[ يا فرحة ما تمت ]
قدر الله و ما شاء فعل .. والإنسان ما يدري وين الخيرة فيه ..؟!
والحمد لله على كل حال
السالفة و ما فيها
شريتها قبل ما تقفل الوكالة عشان اجازة الحج ب 3 أيام تقريباً ، و من يوم طلعتها وانا أسمع أصوات فيها عند كل حالة وأنا واقف يطلع صوت طقطقه غريب .. وإذا وصلت 100 ك يطلع صوت ونه ..وفيها رجه خفيفة ..
وبعد فيها رجة خفيفة ويتحرك الامبير حق الضغط وتهتز السيارة وهي واقفه كأنها مشكلة بواجي ..فيها ضعف بالعزم وصعوبة بالاستجابة
فيها حنه إذا جيت أشغله .. مع إني ما أعلق على السلف ، وحتى لو شغلتها بالريموت تطلع ..
وأكثر شي ضيّق صدري ، صوت يطلع من المكينه ، صارت تحسسني إنها سيارة قديمة
خل كل هذا كله على جنب .. السيارة يوم دققت فيها لقيت إن الصدام الأمامي مركّب وهو مايل ..!!
أي أن قاعده الصدامة مايله ، وش معنا هذا ..؟ يعني جايها ضربه !!
المهم وديتها لهم الأحد الماضي يعني قبل أسبوع وكان المقرر أن تطلع الخميس بالكثير !!
وكانت ماشية 2120 كم وعطيتهم كل المشاكل إللي فيها إللي هي 8 مشاكل أو 9 مشاكل
وكشف على شيئن إلى الأن وهما ..الأول (هذا بسيط) الكفرات يبي لها تغيّر !!الثاني ( الطامة) الدفرنس عطلان !!
طبعاً انا قفّلت معي ورحت لهم ، قلت السيارة ما أبيها ، يا آخذ فلوسي وإلا استبدلوا السيارة قالوا ما فيه استبدال ..السيارة خربانه نصلحها على الضمان وبس ..حتى انهم ما راح يغيروا الدفرنس !!
يقولون ممكن إنا نغيّر كل القطع اللي جوا ..! بس الدفرنس لا..
الأن ما فحصوا إلا مشكلتين وطلعت هالنتيجه ، أو بالأصح (هذا إللي قالوا لي بس) وهي كافيه إني أطالبهم بتغيير سيارتي ..مع الأسف ما وجدت أي تجاوب معهم .. والمشكلة الثانية يوم قلته لهم عطوني التقرير إللي يدل على ان سيارتي دفرنسها عطلان قالوا لا ممنوع !!
أكثر شي رفع ضغطي يوم رحت لأحد المدراء في قسم الخدمة بالجميح وكان سعودي وكنت متفائل في وجهه بس طلع خيبه ، وقلت له ان سيارتي من يوم استلمتها وهي كلها أصوات وطلع فيها دفرنس عطلان ومصدومه وعدله تعديل مش حالك و غير المشاكل الثانية ..
رد علي بكل بروده وقال / هذا حضّك ، أنا شاري 7 سيارات من الجميح وكلها سليمه
وبالنسبة للدفرنس نوضبه لك ما عندك مشكله !!
بالله هذا رد عاقل !!
يعني انا شاري سيارة جديده عشان أصلح فيها وتخرب علي كل شوي !!
حسبي الله عليه ، الله يبلاها هو وسياراته السبع ..
----------
وآخر خبر عنها هو إن أمس دق علي المهندس إللي ماسك سيارتي
و قال انه فك الدفرنس وصلحه وكان يبيني أجي أجرب السيارة عشان أتأكد إن الصوت راح أو لا ..
قلت له من سمح لك تفتح الدفرنس وتشتغل فيه ..؟
رفع ضغطي ..
سألته عن المشاكل الثانية قال حبه حبه عشان نطلع لك السيارة زي الفل.. حسيت اني شاري سيارة مستعمله ..!!
.. وصدق من قال ، من عاش مع قوم 40 يوم صار منهم
وأخيراً نسيت أقول لكم إن الوكالة هي [ الجميح ]
و أسأل الله أن ييسر لي ولكل مسلم أمره ..
وبغيت أقول لكم وش سويت اليوم ..
اتصلت بالمركز الاقليمي بدبي ..
وليتني ما تصلت .. يقولون ما نقدر نجبرهم يغيرون السيارة ..
نجبرهم يصلحونها ..
وانت عندك ضمان إلى 60.000 كيلو ..
قلت له ان السيارة جديده ، قال مثل كلامه الأول !!
الشي الثاني ..
رفعت شكوى لوزارة التجارة قسم مكافحة الغش التجاري ..
وقالو نفس الكلام / ما نقدر نجبرهم يغيرون السيارة !!
واخذت منهم خطاب استدعاء لمدير شكرة الجميح أو من ينوب عنه
وسلمته للمدير اليوم ووقع عليه وموعدنا بكرا الساعة 9:30 صباحاً بالوزراة ..
وأنا عارف مقدماص إن ما لها سنع بس يلا .. عن قولة إني سويت شي
الشي الثالث .. وكنت متفائل فيه .. لكن ..
حاولت أوصل لحمد الجميح صاحب الشركة نفسه عن طريق صديق مشترك (باللغة الفيسبوكية ) بيننا وبينه ، وكلمه لنا وقال لا ما فيه استبدال ..
بس عشانكم ..
راح نغير الدفرنس كامل ، نفكه من سيارة جديده ونركبه سيارتكم ..!!
بعد هذا كله طلعت متحطم من الوكالة ووجهي أسود من الغبنه ،
بس اللي في نفسي يا جماعة هو غبنه ، طريقة تعاملهم تقهر !!
وين تقدير العميل ، إذا جينا نشتري السيارة ينشبون فينا لييين نشتري ..
وياخذ الرقم ويدق ووو ..
ويوم شريت طلعت خدمة ما بعد البيع ( زفت ) مع الأسف ..
أنصح كل من يقرأ ما كُتب أعلاه بعدم التعامل مع الجميح ..
فإنهم نَجَس ..!
يوم طلعت من الوكالة دقوا علي الصيانة ..
وقالوا تعال جرب السيارة ، صلحنا الدفرنس ..!!
طبعاً باقي المشاكل ما صلحوها ..! ينتظروني اجرب صوت الدفرنس راح أو لا .. بعدين يكملون ..
المهم رحت لهم مباشرة .. ونصيت واحد سوداني حبيب اسمه عبدالفتاح .. مسؤول عن تسليم سيارات بديله للزباين ..
وكان هو الانسان اللي تحس انه حقاني ..
قلت له السالفة وراح اخذ اوراق سيارتي من المهندس المصري اللي ماسكها ؛ لأني حسيت اني بد يخنبق ( شكلهم هزئوه يوم دروا انه علمني عن الدفرنس) لأنه من بعد ما قال لي وسويت زحمة انا ورحت للمدير ، غيّر كلامه وقال الدفرنس سليم ..
المهم
طلعت أشوف السيارة انا والسوداني الله يجزاه خير ..
ورحنا عند الميكانيكي الفلبيني اللي مكلف بتصليحها .. وسألنها عن اللي سواها ..
وطلع بالفعل فاك دفرنس السيارة ومغير قطعتين وحده منهم اسمها ورده أو ثنتين .. وركب وحده أكبر ..
ووزن شي الكرونة ..
طبعاً كل هذا بدون ما يشاورون !!!
طلعت وجربت السيارة .. الصوت فعلاً راح ، بس المشاكل ما أظنها تروح !
اكتب هذا الكلام كله للشركة الام بأمريكا باللغة الانجليزية
وان شاء الله راح يفيدونك أكثر
عفواً يا جماعة فيه غلطه ..
ما تصلت على المركز الاقليمي .. كنت احسبه المركز الاقليمي ..
اللي اتصلت عليه هو الرقم المجاني ..
8008971471
لقيت رقم المركز الاقليمي راح أدق عليهم وأشوف ..
وإذا ما نفع الله يصبرني وأرسل للشركة الأم بأميريكا ..
والله مع احترامي نحنا شعب غبي حقوقنا ياكلونها قدامنا ونسكت والله العظيم قريب لي طلع سوبارو ولمن وصلت خمسة الاف طلعت انواع الاصوات وراح للوكيل وتعذرو باعذار غبية وقام ارسل رسالة للشركة الام بالمشكلة ورد الوكالة واشتكى من الوكالة والله ماعدى اسبوع الا وشركة سوبارو مديرها يكلمه ويعتذرله وغيروله واحده جديده انت كلم الشركة الام والله لايمرمطونهم في البلاط
السلام عليكم
الله يعينك
غريبه يوكون
انا اشتريته قبل سنتين امريكي من صالة في الرياض 2007 وكديته كد والورعان ياخذونه ويكشتون عليه يعني مارحمناه ابدا ولاخالف معي لين بعته قبل كم شهر
سبحان الله العظيم السيارات توافيق
اشتكلهم لين امريكا
لو سمحت ايش نوع السيارة وموديلها ؟
اتمنى ماتكون كابرس
لا تخليييييييهم
ما قلت لنا وش نوع السيارة ؟
والله يكون بعووونك
حبيبي انا كنت بقولك اتصل على الشركه اللي في دبي بس صدمتني يوم تقول انهم مافادوك بعدين تراجعت عن كلامك لكن مادامك مادقيت عليهم دق وقل لو حليتو الموضوع برسل ايميل بس على الشركه الام صدقني يفيدونك بعد الله
بالنسبه للي يقول اشترى سياره وكدها صادق بس يجي بعض السيارات فيها عيوب مصنعيه اذكر واحد من الزملاء طلع كابرس 2006 من الوكاله وصار معه نفس حكاية خوينا كل يوم وهو في وكاله طبعا كان بيدق على الشركه الام بس يقول نزلت المعارض وعطاني واحد انقص من قيمتها بالفين او ثلاثه وقلت فكه ولا اقعد اتعب راسي
رد رقم 3 حلو واذا كان لك نفس طويل اشتكهم على وزارة التجاره
اذا عندك بديل سياره \\ السياره لتستلمها نهائيا خلها عندهم
والله اني اعرف وااحد من اهل عنيزه اشترى افالون 2009 والسياره جديده مامشت 3 الاف وهو واقف فجائه عند الأشاره المكينه بدت تخر زيت وحالتها حاله
وقفها وشالها بسطحه لفرع تويوتا وظبوها له وقال ما استلمها ابي جديده ومعامله تروح ومعامله تجي لين حصل رقم مدير اقليمي للشرق الأوسط بس انه اجنبي وقال حطني مكالمه جماعيه مع مدير الفرع وقال له بالحرف الواحد عطووه سياره جديده
والحمد لله عطووه سياره جديده ولا دفع ولا ريال واعتقد والله اعلم ان السياره الأولى باعوها لأحد العملاء اتوقع
بالعربي الفصيح لاتسكت عن حقك لو لهم حق والله ما يخلونك تتهنى بنومك من كثر الأزعاج
الله يعينك
اخي al-mard لاياخي ما احنا شعب غبي !!!!!!!
المشكله مافيه جهه رسميه تحمي المستهلك لاوزاره تجاره ولاغيرها
ولافيه جهت رقابه على الوكلاء والموزعين ولو اشتكيت صآحب شركه
فلان الفلاني من اللي بيرد عليك ..
مانقول الا الله يعوض عليك اخوي zzz2002 ولاتخليهم ابد
ياخوي اشتريت جمس من الجميح الله لايبارك
فيهم السيارة عدادها 100 كيلو واسلمت السيارة فيها
اصوات الابواب وقربعة مفككة ما كانها سيارة جديدة
مع المشى والمطابات والمراية الجانبية عطلانة
ودخلتها صيانة ال1000 كيلو
وكتبتلهم الاعطال على الضمان ولاساو ولاشي
حرامية طلعولي فاتورة على صيانة ال30الف تغير قماش فرامل امامي وزيت وفلاتر
3500ريال على طول سحبت السيارة وحلفت انى ماعاد ادخلها الصيانة مرة تانية
ان جيت للحق مافي وكيل في السعودية زي التوكيلات العالمية المدير حق الفرع
امريكي يستقبلك ويتقبل شكاوي
العملاء في مكتبو ويرحب فيهم وتعاملهم راقي وممتاز
ويعطوك
سيارة بديلة في حالة الاعطال وسياراتهم احسن من الجميح وبالبيد من ناحية الجودة
والخدمة مابعد البيع
الامر بسيط جدا ولا يكلفك طلع السياره وروح الخطاط وخله يكتب لك لوحه كبيره علي جنب السياره فيها(اين الامانه ياوكالة الجميح السياره جديده والدفرنس خربان والله المستعان)
والرجال هذا اكبر مثل
http://www.youtube.com/watch?v=spHGyKuiNuo&playnext=1&list=PLA2D84BA3BF443427&index=70
لا تقصر معهم لوانا مثلك افضحهم في كل المنتديات والصحافه المهم يعرفون انكم فضحتهم وعندك كل الاثبتات
ههههههههههههههه روح للعيسى منافس الجميح تراه فرصه له
لالا مسوين عروض الحين
الله يستر على التوكيلات والحاج حسين يعني وكلاء فورد وميركوري هم الافضل واثبتو وجودهم بسياراتهم وجودتهم بالصيانه تويوتا والجميح ماعد تنغع بريال والناس منكبين عليهم كانه يوزع ببلاش شي غريب صراحه
السيارة هي يوكون 4X4 2010
وكيلها الجميح
حسبي الله ونعم الوكيل
موعدي معهم بكرا عند وزارة التجارة ..
وأعرف مسبقاً إن الوزارة ظهر للتجار ، لكن حاجة في نفسي إني سويت شي ..
الله يكون بعونك
اقسم بالله التوكيلات انصب وكالة باعوني سياره كفراتها محبله وانا وياهم
قالو ما عندنا لك شي واروح اغيرها 2400ريال
كلهم نصب في نصب
يا حليل مشكلة الكفرات ...
أول ما جيتهم قالوا كفرات ..
بس الحين طلع لي دفرنس كامل ..!