السلام عليكم ورحمة الله وبركاته..
اخواني واخواتي الكرام اعضاء منتدى مستعمل اليوم جاتني فكره لموضوع نافع بإذن الله ومتجدد وهو أن يكتب لنا كل عضو مشكله صحيه واجهته ووجد علاجآ ناجحا لها سواء اعشاب او علاجات كيميائيه صيدلانيه لكي يستفيد الجميع وأنا أول من سيبدأ بإذن الله ..
اعاني كثيرا من القولون والغازات وسوء الهضم وجربت كل شي وما نفع معاي اللين هداني الله سبحانه يوم من الايام بالمصادفه لعمل مشروب حبق ساخن مثل النعناع وشربته ولازلت مستمرا عليه والله لا استطيع وصف فوائده لكم فهو اكثر من رائع لمن يعاني من غازات وسوء هضم بعد الأكل وانتفاخات وضيق تنفس وامساك ..
وهو ان تغلي حبق في براد مع السكر او بدون حسب رغبتك وتشرب منه اقل شي 4 فناجين وبعدها شوف الراحه لن تتخيلها ..
==============================================
لاتنسوني ووالدي واهلي من صالح دعائكم..
أخوكم..
الفزاع
اخي الحبيب عبدالحميد الله يجزاك الجنه ويثيبك على مشاركة اخوانك وافادتهم ..
وبالنسبه للأرق وصف لي احد المشائخ والرقاه وهو من اعز اصحابي كان معي بالعمل قبل ان يتقاعد وشكيت له من مسألة الأرق وصعوبة الدخول في النوم فأهداني طريقة رائعه وجربتها وهي من فضل الله لاتوصف وهي..
امسك المصحف وابدأ بقراءة سورة البقره مع عزمك على انهائها وستلاحظ ان النوم غلبك بمجرد قراءة بعض الآيات لأن الشيطان أعوذ بالله منه لايريدك ان تقرأ وسيغلبك النعاس..
وفقك الله
من اليوم ان شاء الله ابدأ
الله يوفقك ويثيبك لما تقدمه لأخوانك واحواتك هنا
بيض الله وجهك عزيزي
دمت كما تُحب
آمين ولك بالمثل اخي الحبيب عبدالحميد ووجهك ابيض يالغالي وعلى فكره ترى علاج الحراره والاملاح هو البقدونس كله بكثره مع السلطه وافرمه لوحده مع كوب ماء واشرب كوب كل يوم وستلاحظ الفرق من اول يوم بإذن الله..
دمت بحفظ الباري
كان عمي مريض مستشفى الشميسي بسبب حادث انقلاب وقدعد مدة شهر بالامسشفى وبعدااا طلع عنده جرح باسفل الظهر المهم وقامو الدكاتره يعالجونه من الجرح ومابري كل يوم يزيد ويندمل سبب له متاعب كثير وخاصه يوم يسون الغيار والعلاج
وزارنا احد الاصدقاا ونصحنااا بالعسل ورحنا وشرينا عسل اصلي مفحوص من المعيقليه عند المسجد استخدمنا العسل لهذا الجرح وكان ولده المرافق يقول املي الجرح بالعسل ومجااسبوع الا والجرح باري وكان مافيه جرح وجا الدكتور وهو دكتور سعودي وقال احنا ابتعدنا كثير عن هذا العلاجات الطيبه مثل العسل وقال لازم يكون احد العلاجات في المسشفى
منقوله من الوالده تقول زمان يوم كنا في الباديه اي احد يكنسر اويطيح من راحلته وينكسربعد تجبيره بالاواح الخشبيه نجمع له العجوه وندقهااا ومن ثما طحنها ويشرب منها المكسور وتجبر عظامه بسرعه لحيث انهاا تساعد في تجبير العظام
خبر سار لهل السكري يقولون فيه دكتوره هنديه في مدينة نيودلهي لقت علاج لسكري عن طريق زراعة الخلايا الجذعيه يعني تزرع خلايا جذعيه وتحقنهااا بابره والله اعلم في البنكرياس اوفي الوريد مثل ابر السكري المهم باذالله يرجع البنكرياس لانشاطه الاول لين يشفى المريض بس المشكله علاجهاا غالي وبدولار الشخص يكلف 30000 الف دولار
هذا الخبر منقول من احد الاخوان في موقع مستعمل وسويت بحث في قوقل ولقيت اعلانات الدكتوره
اخوي حمد بارك الله فيك ورفع قدرك
في شهر رمضان تعرفوا يكثر شرب العصير وخاصه الليمون
ايامها كنت اكثر من الليمون والبرتقال حسيت بعدها بحبوب باللسان عند الحنجره
مضمضمه وغسول فم وكله هالاشياء مانفعت
الين خففت من الليمون وصرت اشرب لبن والحمدلله فتره بسيطه اختفت تلك الحبوب بحمد من الله
من خلال تجربه القرآن شفاء لكل الامراض الروحيه والعضويه
( قل هو للذين آمنوا هدى وشفاء )
ياشباب اللي يعرف علاج "مجرب وله نتيجه فعاله" للهالات السوداء تحت العين .. يفيدنا
علاج مجرب للثاآليل على الأصابع ..
يمسح على الثاآليل بقطعه صغيره من الكبده او السحر النيه مع المداومه عليها لفتره وانشاء الله تلاحظ الفرق وتختفي باذن الله
مجربه مع عيال اخوي واختفت الثاآليل
جزاكم الله خير ونفع بكم
اخوي عرفان وشهي السحر النيه
موضوع مفيد جزاك الله خير
ومن يقول حياك اختي
موضوع مفيد جزاك الله خير
الفزاع كم مره في اليوم استخدم الحبق وهل يكون بعد الاكل
هذا الموضوع لازم يرفع جعل والدينا والديكم بالجنه
انا عندي القولون
بس موهب اي قولون
تعدى مرحله الحرقان والمغص والاسهال والامساك اكرمكم الله
انا
وصل عندي
لدرجه مخيفه
الام في الراس
رعشه
ضعف في العضلات
صداع مستمر
الام في الجمب الايسر يعني راسي رقبتي صدري بطني ظهري فخذ ساق قدم ((( يسار )))
مافيه علاج ما جربته
وما فيه فايده
علاجات طبيه
كمون
يانسون
عسل
زيت زيتون
رمان
حليب نياق
حجامه
رقيه شرعيه
مازال صامد
مازال مستمر كما هو للاسف
لا وطلع لي امراض اخرى
زياده حمض اليورك او البوليك في الدم
ضعف فيتامين بي 12
ضعف فيتامين د
ارق
صداع مستمر شقيقه
اكتئاب
ارتجاع مريئي
كتمه
الله الشافي المعافي
هلا اخوي علي
مرتين اوثلاث مره وبطنك فاضي جدا ممتاز ومره اومرتين حسب رغبتك
ابي علاج للارق وقله النوم واتقطاعات النوم اعاني منها من سنوات اخذ بنودل نايت مايسوي شي
لإعراض الذبحة الصدرية وما شابهها :
فصين ثوم في كوب لبن ( قليل أو خالي الدسم ) في الخلاط تشرب مساء قبل النوم .
في البداية بتشعر بحرقان رهيب لكن بتشعر بالراحة لما تتعود عليه
حاول تشربه مرة أو مرتين في الأسبوع أو عند الشعور بالأزمة . مجرب