اللي عنده مشكله التصرف بالراتب(حل مجرب)

أين نصيب الآخرة منه اجعل لك ظرف للصدقة

1. بقلم: أبوعبدالرحمن1435
مهب شغلك اتصدق ولالا
حط النصيحه بطريقه مهذبه ولا ورني عرض اكتافك
طريقتك هذي تبي تطلعني اللي يلهثث ورا الدنيا وتطلع نفسك كنك متكي جمب قبرك من زهدك وورعك

اخي الحبيب تقبل النصح الله يسعدك مع ان فيه نقطه ممتازه وهو 2000 رياا لوالديك رزقك الله برهم وهذي من افضل الاعمال.

مصائب الأفراد والحكومات في الإدارة وليس الموارد

خبر قريب يقول : 90% من الهولنديين عندهم مدخرات

الغرب لم يتقدم غلا لأنه رضع إدارة أموره منذ الصغر


جزاك الله خيرا على النصيحة المجربة

وكل مسلم عليه أن يستمع لكلام الله عز وجل
((ولا تجعل يدك مغلولة إلى عنقك ولا تبسطها كل البسط فتقعد ملوما محسورا 29 إن ربك يبسط الرزق لمن يشاء ويقدر إنه كان بعباده خبيرا بصيرا))

صراحة فكرة ممتازة وطريقة سهلة التنفيذ لكن التقيد بها يحتاج قوة عزيمة وصبر حتى يتعود الشخص على حسن تصريف اموره المالية ومعرفته فيما أنفق.
شكرا صاحب الموضوع ..

لاتنسى تخصيص مبلغ لصدقة تبارك في المال وتزيدة بركة

كاتب الموضوع
جزاك الله خيراً على هذه الفكرة الرائعة المباركة
اقتراح وفكرة يستفيد منها كثير من الناس
مثلي
الله ينفعنا بها ويجزاك خير ويبارك لك .

شكرا للطرح . . . الرجال ينصحك وبطريقة مهدبه وليسى اجبار على الصدقة

الصدقة ثم الصدقة ثم الصدقة

الرد 8 و 9
خلو الصدقه واجبه احسن؟؟؟؟
كفروني ان ماتصدقت؟؟؟

يا عزيزي انت قدمت لنا نصحية وطرحتها فتقبل النصيحة عادي خلي بالك طويل حفظك الله وحماك

طريقتك رائعة وتحتاج لصبر وأنت صبرت شهرين وأظن بأنك قادر على قراءة الردود هنا بنية طيبة فإن جاء ما يضر فالعلاج الصبر ولا أظنك تحتاجه بعون الله فجميعنا اخوانك ندعو لك ونحترم ما قمت به

11. بقلم: modern-mm
12.بقلم:بدرمحمد1
اتقبلها والله
ولكن حنا شعب اعطي الوصايه ع خلق الله وخاصه من الناحيه الدينيه وهذا مايتراءلي من الردود اللي فوق
علقوا صلاح خطتي بالصدقه
ان تصدقت صلح امري وان ماتصدقت فإيماني ناقص
هم نفسهم اللي يصلون رمضان بالمسجد واذا خلص رمضان يصلي فرض وييترك فرض
هم نفسهم اللي اذا جا الاضحى تلقاه يجاهد جهاد عظيم عشان يضحي ويسب اي واحد مايضحي ولكن اذا جت صلاة الجمعه تلقاه رااااقد
هؤولاء هم من قدموا المستحبات والسنن لكونها واجبه في قواميسهم وتكاسلوا عن فعل الواجبات
الصدقه انا مجربها
تعطي بركه ايه لكن نفس الوضع
زي اني اقول لك تصدق وطب في النار
الصدقه صحيح ان لها افضال كبيره ولكن لاتحل المشكله الرئيسيه
عامل مساعد ثانوي وليست حل رئيسي
اذكر واحد كتب موضوه هنا صار يشك بدينه
يقول والله اتصدق كل يوم ومن جرف لدحديره ومشاكل ماليه
ويقول اشوف قريب لي مايعرف الصدقه الا باسمها وحاله المادي ممتتاااز جدا ويستائل ليه؟؟
هو نفس ذولا يحسب اذا مااتصدق ربي مابيبارك له وكانهم يطلعون ربي ظالم وهو بعيد كل البعد عن ذلك
الموضوع واضح وفضل الصدقه كلن يعرفه ولكن يبقى عامل مساعد بتوفيق من الله وليس عامل رئيسي
واظن بر الوالدين اهم من الصدقه وتم اقرانها في كتابه الكريم بعبادته

بقلم: M1900M
هد أعصابك شوي وخلنا نظن ظن حسن .
موضوعك حول كيفية التصرف في الراتب والإخوان قلبوها صدقة خلنا نقول جزاكم الله خير مو هذا موضوعنا .
يا ليت نقدر نتخلص من هذي الطريقة عند كثير من الناس .
يارجل حتى القروبات كلها مواعظ والمشكلة أعرف أن صاحب الموعظة ما يصلي .
المهم :
عندي لك طريقة ممكن تنفع معك وجربتها وبصراحة تعلمتها من الأمريكان فقد عملت معهم وصادقتهم أكثر من عشر سنوات ( الله يستر لحد يكفرني ) .
عموما هم أهل كتاب وأقرب للمسلمين من غيرهم كما ذكر الله سبحانه في القرآن الكريم .
طريقتهم باختصار مو ضروري أشتري شيء غالي إذا فيه ما يقوم بمقامه وأرخص منه .
وما لا أحتاجه ليس بالضروري يكون معي .
ومها كان الشيء جيد فالنقد أفضل منه .
أتمنى وصلت الفكرة .

اولا : ابيك توضح وتاكد للجميع ليش انت متحسس من طاري الصدقة خصوصاً بأنها ذُكِرت بشكل عام بأنها حل اكيد عن زيادة بركة المال !! مع العلم ان هذا منتدى ومن حق اي شخص يبدي رأيه بكل وضوح طالما لم يمس اي مخالفة دينية او اجتماعية او غيره !

ثانياً : وهو المهم والاهم. بأي دليل وبأي وجه حق اتهمت وقذفت اخوانك المسلمين بأنهم لايصلون ويتركون بعض الفروض وتتهمهم بانهم لايؤدون صلاه الجمعه بالمسجد ومن انت حتى تحكم على خلق الله بالباطل وبالتقصير!
اقول لك اتقي الله في نفسك ووالله وتالله وبالله ستحاسب عن كل حرف كتبته بهتان وباطل وافتراء على الغير في يوم لاينفعك مال ولا بنون الا من اتى الله بقلب سليم
وبالنهاية انا وغيري لانرى فيك الا المقولة والمثل الشهير وهو : كلٌ يرى الناس بعين طبعه . ويكفيك هذا

(15) بقلم: أنمار
تجي هنا وتحسسني ان لحيتك واصله لركبتك
ومن هناك اخش بروفايلك
والقى لك ردود ع اعلانات جنسيه احلى شي وتتميلح
وتخش ع الناس وتخرب بيعاتهم
انا اللي اقول لك اتق الله في نفسك
انا مااعترضت ع النصيحه
انا اعترضت ع اسلوبها
مابي يجيني واحد يحسسني انه متكي جمب قبره من زهده وورعه وكلامه الديني
ومن هناك متكي في قسم الاعلانات الجنسيه يتميلح مثلك

موضوع جميل وانت شاركت فيه للفائدة جزاك الله خيرا وان شاء الله نستفيد من الطريقة لاننا اغلبنا نفس المشكله نعاني من العشوائيه
في جميع نواحي الحياة.
الاخوة اظن يكفى الانسان انه يلمح بطريقة جيده للفكرة لكن تكرارها ..ااكيد غلط لاتعينوا الشيطان ع اخيكم ..الكثير منا اذا الواحد جلس يلح عليه في فكره وحده يعاند ويبطل
بعدين بالنسبة طالما انه يقوم بواجبه تجاه الوالدين هذا شئ ممتاز جدا والله يتقبل منه ويوفق الجميع

صادق وانا اخوك دخلهم الشيطان

تعوذوا من الشيطان الرجيم ...

والله يجزاك خير على طريقتك فعلاً ممتازة

في مامعنى الحديث احب الناس الى الله انفعهم للناس ..

فعن ابن عمر ـ رضي الله عنهما: أن رجلاً جاء إلى النبي صلى الله عليه وسلم فقال يا رسول الله: أي الناس أحب إلى الله؟ وأي الأعمال أحب إلى الله؟ فقال رسول الله صلى الله عليه وسلم: أحب الناس إلى الله تعالى أنفعهم للناس، وأحب الأعمال إلى الله تعالى سرور تدخله على مسلم، أو تكشف عنه كربة، أو تقضي عنه ديناً، أو تطرد عنه جوعاً، ولأن أمشي مع أخ في حاجة أحب إلي من أن أعتكف في هذا المسجد - يعني مسجد المدينة - شهراً، ومن كف غضبه ستر الله عورته، ومن كظم غيظه ـ ولو شاء أن يمضيه أمضاه ـ ملأ الله قلبه رجاء يوم القيامة، ومن مشى مع أخيه في حاجة ـ حتى يثبتها له ـ أثبت الله قدمه يوم تزول الأقدام. رواه ابن أبي الدنيا في كتاب: قضاء الحوائج، والطبراني وغيرهما، وحسنه الألباني.

هذه الطريقة طبقتها فوجدت فيها خير عظيم وخير المال مال تنفقه على أهل بيتك وانت رجل خير لا نزكيك على الله ولا نوصيك بالصدقة الا محبة فيك واظن بان هذه الخطة قد تتطور مستقبلا وودي لو حصل تطور تطلعنا عليه اتذكر اني طبقت في اليوم خمسين كمصروف يومي وصار الراتب يوصل لاخر الشهر لكن من الي يجاهد نفسه ويصبر ع هذا التنظيم

بالفعل طريقة ممتازه جربتها شهر بس خرب علي عزايب الشباب و الان حمستني ارجع لها