السلام عليكم ورحمة الله وبركاته ... ومساكم الله بكل خير لكل من يمر ظاهر يتحفنا بكلمه ومخفي يمر ويقول دعوه صالحه ان شاء الله .. اليوم جاني مقطع من احد الشباب عن الأم .. بصراحه كانت في لحظة رواقه وقعدت افكر بحال أمي وقتها .. هذا الكيان العظيم الذي يتحمل الكثير والكثير والكثير منا وحين نفرح يفرح معنا بأكثر من فرحنا وحين نحزن يحزن بأكثر من حزننا .. رجعت بذاكرتي للوراء وتذكرت عند صغري وبصراحه ماتوقع ان فيه من انضرب من امه كثري ( اتوقع ) يعني ضرب الحزام والشبشب وتوقعت في صغري انها ما تحبني ويوم بديت اكبر وبعد وفاة الوالد الله يرحمه بديت اتمعن فيها بكثره في صلاتها في دعائها في ابتسامتها في ضحكتها في مزحها في جدها ولقيتها كيان عظيم والله .. وبديت اتقرب اكثر واكثر واحبها اكثر واكثر لين وصلت لمرحله ماقدر اتخيل يومي يعدي من دون شوفتها وبوسة على راسها وايدينها الصبح واسمع دعوه منها قبل روحتي الدوام أو اتصالي فيها في نص دوامي او رجعتي للبيت بشوق كبير علشان اشوفها واحب على راسها وايديها واسمع دعوه منها تخلي التعب حق اليوم يروح فقط برؤية تلك الإبتسامه الجميله على محياها .. ومن ثم عرفت انها فعلاً باب من ابواب الجنه واقف أمامي ف برضاها يرضى الرحمن وبغضبها يغضب الرحمن وبدعوه منها فقط دعوه تجعل حياتك يا جنه او نار .. فكم أحبك يا أمي وكتبت هنا لأقول هذا وبعد مرور سنه او سنتين سارجع لقرئ ما كتبت فيها وتدمع عيني من حبي لها .. فا رجاءً لكل من يمر يضع كلمه او موقف او شيء شافه في امه جعله يحبها اكثر وبعد فتره يرجع ويعيد قرائة ما كتب .. طلب بسيط وسيسعدني قرائة كل ماتكتبوه ومشكورين مره ثانيه ☺ ☺ ☺ http://www.youtube.com/watch?v=aBAk7AQDJo0