جميع الحقوق محفوظة ©
السلام عليكم ورحمة الله وبركاته
اخواني انا ابي ادرس لغة مكثفة لمدة 3 أشهر وابي دولة تكون مناسبة والميزانية المتوفرة هي 30 ألف شاملة كل شيء من تذاكر ومصاريف ورسوم دراسة وسكن
ابي شوركم ونصائحكم بدولة او ولاية مناسبة
أولا مهما درست في أي مكان بالعالم الدراسه ماتعطيك إلا من 30 إلى 40 % فقط
الباقي يعتمد عليك أنت .....
ثانيا ماهو الهدف من الدراسه هل هو اكاديمي مثلا لإكمال دراستك أو تعلم لغه فقط .....
ثالثا هل عندك اي مبادئ للغه الآن أو بتبدا من الزيرو...
كما ذكرت لك اذا الهدف تعلم لغة فقط ابدا بالخطوات الآتية :- ولمدة ستة شهور بدون تدفع ريال واحد وبدون عناء السفر وتكاليفه :-
أولا لغة جوالك اللي تستخدمه اذا كانت عربي غيرها للانجليزي.
ثانيا اذا كان التلفزيون في البيت عندك مافيه أي قنوات انجليزية . أدخلها عندك كقنوات الأخبار والافلام . ويوميا اسمع من ساعه إلى ساعتين مو لازم تفهم شي ولكن تعود اذنك ع السماع فقط . مع الوقت رايح تفهم
ثالثا تابع لك بالأسبوع أقل شي 3 افلام مترجمه
رابعا افتح لك حساب بتويتر متخصص فقط بتعلم اللغه بس لأن فيه حسابات كثيرة لتعليم اللغه تضيفهم عندك ورايح تستفيد منهم .
خامسا خل معك نوت صغير ويوميا أحفظ لك 3 كلمات فقط معنى ونطقا وكتابة .. لأنه في البدايه خل تركيزك ع حفظ أكبر كم من الكلمات يكون عندك مخزون كلمات قوي . بعدها عاد تتعلم القرمر وتركيب الكلام والجمل
سادسا نزل مترجم قوقل في جوالك تتعلم منه النطق للكلمة ومعناها
سابعا أنا متأكد بعد ستة شهور اذا مشيت تمام رايح تحس بفرق كبير بتحسن لغتك
وبالتوفيق لك لو أن الخطوات ماهي مرتبه لكن أهم شي وضوح الفكرة
النقطه الثانيه ماذكرتها لك ....
اللي هي اذا كان الهدف من اللغة اكاديمي يعني مطالب بدرجة معينه لدخول جامعة ما وماعندك لغة الآن مارايح تكفيك 3 شهور أحسب لك من سنه ونصف وبالحدود
بارك الله فيك
اخوي باختصار انا موظف قطاع حكومي وعندي خبرة طيبة بتخصصي وابحث عن الافضل بالقطاع الخاص لكن العائق هي اللغة فحبيت اطورها واساسا هذا حلم او امنية اني اتعلم واجيد اللغة من قبل 10 شنوات تقريبا ويعني ممكن اني ارجع لاحقا مثلا واجلس شهرين لكن حاليا القدرة هي لفترة 3 اشهر كحد اقصى
الحمد لله عندي مبادئ مقبوله وسافرت اكثر من مكان وقدرت امشي اموري بشكل مقبول بحيث افهم مايود ايصاله الطرف الاخر ويفهمني الطرف الاخر في ما اود ايصاله
نصيحتي لك تبدأ 6 أشهر مع المعهد البريطاني كل كورس شهر ونصف بـ 2500 ريال يطلع المجموع 10000 ريال
وبعدها سافر 3 أشهر للمستويات العليا ولتطبيق ما درسته وأرشح لك نيوزلندا لأنها الأرخص في الدول المتميزة في تدريس اللغة الإنجليزية
نصيحة أخ لا تضيع وقتك في مالطا أو ماليزيا أو الهند أو الفلبين كلها فاشلة
اضم صوتي لصديق العزيز 4X4
عندك دايركت انجليز دبلوم انجليزي مع الكتب 21 الف
لو تقدمها بالتوظيف يستحون منك لانك دارس مده طويله ودبلوم من معهد عالمي بريطاني
بس 3 اشهر غير مقنعه في التوظيف تعتبر مش حالك حتى لو من خارج المملكه تعتبر غير مجديه بالنسبه لموظفي التوظيف ممكن يحطونك في مكان اي كلام بس لما تكون معاك شهاده دبلوم شركه علم تقبلك لديهم عقود مع جهات حكوميه اقل راتب 8700ريال مع مميزات شبيهه بارامكو وسابك
الله يعطيكم العافية
بصراحة ماقد سمعت احد يمدح دايركت انجلش وماودي اخسر على الفاضي
ثانيا انا موظف ما اقدر ادرس دبلوم فترة صباحية لذلك اشوف الأفضل ادرس هنا كم شهر واسافر للتطوير
يوجد مسائي
تجمعني بدايركت انجليش علاقات صديقه ولو كنت اعلم ان لديهم لف ودوران لكانو على صحفات قوقل
ميزه المعهد انه في كل حي تجد 2 او 3 معاهد
المدرسين بريطانيين
بامكانك تدفع اقسام لديهم جميع الحلول لك لو استشارني صديق بمعهد والله ما رايح اذكر الا دايركت انجلش او نيوهورايزن
اذا كان كذا بمرهم لانهم فاتحين قريب جنبنا وعندهم عرض اذا فعلا عندهم مكثف مسائي بدرس عندهم كم شهر قبل ما اسافر إذا الله اراد
الله يعطيك العافية
