مكتب عقاري يفتن بين أهل البيت علشان يربح

وش مكتب عقارك وش دخله في أهل بيك يوم انه يحرضهم عليك انت معنا في السعوديه
وضح بارك الله فيك

قص لنا قصتك خلنا نفهم ما فهمنا شي انت مختصر الموضوع ولا فيه شي واضح

نفرض أنك تقدر تشكيه للبلدية والجوازات والإمارة والهيئة............................الخ
الحل الأسرع والأضمن والأنجح ( إن شاء الله ) دون بروقراطية وتعقيد ____هو الهيئة

وضح كلامك

شف هذا موقع في النهايه حنا بس هنا نمثل عائله وحده
حبيت تقولنا القصه +تحفظات شخصيه براحتك بس خلنا نفهم وش نوع الاسائه الي قدمها لك مكتب العقار عشان نقدر نفزع لك او انك من الاساس لاتطرح وجود مشكله دون ذكرها

انت في المنطقه الشرقيه كنت تبيع في العقار او مسوق عقار بس لازم تعطينا معلومات اكثر عشان نساعدك

هذا مكتب عقاري يدير املاك الوالد

وسبب فتنة بين الإخوان

غالبا يتراود في ذهن اهلك ان مكتب العقار هذا هو الي بيربحكم من خلال تسويقه لعقارات والدكم
واذا انت وحيد اهلك لازم يكون معك وكاله عامه لاداره الاملاك واذا كان عندك خوان اكبر منك حاول تقنعهم يغيرون ادارت املاك ابوك من هذا المكتب الحقيقه اذا حس مكتب العقار انك ضعيف بيتصلط عليك وبيحاول فعلا يشوشهم عليك بسبب او بدون سبب عشان يفتك منك عن طريق توبيخ اهلك لك وبكذا تنتج الكراهيه


ترا ما يبيلها شي يا صاحبي طلع سجل ومكتب صغير واعلانات في مستعمل عن عقارتكم وبدون ما يجي مكتب يفرق بينكم انت حاول تفتح المكتب اول بعدين كلم اهلك واكسبهم في صفك مع الوقت لو كانت علاقتك حلوه معهم بتكسب الوكاله من المكتب الي ما هو كفو

اسال الله ان يسعدك دنيا واخره


اذا كان فيها اخلاقيات تواصل مع الهيئه
اذا كان فيه امور تجاريه او تلاعب في الاسعار قدم شكوى عن طريق وزاره التجاره وبيحولونك للاماره ثم الى المحكمه

وفقك الله يا صاحب الموضوع ....

نعم ، أنت وضعت موضوعاً مبتوراً مختصراً وغير واضح المعالم ، فإن تريد آراء البعض هنا ، فوضح الموضوع بتفصيل كامل كامل ، كامل ، لا تدع شيئا دون ذكره لتتضح الصورة كاملة لتبنى عليها الإجابة ، وقطعاً هنا من سيعطيك رأياً صائباً بحول الله.