من يعرف مطعم بالرياض يطبخ سلق طايفي يدلني عليه مشكورا
سلق طايفي ؟
هو رز ولبن اخبط هذا بهذا يطلع لك سليق
اذا تعرف السلق الطايفي علمنا بطريقته خلني اسويه عشاء الشيباني الليله
لايفوتك مطعم كابلي شارع انكاس طريق الامير بندر
عليهم سليق تأكل أصابعك وراه خرافي
كابيلي ما يسوي سليق الا اذا جبت له الذبيحه وطلبت طبخ سليق.. غير كذا ما يسوي
حياكم الله
بالنسبة لمطعم الكابلي يصلح سليق طايفي وهو يامن الذبيحة ويطبخها لك ولكن المشكلة عندهم بعض الاحيان الطبح علي حسب المزاج وحسب الطباخ ( للمعلومية انا زبون عندهم و اتعامل معهم دائما )
البديل ولم اجربه في السليق هو مطبخ المنجف و طبعا اي مطعم يعمل اكلات حجازية بتلقي عندهم تصليح للسليق وكذلك يوجد السليق المكاوي
الاخت مزون يمكنك الاطلاع علي الروابط التالية لهمل السليق
http://www.al-mam.com/news/%D8%B7%D8%B1%D9%8A%D9%82%D8%A9_%D8%B9%D9%85%D9%84_%D8%A7%D9%84%D8%B3%D9%84%D9%8A%D9%82_%D8%A7%D9%84%D8%B7%D8%A7%D8%A6%D9%81%D9%8A
http://cooking.mn66.com/recipe-7028/
http://www.laal2.com/vb/showthread.php?t=13613
http://forum.khleeg.com/157957.html
و بالهناء و العافية
الف الف كشر يا اخوان على المداخلات و المفيده
اذا تبي سليق طايفي صح لايفوووووتك مكانه بشارع ام الحمام بالرياض
يوجد سليق عند مطعم الركن السعودي
فرعهم في حي أشبيليا على شارع الحسن بن الحسين قبل جامع المحيسن (الكلباني) ، لكنهم يسوونه عشاء فقط وموجود يوميا
طبعا ما ادري عن فروعهم الثانية يسوونه او لا !!
وبالعافية للجميع
على طاري الذبيحه .. مره عزمني صديقي على ذبيحه
المهم يوم قلطنا على العشااء والله ان الدم يطلع من اللحم واصبحت في موقف محرج
يوم سألت بعض الأصدقاء ليش يقلط الذبيحه وباقي ما استوت
قالوا هذي عاداتهم
قلت بقلبي والله من البخل شكل المعزب مايبي احد ياكل
هل صحيح فيه قبيله تقلط الذبيحه وباقي ما استوت , ووش الحكمه
اول مررره اسمع ذبيحة تتقدم ماستوت؟!
الذبيحة اللي تقدم وهي ماستوت من عادات الأولين بسبب الجوع علشان الرجال ثم النساء والأطفال يأكلون ويحصلون عرشة لحم
مطعم القرية النجدية بشارع التخصصي أو فرع شارع الحوامل
رخيصوكويس
أنا بدوي ماسمعت عن اجدادي قدموا اللحم وباقي مااستواا
اللي يقول الذبيحة تقدم وفيها دم يكذب ولا فيه اي قبيلة تسوي كذا
عندك مطعم الكاتم وبتدعيلي
بس مدري إذا يطبخون مفاطيح
بس طلبت مرة من عندهم تيس كامل والنتيجة كانت إعدام، الربع مع قدروا يقومون من كثر ما أكلوا ما شاء الله
الفرع اللي أتعامل معه اللي بطريق الملك عبدالله مع تقاطع التخصصي
افضل سليق على الاطلاق
شارع ام الحمام العام
تخلي جامع الملك خالد على يمينك، وتتعدى الراجحي ومحطه بنزين
تلقاه على يمينك
اسمه روابي الحديقة
بارك الله فيك اخي الحبيب و الاخوان كلهم
في ام الحمام بعد جامع الملك خالد فيه مطعم يحبه قلبك سليق
رحت له الله يغفر لك شغله ولا بقرش
اخوي فيه مطعم بأم الحمام الشارع الرئيسي اسمه ( روابي الحديقه ) راح تدعي لي ان شاء الله
وللوصف هذا رقمي / 0532233668