ياخوان وين القاء مثل اللي في الصوره

هاذا تحصله في الاودية مجاري السيول الكبيره

جب لك خلطة سمنت ... وعب ،،، ترا مجرد فكره ياليت ان مافادتك ترسم البسمه على وجهك

والله يالغالي مريت في منطقة اسمها الشقيق بالمنطقه الجنوبيه على ساحل البحر ويوجد احجار باشكال رائعه منخوره من الداخل وكانها اسفنج .

ساكو

حدائق السلطان

اذا تبي غالي في ايكيا
اذا تبي كميه ورخيص
طريق الخرج محلات السيراميك الي على اليسار وانت رايح مليانه ومتوفر اللوان كثير

بالتوفيق

اهلا ياابني شوف أي دركال بحص اللي تحمل منه القلابيات هناك تباع ورخيصه جدا وبتلقى دينا لتحميل في نفس الموقع وباالرياض بعد الفحص الدوري باتجاه الدمام امسك الخدمه وتشوفهم على اليمين

ساكو -حدائق السلطان-ايكيا-محلات البلاط طريق الخرج زي ماقالو لك بعض الشباب وساكو انا شفتها بنفسي واشكال والوان

يا جماعه الخبوت فيها من الحيود والاحجار الكثير الكثير والجميل في نفس الوقت...

كل راعي ديرة يروح مكان الجبال وفيها من كل لون احمر اخضر بني بدرجاتها وبجميع الاحجام

بالجنة!

السلام عليكم

اخي الفاضل هاذي النوعية تجدها قريبه من السدود ومجاري الماء

تحياتي لك

نعم صحيح كما ذكر أخونا الغالي

هذا
المرو

في أودية الحجاز

اذا انت من اهل الرياض

عندك طريق الدمام بعد كبري الفحص ادخل مع الخدمة بعد المحطه في مباسط الحجر والبطاحي والعمالة باكستانين عندهم ( مرو ونوع ثاني ابيض لماع وعندهم حجر احمر وازرق واسود وانواع واشكال انا شاري منهم الخيشه ب20 و15 وب25 على حسب النوع وكنت ماخذه على شان اسوي ربراب لمشاتل المزرعة

وفيه محل موقعه تقاطع شارع الامام الشافعي مع شارع الامام احمد بن حنبل شرق الرياض حي الريان

وعندك البرآآآآن والشعبان

ياخوي هذا مرو الصمان مليان رح وحمل سياره ان بغيت مجانا