، ، السلام عليكم و رحمة الله و بركاته اخواني و اخواتي حبيت اطرح هالموضوع ليشارك الكل بكل تجربه ناجحه مرت بحياته اتمنى الكل اذا عنده تجربه ناجحه او معلومه مفيده و متأكد منها يطرحها هنا حتى يتسنى للجميع الاستفاده و كسب الخبره سواءا في علاج الامراض او صيانة السيارات او ايا كانت التجربه مجربة و ناجحه او معلومه بس تكون متأكد منها ------------------------------------------------------------------------------------ بقولكم عن تجربتي الشخصيه قبل اسبوع بالضبط بخصوص حصوة بالكلى بعد ما سويت تحليل قال لي الدكتور عندك املاح زايده و حصوة و لازم عمليه بصراحه ما حبيت فكرة العمليه لاني اعرف ناس استخدموا فوار و نزلت منهم الحصوة و فعلا رحت الصيدليه و اخذت الفوار اسمه ( يورالايت - يو ) ، الماني و سعره 52 ريال والله اني اخذته لمدة 4 ايام فقط ، بقدرة الله ثم هالفوار فتت لي الحصوة و نزلت 3 حصوات مع البول اعزكم الله بدون عمليات و بدون دفع مبالغ كبيره و بدون لعب المستشفيات انصح كل من عنده حصوة بالكلى او املاح زايدة او ترسبات ياخذ هالفوار و بيدعيلي طبعا يجي مع الفوار ورق فحص مستوى الاملاح يعني يغنيك تروح تسوي فحوصات بالمشفى بنزل لكم صورة الفوار و الحصوة ، و لاحظوا بالصورة الاولى الورقه اللي ماسكها انا بالمشبك لونها اصفر قبل التحليل و الصورة الثانيه قلبت لونها ازرق غامق بسبب الاملاح الزااايده اعرف ناس والله العظيم كانت نفس حالتي و دفعوا 17 الف قيمة العمليه و انا الحمدلله دفعت 52 ريال قيمه الفوار