السلام عليكم ورحمة الله وبركاته
اخواني اخواتي هذه اول مشاركه لي وحبيت اخذ شوركم
انا ولله الحمد موظف حكومي راتبي تقريبا 6000 وعمري 23
ماعندي اي ديون حاليا ولله الحمد
خطتي اني اخذ قرض من البنك وابني شقة في بيت الأهل وبعد الانتهاء اتزوج
لكن حاليا بديت افكر والكل قام ينصحني بعمل التالي
اني اخذ القرض وابدا بناء الشقة واذا انتهى التشطيب اوقف واتزوج
واسكن في بيت الأهل يعني غرفتين وبعدين اكمل على الراحة حسب المستطاع
الحمد لله السيارة موجودة جديدة والمهر جاهز يعني تقريبا الامور المادية حق الزواج مقدور عليها بحدود المعقول طبعا انا ما افكر اسوي عرس وان شاء الله شريكة العمر تكون بنفس الفكر
وش رايكم في هالفكرة
ايضا بعد الزواج راح يكون الراتب الصافي بعد خصم القروض وزي كذا 3000 شهريا هل هذا يكفي
بصراحة انا متردد كثير وابي شوركم وماخاب من استشار
ابيكم تعطوني وتقولون لي فوائد الزواج اللي يسمونه مبكر لأن فيه من يأيدني وفيه من يقولي صغير وش لك بالشقا والربطة
انتظركم بارك الله فيكم
انصحك خل الزوااااج بعدين سنتين او ثلاث كون نفسك
الله يعطيكم العافية
لا تغلط غلطتنا وبلا زواج بلا هم ،،، توك صغير رتب امورك وانت مرتاح من غير ضغوط وعوار راس وبعدين اعرررس ،،، خاصة اذا بتواصل تعليمك
مووووفق يارب
خطتك ميه في الميه استعجل في الزواج ما عليك من احد الزواج نعمه من الله
خطتك تمام لكن القرض مشكله كبيره
لا تتورط وانا اخوك شوف انا ندماااان اني اخذت هالقروض
انا اعطيك فكره بما انك بسن صغير جمع مبلغ 4000 شهريا الين تجمع المبلغ اللي تبيه وبعدها تزوج او تزوج الحين وحاول تتسلف المبلغ من اي احد ابوك عمك واعطيه وبدون فوائد وربا
اخوي انا عمري 24 وعندي بنت ولله الحمد
تزوجت بدري
وكان راتبي يصفى منه بعد القروض وايجار الشقه 1800 ريال فقط والله على ماقول شهيد
ويعلم الله اني من يوم تزوجت وبنية اني احفظ نفسي من الحرام قسم بالله العظيم راتبي كل فتره يزود ويصير فيه بركه ولله الحمد
رزقني الله بمولود وجتني بعدها ترقيه
طبعا انا لما تزوجت وضعي كان بين قوسين زفت تكاليف الزواج وكل شي علي انا مااحد ساعدني
لكن من توكل ع الله فهو حسبه
نصيحة لوجه الله تزوج بدري وبعدها خطط تبني لان لما تتزوج يكون ذهنك صافي والحمدلله عندك شريكة حياتك اللي تستشيرها وتصونك وامورك بعدها تمام
طبعا اللي يقولك بلا زواج بلاك هم هذا حطه بقائمة التجاهل
لو يحسب الفلاح مازرع
توكل على الله وكمل نص دينك وعلى ترتيبك الآراء كثيره وكل واحد يعطيك الراي اللي يناسبه هو شخصياً والناس أجناس وتختلف العقول
إذا إنك محتاج الزواج لبناء أسره وتنمية المجتمع والإستقرار في حياتك
لاتؤخر عمل يجعاك مستقراً في حياتك
والحمد لله كما ذكرت لايوجد عندك معوقات وبعض الناس يتمنى أن يدخل عش الزوجيه بأي طريقة كانت والبعض الآخر لايستقيم له أمر الزواج حتى ؟؟؟ يكون كذا ؟ وكذا ؟
ويكون بذالك قد بلغ من العمر ما أنهكه وتمضي عليه حلاوة الصبا والشباب مع شريكة عمره ودفع عجلة المستقبل لهما
هذا بعض من الفيض فقط
أرجو لك التوفيق
وإذا عزمت فتوكل على الله
........
توزج ودرب عمك تدلة
ياعمي الزواج نكبه
وبعدين توك صغير ماقرصتك الدنيا
خلك حول الثلاثين تجرب صح وتجمع وتكون نفسك
الزواج مسؤوليه وهم والتزامات ماهي الدعوة فراش وتمشي
ياعمي تزوج وريح مخك من العزوبيه
هي والله عوار الراس استراحات سفريات
دجه وامورك ماش لايغرونك اللي يقولون لك
فلها انت صغير حبيبي احفظ نفسك واحفظ شريكتك حياتك
تزوج وباذن الله الزواج ميسر من الله سبحانه.
واذا الزواج مختصر بعد ياسلاملاتكاليف ولاخسائر.
تزوج نصيحه.
اذا تقدر توفر شقة والمهر جاهز تزوج وتوكل على الله
واذا ماعندك انتظر لين ربك يفرجها
الله يعطيكم العافيه القرض اللي باخذه راح يكون لبناء الشقة وليس لتكاليف العرس لأن الحمد لل تكاليف العرس متوفرة بحدود المعقول
شف انا اخوك
انا اتكلم عن تجربه
تزوجت وعمري صغير بس والله ماندمت بالعكس الزواج من اسباب البركه بالرزق
رايي اجل فكرت البناء واسكن عند الاهل وبعدين تبني براحتك
اتكل على الله وتزوج والله يوم من ايام الوناسة مع بنت الحلال يسوى احسن قصر
نصيحة عض عليها إياك وراعيات الأسواق وأبحث عن ذات الدين
الدين صح
مو بس تصلي
كل الحريم يصلون لكن صلاة ودين مثل قلته لكن إبحث عن ذات الدين المتمسكه بالدين صح
أخي الحبيب إحذر من القرض ووالله ما راح تلقى خير لأنه ربا وشف أكثر الناس متورطين وقرض يجر قرض
حرام تبني بيتك بربا ؟؟؟؟؟؟؟؟؟؟
والله إني لك ناصح أمين إن شاء الله
الله يعطيكم العافية
الله يعطيكم العافيه ايضا مازلت اطمع باراء ونصائح وتوجيهات اكثر
اتفق مع الرد 35
لاتاخذ قرض والله ماتفلح ولاتغرك الفتاوى
ادخر كل شهر 3000 خلال 10 اشهر صار عندك 30 الف
ومادام تقول المهر جاهز عندك خلاص مايحتاج تاخذ قرض
ما شاء الله وضعك زين ترا الدنيا طناخه وفراسه على الحياه عن نفسي اكره التنظيم اللي يقيدني وترى الصبات ملحوقه اذا اللي في البال موجوده لا تتاخر
الرد 26 ... اذا انت مقتنع برايك ووجهة نظرك فانا بعد مقتنع برأيي ووجهة نظري ،،، سياسة اقصاء الاخر والتفرد بالرأي سياسة متخلفة وديكتاتورية وقديمة
الا بالقوة ياخذ برأييك !!!! بعدين احنا نتكلم عن عموميات محد قال ان الزواج شين ،،، واذا ضبطت معك وبراتبك اللي شكله زين (ماشاء الله) مو معناتها يضبط مع غيرك اللي راتبه في حدود الاربع والخمس ،،، فهمت يابطل