شباب عندي دين بالراجحي من 14 سنة

وعليكم السلام ورحمة الله وبركاته

الله يفك عنك كربتك يارب ..

شوف ما ابي أتكلم على اللي كلمك ولكن .. البنوك في حالة التعثر تعطي الدين لشركات التحصيل طبعاً حسب معلوماتي ( لا اعلم هل هو حقيقي او لا ) ولكن بشكل عام البنوك تأمن على القرض في حالة عدم السداد البنك يأخذ فلوسه من التأمين ويبيع دينك لشركة تحصل فلوسها منك ...
وسواء صح او لا ... المهم انه قسم التحصيل هذا أكذب قسم في كل البنوك بدون استثناء يوظفون قليلين ادب وشوارعية ( الا من رحم ربي ) طبعاً قلت هالكلام لانهم يشتمون ويدحلسون ويروحون عملك وما يخلون احد ما يشرهون عليك عنده عشان تسدد ..

ويعطوك من الكلام المعسول اللي بنشيلك من سمه وراح ننظف سجلك الائتماني وراح نعطيك مخالصة ومن هالكلام ..
وبمجرد ما تدخل الفلوس الحساب ... ردد يا ليل مطولك ..
قاعدتهم الأساسية مرمطت فينا سنوات وجاء دورك تتمرمط معانا .. وكل واحد يرميك على الثاني وكل واحد يسحب عليك تقول تتسول منهم ...

لذلك وجهة نظري :
ما راح يشيلوك من سمه ولا يعطوك مخالصة الا بعد سداد كامل الدين ... اما جزء منه ف مثل ما يقولون ( اخذوا منك أي شي ) بالوعود الكاذبة ولما تجي تكلمه ولو كان جداً جداً جداً محترم بيقولك رفعت الأوراق للإدارة ورفضوا الا بسداد كامل المبلغ .. تقوله انت قلت انت فعلت يقولك ببساطة حاولت اساعدك والعذر والسموحة ...


لذلك اذا كانوا فعلاً صادقين .. قوله المبلغ المطلوب معي .. ارسلي لي ايميل ( سواء لك او لاي فرع تبيه ) ايميل رسمي منتهي باسم البنك بالضبط ... ويكتب فيه انه المبلغ المطلوب منك 40 الف وبمجرد السداد وبمدة أقصاها كذا راح يتم حذف اسمك من سمه وتنظيف سجلك الائتماني وشوف رده ....


بتسمع صوت القطار من اللحين اقولك

لاحول ولاقوة الا بالله يعني الموضوع اقصد مماطلة وكذب

والله يخوي قلت له ابيك تعطيني شي رسمي وقال انت تكذبني يعني وزعل وقالي خلاص راجع المحكمة التنفيذية وبقولهم انك رفضت السدداد
لاحول ولاقوة الا بالله

صارت معي اخوي ناصر مع بنك الرياض بخصوص بطاقه فيزا عطوني مبلغ 2700 وما سدتت
دبلو المبلغ الى 3500 وبعد سنه كلمني موظف التحصيل وخذ من الكلام الحلو وقال عليك 3500 قلت وشلون انا ابي اسدد المبلغ نفسه الى اخذته قال طيب حول الان وابشر قلت عطني شي يثبت ان بعد ما احول ما تطالبوني بشي
قال مافي وبعدها كلمت خوي كان شغال ببنك الرياض وقال لا تصدق ذولي اكبر كذابين
فخلاصه الموضوع لا تصدقهم
سدد مبلغك الكامل وعفى الله عما سلف وتوبه تاخذ منهم شي

اخوي فهد هل تقصد اسدد مبلغهم الكاامل ال 100 الف تقصد مش معقوول ماعندي والله

شوف انت كذا ولا كذا لا بيشيلوك من سمه و وبتروح المحكمة .. لذلك قوله روح المحكمة
وفي المحكمة القاضي راح يطالبك بسداد المبلغ اللي اخذته منهم
ولو قدرت تثبت انك معسر ممكن يكون في كلام ثاني او القاضي يقسطها عليك

عن طريق ممكن يتم الاتفاق مع المحامي على دفع 40% وتوثق بصك وتدفعها وتخلص معهم

رأيي الشخصي حتى إيميل منهم ما يكفي

اطلب منه مخالصة على هيئة اتفاق على ورق البنك الرسمي ومختومة

إذا وافق يعني انهم جادين في حل الموضوع ويصبح معك اثبات أنهم ما يطالبوك بشيء

موضوع الغاء اسمك من سمه وتنظيف السجل الاتماني ما يفيدك بشيء لأنه كله يبقى في النظام ومستحيل بعد تعثر 14 سنة تقدر تاخذ قرض

والله ياجماعة الخير كلامك على عيني وراسي كله عجزت افهم المحامي اني ابي شي رسمي كل ماقلت له يقول انت ماتبي المخالصة يقول سدد واعطيك مخالصتك بالمبلغ الي نزلناه لك وحتى المحصل يقول انه من الراجحي بعد ونفس كلام المحامي شكلهم متفقين
عموما انا اصريت اني باضمن حقي بايميل رسمي للفرع واسدد او يرسلون للبنك ورقة رسمية بالفاكس فيها مخالصة لي رفضو وقالو انك ماتبي المخالصة وقالو انت تكذبنا ورفعو لي على محكمة التنفيذ وصلتني رسالة ادخل وزارة العدل وبعدها يقول اسبوع ونوقف خدماتك
المشكلة والله احترت معهم حسبيي الله ونعم الوكيل
انا مابي احد يسدد عني ابي بس تخفيض المبلغ من مية الف الى اربعين الف فقط
وابي اراسل احد معروف او ساعي خير او احد يوصل صوتي راسلت يزيد الراجحي ومايرد
راسلت مصرف الراجحي ولايردون راسلت الجمعيات الخيرية ولافي فايدة
وانا يعلم الله عندي ظروف صحية ولااقدر اتوظف

امانة ياشباب اسعو لي بالخير شوفو لي مشهور اراسلة ويوصل صوتي يزيد الراجحي او احد مثله او موظف بنك راجحي او طريقة يراعون فيها ظروفي او ايميل مدير الراجحي او تلفونة
ارسلة وتساب والله العظيم ماعندي الا الضمان ومبلغ الف ريال فقط
لاسيارة ولا بيت ولازوجة ولاوظيفة
وش تتوقعون يكون عندي مبلغ دين قديم

لااله الا الله محمد رسول الله

الزم الاستغفار وتأكد أن الفرج من الله

"سيجعل الله بعد عسر يسرا"

استغفر الله واتوب الية

لاحول ولاقوة الا بالله

شباب لاتبخلون الي عندة افادة لايقصر

لااله الا الله محمد رسول الله

يتنزل الملك العظيم القادرعلى كل شي الذي لايعجزه شي ولايؤوده شي وهوالسميع البصيراخرالليل ويقول هل من سايل هل من حاجه للعباد فلوسالناه اعطانا بالعزه لانه القوي العزيز وحده سبحانه لاشريك له/يزيدالراجحي وغيره فالاخيراسماهم عبدالرزاق والرزاق واحدهو الله

ونعم بالله

صباح الخير
لاتنسوني ولو بدعوة بظهر الغيب

السلام عليكم
الله يعينك ويساعدك في تستديد دينك
اذا عملوا لك تسويه النصف مثلا وقالوا تدفع 50 الف فقط
لازم يكون كل شي رسمي على الاقل ورقه من البنك معتمده ومختمه منهم انه حصل لك تسويه خمسين في الميه ومذكور فيها كل التفاصيل وانهم مايطالبوك في حال تم سداد النصف وموقعه من الطرفين والله اعلم

بالتوفيق