. . ما يرفع ضغطي شي زي كلمة حقوق المرأة .... وهاذي المشكلة طلعت متى ....؟ بعد 11 سبتمبر …. سبحان الله الدنيا تغيرت 180 درجه ........ . يعني كانوا من ألف وأربعمية سنه نايمين ...... وفجأة صحيوا وقالوا : ياخراشي يندامه .... اثارينا لنا حقوق .........؟ . مجلس الشوري ليه ما نشارك فيها .....؟ وليه ما نروح هناك ونرقع بالصوت ........؟ . يا أختي حلال عليكم المجلس كلها ...... يعني إيش تبغوا تسووا بفهم شي واحد ...؟ تحطوا ضوابط إصدار الرخص لمحلات الحلاقة مثلا .....؟ والا تناقشوا سفلتة الشارع اللي يودي على بيت أم إبتسام ...؟ والا ليه الشارع الفلاني ما فيه كوفيرة مغربية وكل اللي فيه مصريات ...؟ . يا أختي ريِحي راسك .... اذا كثير من الرجال ما سوُوا اي شي بالله عليكي حتسيبي بيتك وعيالك وشغلك … عشان تناقشي في مشروع ؟ والله من زود الفضاوه عندهم ....؟ بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس و نتخذ قرارات مهمة .. وأترك لكم جوابها .. إيش بيكون هنا لها حقوق وواجبات ما تتنازل عنها..... رايح أعطيكم بعض الأمثلة وقولوا لي مين اللي آخذ حقُوقه بالكامل وزياده....؟ وهل عندنا المرأة متساوية مع الرجل .. والا هي أحسن مِنه . ((( قال حقوق المرأة قال ))) يا عمي العملية كلها دلع حريم في دلع حريم …....... منظر عام . رجال محترمين زي الورد واقفين أمام صراف في بنك .. وتِجي أختنا في الله تتقدم للصراف (ِATM) مباشرة ولا على بالها من الطراطير اللي واقفين من ساعات .. وبعضهم مستأذنين من عملهم. طيب ليه ما توقِّف تمسك سِرا ورا عشرين بنغالي… وثلاثين باكستاني … وخمسين سعودي… واثنين معقبين معاهم شوية فواتير مقاس إكس لارج وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زَيّ الرجال خليني في الطابور زَيِي زيكم ...؟ ونفس المنظرفي الجوازات …. والأحوال … والتأمينات .. ويقدر أحد يقول إنه من ظهر أبوه يفتح فمُّه ..؟ … على طول يسمع العبارة الشهيرة … ( عيب عليك …. إنت ماتستحي .؟ هذه حرمة…إنت ما عندك أهل …( ويضطرالراجل إنُّه ينكتم ويسكت .. بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب ...؟ 1- اقتصاديأ وفوق هذا كله آخر السنه: طفشانه ….فين حتودينا …والله بنت خالتي راحت أمريكا .. وبنت عمي ما تصيف إلا فْ أوروبا…. يا عيني علينا إللي ما نروح غير يا مصر… يا دبي … والسنة اللي غيَّرنا فيها … رحنا ماليزياوماتقول شوف زوجة فلان ايش عملت لزوجها لانه من المحضورات . سبحان الله 2- نفسيأ وفي رمضان: تعبت ….أوف …..إنت داري عن حاجه ....؟ أنا أبغى خدامة… أنا خلااااااااص .. ومن ثالث يوم رمضان …. جب مقاضي العيد من الفيصليه …أختي جابت ملابس لها ولعيالها .. إيش أقولَّك بس … وخُد مشاوير لليييييييييييل ونهار … و المسكين لما ينزل السوق مع مرته ما يقدر يشتري ولااااا شَي لنفسه ، لأنو طول الوقت ماشي وراها من دكان لدكان، وشايل الاكياس .. وآخرتها بعد ما يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحاله عشان يشتري شي لنفسه … على طول يكون مشبوه .. إيش ينزلك لوحدك وسط الحريم ..؟ .. طيب إنت مو كنت معايا في السوق .. أحد قال لك لا تشتري شي من السوق...؟ . ............................... ( قال حقوق المرأة قال ) ................................. والله يحفظ بناتنا و بنات المسلمين من كل شر و كل ظالم ياااارب ... أتمنى ان نالت اعجابكم و رضاكم ...... ابوعبدالله