ابي الشورة في سيارة رباعيه وعائليه

برادو لاندكروز ،، واستخير وتوكل على الله
أقتصادي ياباني جودة قوة متناه فخامة بر مدينه وقروية فيه .
ومن استخار الله ماخاب
والله وفقك ويسخر لك الأفضل .

برادو كثير سمعت عنه مو كويس
اشكرك على المرور

حسب تجربة الكثير يمدحونه ،،، وانا ناوي على شراءه باْذن الله
والله يكتب لك مافي الخير بس اهم شيء استخير حتى لو نويت الشراء قبل ماتدفع قروش استخير وانت جنب الموتر ترى ماخاب من استخار الله . استشارة ربي أبرك من استشاراتي وانا اخوك . والله يوفقك

وياك الغالي والله يكتب لك كمان الخير
موفق

طبعا اضيف سيارتين للي فوق
يوكون تاهو
سكويا
وشكرا

سكويا او لاند جكسار8سلندر

شرائك للسياره يعتمد على عده عوامل

عدد افراد العائله - نوعيه مشاويرك (داخل المدينه ولا خطوط) - انت راعي بر ولا تطلع بالسنه مره او مرتين - رجلك حاره على السياره ولا استخدامك رزين ...الخ

ماني راعي بر كثير بس احتج سيارة تبيض وجهي في البر
هي سيارتي الاساسيه لان بعت سيارتي القديمه مشاويري كل يوم 30 كيلو لدوامي رايح جاي السفر قليل رجلي للامانه حاره لكن ممكن ماخليه اذ موتري جديد

لاند كروزر
باترول
باجيرو

غيرها لاتشتري نصيحه
الأمريكي مريح لكن توقع يتعطل عليك في أي لحضه
ولا ينفع لراعي البر .

ادج فورد لميتد 2

سعره 150000 ريال
موديل 2014

أستغرب لماذا أستبعد الإكسبدشن دبل مع إنه سياره ممتازه ..

أكيد سمعة تويوتا !!

وشيك في جيبك !!

بغض النظر عن الجوده .. عجبي ..

شوف يا عزيزي انا بعطيك تجربتي وانت قرر

انا ماعندي الا زوجتي وولدي الله يحفظهم ويخلي لك وللقراء كل من تحبون وطلعاتي للبر قليله واغلب وقتي دوام وخطوط

وكانت مشاويري كالتالي:

- 120 كيلو رايح جاي يوميا (من الاحد للخميس)
- 400 كيلو رايح جاي بالويكند (جمعه وسبت ) وكثير من المرات توصل 800 كيلو رايح جاي بالويكند

ورجلي حاره على السياره سواء جديده او قديمه وهذا عيب فيني

كانت معاي كامري ومشت معاي 400 الف وبعتها وماكنت مرتاح بصراحه لا من ناحيه مساحه ولا راحه على الخط
-بعدها نقلت نقله نوعيه واخذت فورد اكسبلور لمتد وجلس معاي تقريبا سنتين ونص وكان ممشاه 200 الف وللامانه ما اشتكيت منه لا من ناحيه راحه ولا من ناحيه اعطال بس اني مواظب على الصيانه
-بعدها اخذت فورد اكسبدشن XLT 2014 قصير والى الان ماشي معاي تقريبا 12 الف واشوف اموره زينه

المميزات والعيوب:

- الاكسبلور ممتاز جدا نظرا لطبيعه مشاويري وحجم عائلتي لكن كان فيه عذروب واحد فقط لاغير وهي ردائه تصنيع بعض المواد.... اعطيك مثال على كلامي.. اماكن تعليق الملابس في المراتب الخلفيه انكسرت من الجهتين اليمين واليسار مع العلم اني ما اعلق عليها الا ملابس + البلاستيكه اللي بالقوائم يمين ويسار اللي بالزجاج الامامي طارت علي الجهه اليسرى مرتين وكل مره ارجع للوكاله ويركبونها

-الاكسبدشن بالنسبه لي مريح على الخط لكن عذروبه حاجتين
الاولى صرفيه البانزين (يشرب شرب) والثانيه حجمه كبير نوعا ما (من وجهه نظري)

ربي يسعدك يالغالي على مرورك والباقين ما يهونو
استخرت ربي والان بنظري سكويا سعره معقول ومكينته لكزس وقوي
اشكر الكل على المرور وما يمنع اي احد جرب السكويا يعلمني اي فئة احسن

اس ار 5 4x2
اس ار 5 4x4
اس ار5 فتحة سقف 4x4
ليمتد 4x4

138160 .ر.س أوتوماتك
148160 .ر.س أوتوماتك
159660 .ر.س أوتوماتك
198160 .ر.س

بعد المرور على وكالة تويوتا لا يوجد في السكويا تشغيل عن بعد وهذه الميزه مهمه لي
جااري البحث عن سياره وننتظر مرورك الاخوان

خذ لك باثفنرد نيسان تشغيل عن بعد وجدا ممتاز

او خذ لك ارمادا

اشكر الجميع

اشكر الجميع على المرور لموضوعي
الحمد الله تم شراء جيب باترول se 2015

الله يعطيك خيره ويكفيك شره

السنتافي
قطع غيار
قوة
ممتازة بالبر
ممتاز بالطريق
صيانتها ممتازة وغير مكلفة
السعر ايضا ممتاز