استشارة/ انسداد ماسورة تصرييف الماء

قبل 7 سنوات

السلام عليكم
عندي ماسورة حديد تصريف الماء من السطح للحوش مسدودة بالمنتصف تقريبا ولما امطرت ارتشح الماء من خلال جدار غرفة الجلوس وبهذل الموكيت والكنب الارضي .. جبت السباك وقال نقص شوي من اسفل الماسورة تقريبا مترين علشان يسلك بسيخ ويشيل الانسداد وبعدها اركب ماسورة بلاستيك واشبكه بنهاية ماسورة الحديد وانا ماودي نقص الماسورة.وجاء في بالي اجيب سقالة ونفتح غطاء الماسورة من فوق ونسلك .. اللي عنده طريقة افضل ليت يفيدني فيها مشكورا .. هل مثلا فيه مادة كيماوية تباع اصبها من فوق تذيب الانسداد وتفتح المجرى بدل هالحوسة.

استشارة/ انسداد ماسورة تصرييف الماء
عندك عقارات وأملاك؟
الكل: 5

في العادة يستخدمون الأسيد لفتح الانسداد لكن في المواسير البلاستيكية فقط

في حالتك لا يصلح لأن الأسيد سيتفاعل مع الحديد ويعدم الماسورة

أفضل حل أنك تغير الماسورة بالكامل لماسورة بلاستيك

الحديد انتهى من زمان وما في أحد يستخدمه

الله يعطيك العافية
انا فكرت برايك ولكن لاني ضربت بويه للعمارة والمواسير نفس اللون هذا اللي خلاني ادور على حل غير اني ابدل الماسورة.

اخوي كم عمر البيت
أتوقع ان الماصوره زهر و ليست حديد
والله انا شوري اذا تبي ترتاح مره تغيرها ماصوره بلاستك 4 بوصه
و عادة المواصير فيها غرف تفتيش ان قدرت تفكها و تسيخها كان بها
لكن بحكم القدم ممكن لا جيت تفك تنكسر مسامير و فتحة الغرفه
و ان ما قدرت من فوق من السطح كب شوي اسيد و اتبعه بجالون ماء دافي او ساخن
لكن أخاف انه فيه سد اوساخ او حجاره او حديد داخله ممكن يدخل في جدار البيت و يحوس لك داخل الجدار
اذا ضبطت امورك سواء سلكت او غيرت ماصوره فوة بالسطح ركب شبك في الفتحه عشان ما تدخل اجسام واوساخ كبيره مره أخرى

شكرا .. الله يعطيكم العافية
وانا رديت رغم انه متأخر للافادة وهو انه يفترض نحط شبك على مدخل الماسورة من السطح علشان مايدخلها علب حديد وبلاستيك
واوراق وخلافه مع الطين ويسد الماسورة مع الوقت .. انا غيرت اسفل الماسورة وركبت بلاستيك لانه الانسداد ولله الحمد صار باخرها ولو اني ركبت من الاول شبك عند الحداد بثلاثين او اربعين ريال كان وفرت علي شغل وتعب واجد.

انا والله .. اجيب هوز مويه وادخل في الماصوره لين يوصل مكان الانسداد واضغط اقوى واشغل المويه وتبدى تفتح معي شوي شوي..وعند السباكين او محلات المكيفات عندهم ضغط هواء

أضف رداً جديداً..