الاسكان ترفض المستحقين

للأسف كانت رغبتي الأولى سكن لكن خيروني إجباراً ما بين أرض وقرض أو قرض فقط ، ومحتار صراحة ما بينهما لأن الأرض لو كانت بعيدة جداً عن العمران فسنبعد عن كثير من الخدمات والمدارس وأعمالنا وغيرها ، ولو قرض ممكن نزود عليه ونأخذ سكن جاهز والسكن غالي أيضاً ، فما الفرق بينهما وأي الخيار أفضل من وجهة نظر الإخوة ؟

yasser .. انا مثلك كنت أتمناه سكن أفضل من الحيره وحتى لو عطونا ارض وقرض
قلت افرض متى راح يجي القرض , شكلها تصريفه وخذ رقم وأنتظر عشرين سنه
يعني تسكيته بذكاء .. وارفع راسك انت لبناني

الى الان فيه ناس مصدقة تسكيت في تسكيت وان استفسرت قالوا قدامك مليون واصلن مافيه احد لو تستفسر بعد50سنه قالوا نفس الكلام قدامك مليون وردد ياليل مطولك

3. بقلم: saadnmmm1


وانت وش الي قاهرك يا ابن الحلال ايه مصدقين وواثقين في وزارة الاسكان لكن المشكله في اهل العقار الى الان مو مصدقين سوق العقار انتهى خلاص اعلان المنتجات ضربه قاضيه .


سجلنا وقلتوا ما راح يجيكم شي .

اعلنوا الاستحقاق وقلتوا كلام وتسكيت .

اعلنوا المنتجات السكنيه وقلتوا كذب .

بكره بنسكن وبتقولون اشاعه هههههههههههههههههههه


والله السوق له اسبوع فيه لخبطه وخبص وتراجع بالاسعار العقار بالاحساء نزل 30% فقط بمجرد اعلان المنتجات السكنيه والدور ع باقي مناطق المملكه.

نصيحه للإخوان لا احد يشتري شي الان الخير جاي بالتوفيق :)

) بقلم: SAUDOOO
أقول صباح الخير .... انت بس قلنا من اللي لقمك الكلام هذا وبيصير خير .

وصلت بك المواصيل انك تكذب علينا انت ما تنزل تروح مكاتب العقار بالرياض وجده وأبها والدمام والخبر وتسال بلسانك ولا انت من نوعية ( او ماي قاد ) تستحي تنزل مكاتب وتسال عن شقق للايجار.

(A part has been deleted by the administration)

الفئة اللي تنطبق عليها شروط الإسكان غير مؤثرة في أسعار العقار علشان كذا العقار ماراح يتأثر صح فيه ركود وهذا شيء طبيعي يحصل دائما وتعود الحركة التجارية .
ولو سألتوا كم شخص استحق السكن في الفترة من إعلان وزارة الإسكان إلى الآن كم شاب تزوج وكم أسرة تكونت وجدتوه عدد هائل ...
بعدين وزارة الإسكان أخذت أراضي بالمجان وراح توزعها بفلوس يعني تجارة أيضا .
بعدين نسمع عن شغلات أن العقار ما راح يكون باسمك يعني لو تعثر السداد الله أعلم ايش يصير .
ولو تلاحظوا الطبقة المقتدرة في المجتمع ما قدموا على الإسكان ولا فكروا فيه والله يرزق الجميع من واسع فضله .

5. بقلم: أبوعصام2009
الا والله ان العرض مالي السوق والطلب ما يذكر
انا اتكلم عن الرياض والاراضي اللي اسومها القيها بعد اسبوعين 3 موجوده والله ما اذكر سعرت لي ارض ولقيتها انباعت هذا وش يدل عليه

خلاص بلا تطبيل للعقار يا اهل المكاتب والله ان العالم يعرفون ان العقار في نزول

أنا من الرياض وجاني أختيارين ضغطت على تأجيل الطلب ربما بالدوره الثانيه أربح السكن ربما
وطالما الدفعه الآولى لايوجد بها سكن سيستلمون أرض وقرض وبهذا سيتحرك العقار وسيبحث
المتقدمون على فلل جاهزه لشراءها او أراضي بيضاء للبناء عليها .
لآن الدوله ومن وجه نظري لاتريد الضرر لملاك العقار بل هي فرصه لهم لتصريف ما لديهم من عقار

الله يصلحكم فيه ناس مصدقة...كذبة السكن مثل ..ذرالرماد بالعيون ..