ابرة كورتيزون : بلا مفعول !!

وعليكم السلام

المفروض ان مفعولها بأول يوم يبين
انا مثلك تماماً حساسية قويه بالجسم و الصدر و فقدت حاسة الشم و الطعم من سنين طويله
اذكر قبل كم سنه كنت كل شهر اروح المستوصف اخذ ابره كورتيزون تمشيني شهر تقريبا
الحمد لله الحكه تخف و الشم والطعم لا باس و الحمد لله على كل حال
استخدم قطره اوتروفين سنين ومع اني اعرف ان استخدامها اكثر من أسبوع تضر
لكن مضطر استخدمه

انا اعرف انها خطيره جدا ولعلمك اغلب المراهم فيها نسبة كورتيزون
وبعض الادوية

شوف اخوي حاول قدر المستطاع تقلل او تبتعد عن الادوية و الابر لأن ضررها ما يبين الا في المستقبل

في حبوب انا استخدمها رخيصه جداً و مفعولها جيد اسمها ارتيز
جربها بإذن الله تفيدك

واذا تبي شيء طبيعي وامن استخدم سدر مطحون ناعم اخلطه بالماء العادي واذا تحب اضف قليل ماء ورد مع الماء و ادهن به جسمك
اسأل الله الكريم رب العرش العظيم ان يشفينا وإياك وكل مريض

اخواني اين انتم عن حبوب تلفاس وحده بوحده للحساسيه

بارك الله فيك
قصدك اخوي تلفاست
قد و صفها لي دكتور مع كذا علاج قبل كم سنه
بأرجع اجربها مع اني كنت استخدم حبوب ارتيز فتره لا بأس بها
انا مشكلتي وممكن الأخ كاتب الموضوع الغبار و بعض أنواع الاكل يلعب بي
مثل المنجا و الموز أحياناً
والفول يلعب بي لعب اذا اكلته طول اليوم اتحكحك
واتوقع البقوليات بشكل عام

اليوم الخامس عشر

وما شفت شي من ابرة الكورتيزون

وبديت اشك اصلا ان فيني حساسيه , اتوقع ان مرضي ماهو حساسيه

والاطباء مادري كيف صاروا اطباء اذا كانوا يشخصون حالتك بوصفك انت كـ مريض بدون تشخيص وفحص

كل اللي سووه فحصو دمي وشافوه سليم

ومن هنا يبدأ فيك مسلسل التجارب

وكأنهم يمشون على سياسة : ما تطلع من عندنا الا ماخذين منك 500

كل المستوصفات الخاصه كذا , تدخل عندهم لازم يستنزفون منك 500

بالنسبه لحبوب تلفاست

استخدمتها قبل شهرين , ومن يومها والاعراض زايده فيني وصار وجهي مليء بالثقوب

وطلعت معي اعراض حساسيه ما كانت موجوده اصلا

اخوي انت ابحث عن نوع الاكل اللي يسبب لك الحساسية و اتركه (هذا علاجك)
أيضاً حاول قدر المستطاع الابتعاد او التقليل من المواد الكيماوية مثل الصابون قلل منه
لأن بشرتك حساسه و الصابون يثيرها
و ابرة الكورتيزون حاول تبتعد عنها قدر الإمكان لخطورتها وطبعاً اغلب الأطباء الا ما رحم الله
همه المكسب المادي و لا يهمه صحتك بيقول لك عادي خذها ضررها قليل

انا ما عندي حساسيه ضد الاكل

وبشرتي مافيها حساسيه , بس الاشيا اللي ذكرتها فوق

تسبب لي ضيق تنفس وبعضها حراره في الجسم

اما البشره ما اعاني من شيء فيها

انا نفس حالتك و زياده عليها أحيانا او اغلب الوقت حكه
ضيق تنفس و استخدم بخاخ symbicort 160 الأحمر
وحراره بالجسم المكيف حاطه على اعلى درجه الغرفه ثلج والجسم حار

انت ابحث عن الأشياء المسببه للمشكله
اما جو البيت و الفرش و الاكل ..الخ

وانصحك اسمع الرقية الشرعيه دائماً ان شاء الله تلقى فيها الشفاء
ادخل على مواضيعي و اسمعها بإستمرار
+ اغتسل ب ماء زمزم مقري + شوية سدر مطحون و ممكن إضافة شوي ماء ورد