كيف أتعلم وأتحدث اللغة الإنجليزية بطلاقة ؟؟

المعاهد افضل لتعليم اللغة الانجليزية وبعد ها يجي الاحتكاك مع الاجانب والتحدث معهم من اجل الممارسة والتطبيق

من وجهة نظري أن تعلّم اللغة الإنجليزية هي بالممارسة بالتحدّث أو الكتابة وخير وسيلة هي الشاتات والمنتديات وخاصة الشاتات الصوتية والكتابية ستتعلم بشكل أسرع وأي كلمة لم تفهما وخاصة الكتابية ترجمها عن طريق جوجل بعدها ستلاحظ بأن لديك مخزون كبير من الكلمات تستطيع من خلالها تكوين جمل مفيدة منها ، استمر لشهر كامل بصفة ساعتين إلى 3 يومياً ولاحظ الفرق ، ستتحمس حينها بالاستمرار .

تابع افلام كثير. اسمع اغاني غربية كثير خصوصا الجاز وردد اللي تسمعه. تكلم مع اصحابك انجليزي.

^^^

ماذا سيتعلم من الأفلام والأغاني؟؟؟ كلمات عامية تتكرر باستمرار بدون قواعد

واضح أنه ما في عندك لغة وجالس تتفلسف

يا صاحب الموضوع:

خذ 3 - 4 كورسات في المعهد الثقافي البريطاني طالما أنك بالرياض وابعد كل البعد عن المعاهد الرخيصة

اقرأ الجرايد والأخبار باللغة الإنجليزية وحاول تترجم كل المفردات الجديدة وتحفظها

استمع لنشرة الأخبار وتابع الأفلام العلمية والوثائقية حتى تستطيع فهم ما تسمعه

حاول تتعرف على بعض الأشخاص ممن يتكلمون الإنجليزية وتحدث معه في مواضيع مختلفة حتى ينطلق لسانك في الحديث.

يااااخي والله الانقليزي:::سهل بس حنا:::
من كثر ماحشوا في عقولنا:::بالمبتدا والخبر::والمفعول

والضمير المستتر::والمجهول::واسلوب الحشو في المدارس

وتعليمهم لنا:::احفظ:::انقل انسخ:::وسمع::

خلونا حمااية::نحمل كتب..ولاعطونا فايدة

ولما كبرنا:::اتوا ينتقدوننا:::ياخي البلاااء من التعلبم

خطط زمان مافي:::الف:::بااااء:::ميمن

وعلي وقتنا::الانقليزي123456789::الي عدد10

وABSDEFG
اي-بي-سي-دياف-تفو-جي بس هذا الانجليزي

.وقود-'وهواريووو--وير يو قو-فرند

سرنا نتكلم هندي كويس

ايوا انت مزبوط

انت كويس مرر ة مرر ة
كفيل 100
100
شغل زيااادة
مرقي كويس
والله هذا اللي علمتنا إلمدارس::الي عام 1412
الي هذا العام نفس هالتعلينم الثانوبة العامة

جزاكم الله خير على نصايحكم
لا خلا ولا عدم
اجل ندخل معهد افضل لتعلم اللغة الانجليزية

افضل طريقة لتعلم اللغه الإنجليزية ليست المعاهد فقط .. ولو دخلت المعهد وجلست فيه 5 سنوات قد لا تستفيد الكثير ...

الفائدة من المعهد فقط في التأسيس .. يعني اذا انت مييييح في قواعد اللغه الإنجليزية وحروفها ادخل معهد عشان يأسسك صح .. وبعدين الممارسة .. الممارسة ومخزون الكلمات فقط هو من يجعلك تتكلم انجليزي ...
طبعاً الممارسة تجي عبر التحدث باللغه الإنجليزية ( واخبار الطرف الاخر انك تو متعلم انجليزي ويعدلك اخطائك .. وعند الخطأ كرر الكلمة اكثر من مرة وقتها )
مع الممارسة لازم تحسن الاستماع والتركيز وفهم الكلام ..
وهذه تجي مثلا بمتابعة الأفلام الامريكية او البريطانية مع ترجمة ( عربي ) وتكون مركز بالكلام اكثر من احداث الفلم .. عشان تلقط الكلمة ومعناها ..
وبعدها تبدأ في الأفلام بالترجمه الإنجليزي ف تسمع وتقرأ الكلمة وتنطقها ...
وعندك الصحف الإنجليزية .. خذلك مقال واحد واقراه كامل ولا تفهم شي منه .. ولكن مع الوقت تلاحظ انه في كلمات انت عارفها يعني لو مسكت سطر واحد في المقال تلاقي نفسك عارف معنى كلمة او كلمتين .. وترجم الباقي عبر قاموس انجليزي انجليزي او انجليزي عربي ... وخلي لك كل يوم مقال واحد اقراه وترجمه وافهمه .. عشان تقوي مخزون الكلمات والقراءة ..
وكذلك الموسيقى الإنجليزية .. بعضها يحطوا مع السيدي كلمات الأغاني مثلاُ .. ف ابدأ بالترديد معه وترجم كلماتها ( لو انت من عشاق الموسيقى )

الأهم الممارسة ...
والتدريب يومياً .. على كلمات جديدة وجمل جديدة كتابة وقراءة وفهم ونطق ..
ف مثلاً لو منحت نفسك يومياً ساعه تكتب فيها عشر جمل كاملة شوف مخزون الكلمات اللي بتكون عندك بعد شهر واحد فقط .. 30 ساعه .. كتابة وقراءة ونطق ومعنى ..



اللغه الإنجليزية تحتاج شخص يحب انه يتعلمها ويتقنها ...
والله اعلم

اخي فية قناة على تطبيق تيليجرام على الايفون او الجالكسي وصلت لها بالصدفة وهي تخص طالب سعودي مبتعث في بريطانيا ويقدم دروس ودورات مجانية وينصح بدارسة قواعد الازمنة كما يصفها بانها مفتاحك لتعلم اللغة ادخل هنا https://telegram.me/EnglishUK واهم شيء من وجهة نظري يكون لديك هدف قوي من تعلم اللغة