وش الحل مع سيارات GMCذات الصناعة الرديئة

الله يعوض عليك خير يالبى مكيف الباترول الفتك

يعني ماله حل

ربك يعين

احذروا الاكاديا
حسبي الله ع وكيلها ان كان يعلم عنها كل المشاكل ومع هذا يبيعها

صدقت عزيزي قناص

الصناعات مدحدره وذلك من مبدأ تقليص التكاليف
هاليومين يحاولون فعل اي شي لتقليص التكاليف
والموظف اللي في الشركه الام يبغى وظيفته وماهمه شي اخر لانه احتمال يصير (مجبر) يقدم اقتراحات تقليص تكاليف فيلجأ لاي شي وهذي عيوب الرأسماليه يعني
فيجي الموظف يقترح تقليل كمية السيليكون اللي تربط الشمعه زي ما صار لك اخوي رخيصو
بالظبط مثل مثال الخطوط الجويه اللي غيروا المنيو حقهم ونقصوا زيتونه وحده من المنيو و وفروا مئات الآلاف على حد زعمهم ...
فبذلك ، يجيك موظف ( مظطر ) انه ( يخترع ) اسلوب تخفيض تكاليف وتجي في ظهر العميل
بالظبط مثل طالب ماجستير يبي يقدم رسالة تخرج ويحطها في موضوع ما يسمن ولا يغني من جوع مثل مثلاً تغيير نوع مناديل المغاسل لنوع اخر ارخص ولكن النوع الاخر الارخص ذو جوده رديئه
الطالب خذ شهادته و بحثه ناجح
وراح بيتهم
والشركه اللي طبق فيها كلوها على علباهم
والدكتوراه لا تقل عن ذلك ايضاً ...

عموماً ترى المنظمات حقين السيارات فيهم حوسه غير طبيعيه ابداً ... وشكلي شطحت لذلك خل اوقف :)

معقوله أنتم تتكلمون عن سيارات تملئ شوارعنا
انا ما ادافع بس استغرب العالم هذى تشتري سيارات بهذه العيوب المصنعيه
أو يمكن مافيه بديل في السوق
الله يكون في عون المستهلك دائماً هو الضحيه

شرفني مرورك عزيزي

لكن السؤال كيف تغامر الشركات ذات الاسم التجاري بسمعتها من اجل اقل التكاليف

الشركات تخصص ميزانيات ضخمة وتواصل العمل لبناء سمعة جيدة لدى المستهلك على مر السنوات

وهذه السياسة الخاطئة تهز الثقة في العلامة التجارية وتجعل المستهلك يبحث عن بديل اخر

كما هي الحال مع سمعة تويوتا الان وجنرال موتورز

سؤالك جداً في لب الصميم
الوقت المعاصر من المُلاحظ ان العملاء ماعاد يهتمون بالجوده والمتانه اكثر من اشياء اخرى ما ودي حتى اذكرها مثل الموظه او شي بغض النظر عن حاجة البعض ممن لديهم عائلات...
وذالشركات اهم ما يهمهم هو ( ذوق العميل ) ...
اذا كان العميل ذوقه قابل للاستغلال : فيا سلام تعال نستغلك مافيش مشاكل ...
طبعاً كل هذا يحصل تحت دراسة للظروف البيئيه المحيطة واهمها انظمة ولوائح الحكوميه ،،،
فتلاقيهم في امريكا ذوق العميل هو نظام عيش يومك واشتر سياره اقصاد عليها تأمين واكبر همه هو قوطي بيره اخر الاسبوع ... ولكن في حال حدوث اي خلل مثل اللي وظحت فتلاقي الشركه مجبره على التصليح واعطاء العميل سياره مجاناً طبعاً بعد تنشيف ريق هذي مافيها كلام لا يهمك من يقول حقوق الطبع محفوظه ماعاد للشعب حقوق اطلاقاً اكثر من انه اداة عموماً لا اشطح
في السعوديه عندنا، انت شايف الحال... وزير التجاره شاد حيله واللي ميخافون الله شادين حيلهم بعد... يعني يلزمهم قظيتين تنتهي بدفع مبالغ خياليه عشان تشكل صفعه على وجه الشركات ويعقلون ولكن فيه اشياء تمنع مثل حاجة السوق ،،، والمستهلك للسلعه (مع استغرابي من عدم وجود بيوك في سوقنا مع رخص سعره وجودته)

وذالتايوتات يعلق مثبت السرعه لا ويزود الدعسه بعد يعني مصدر هلاك حتمي!
مع ذلك الخلق يشترونه وذلك لمتابعة الموظه، ودام ان الاغلبيه عندهم الاستعداد لمتابعة الموظه: اللي بياكلها انا وانت واي شخص يريد استخدام السياره لاحتياجه لها...

من الجانب الاخر ودي اشطح لموضوع الموارد
يعني لو تتخيل اننا في غرفه كبيره مساحتها كيلو في كيلو ... وذالغرفه فيها شخص من كل جنسيه... ذالغرفه بالعربي هي العالم،
داخل الغرفه يوجد مواد تموينيه ،،، نسميها موارد: مثل حديد ونفط وجلد مدبوغ و فرو حيوانات ...
ذالموارد محدود وراح تنتهي
يعني الحديد منزل على الارض في مراحل خلقها وليس ينبوع حديد او تصنيع حديد ..
البلاستك يتم استخراجه من النفط
النفط بينتهي ومعه بينتهي اشياء كثيره من اهمها البلاستك
والجلود الحيوانيه عاد بتنتهي متى ما طغى الانسان على التوازن البيئي او طبقة الاوزون او فساد التربه بشكل كامل بحيث معاد يبقى مصدر عشب
المشكله هي ان ذالشركات قاعدين يصنعون ببذخ غير طبيعي مثل اللاند كروز الجديد تشوفه كنك قاعد تشوف البذخ بعين امه
والمشكله الاخرى ان كل الاشخاص اللي الغرفه التخيليه قاعدين يلهطون من ذالموارد وحنا قاعدين نتفرج زي الابلهات !
واذا جيت بتبدا مشروع بيصير لك زي تعليقي في موضوعك حق المطاعم وبالتحديد اخر سطر من تعليقي...
فما لك اخوي رخيصو الا تاخذ جنسيه مريكنزيه عشان اذا جاك احد يبي يشاركك تطلع له الجواز الكحلي وتقول له : سقها...
او تروح تشتري لك علبة مناديل وتمسح دموعك ثم تمسح اسطبك وتحمد الله وتشكره ،،،

ولكن الموظه وذوق العميل هي سبب تمادي الشركات على نفسها،،، هو الواقع التمادي على العميل لانهم واثقين انه راح يرجع خلاص غرزوا انيابهم تحت اسم وظل : التاريخ...
فتاريخ اليوكون والجمس والمحاكاة والتقليد الخ اكلت الجو وهيمنت على الاذهان...
مجرد وجهة نظر

كلام كبير

واقدر كل حرف كتبته

الحل بسيط خذ علبه سيليكون شفاف
ولف على الأنوار الاماميه والخلفية أي فراغ سده وانتهينا..

مشكور عزيزي متعب على مرورك

لكن المشكلة ان المياه لاتزال داخل الشمعة من تاريخ الإعلان لدرجة ان العاكس اللستيل اللي داخل الشمعة

اصبح اسود من الصدأ

*

قاعدة معروفة اي مواتر امريكية صنعت خارج الولايات المتحدة تاتي جودتها اقل وتطبيقها خايس سواء للاكسسوارات او الانظمة المتعددة بالسيارة ..

الصناعة الامريكية الشاسيه فيها يبداء بال 1G والكندية 2G والمكسيكية 3G افضلها الصناعة الامريكية 1G ويستحيل تظهر عيوب بها الا نادرا ولا تظهر الا اذا تم صيانتها في ورش غير مؤهلة .

*

شرفني مرورك