجة فكرت اقلبه عادي ( هندل )

عموما اي ترهيمات للفورد فكتوريا 97 علمونا لاهنتم

اعتقد ساعة المكيف للفكتوريا 97 يركبلها حق الهونداي والله اعلم ومدري لو انا غلطان

مدري هي الساعه او شي ثاني للمكيف

ولو المكيف اقدر اركبله حق تويوتا ..التويوتا تكييفها ثلج ماشاء الله

ابورنان نورنا ماشاء الله عليك