استفسار عاجل وهام من بنك التسليف

لازم يسدد مراح يعطونه اخلاء طرف

طبعا اتكلم عن الموظفين الحكوميين

حياك اخوي ابو مهنا ...

وشكراً على تجاوبك ..
الكفيل ( هو موظف حكومي وهو من يريد الاستقالة ويريد الاخلاء )
لازم يسدد كامل المبلغ أو يسدد الجزء المطلوب فقط ..

ياليت احد يكون موظف في بنك التسليف او له معرفه ويجيب لي على استفساري
واللي مايقدر يرد على العام يرد على الخاص
واللي مايقدر يرد على الخاص او العام يرد على الايميل في بطاقة العضوية :(

في حالتك:
- اما ترفع السماعه على بنك التسليف وتشرح لهم -ولكن ياليت تكلم واحد فاهم ماهو بأحد البطاله المقنعه المتواجدين هناك واللي بسببهم طلعوا لنا نظام ساند
- او تروح بنفسك عشان تتاكد من انت تكلم
- او تنتظر احد النشامى يا ليت يوضحون لك..

اخوي ..

شكراً لك على الرد
بالنسبة للاتصال اتصلت إلين تصكرت كلها في وجهي يا مشغول يا محد يرد طبعاً بعد مادخل على التحويلة ( جربت كل التحويلات للأسف )
واما اني اروح .. ف ناوي اروح له بس اللي رادني عن الروحة وقت العمل عندي زفت جداً ولا يمكن يتطابق مع مواعيد عملهم .. ولو انهم قريب مني كانت رحت بسرعة ولكن مشوارهم مشوار وانا اخوك .. وشكلها مافي الا كذا اني اروح لهم لاهمية الموضوع
اما الحل الثالث .. نقول ان شاءالله احد النشامى يرد علي
انا عارف في شباب كثير ممكن يساعدوا ويردوا ولكن المشكلة بعض يخاف من الاحراجات واذا رد عليك يستلموه كل الاعضاء .. :)
لذلك انا قلت رد على الخاص ولا ايميل ولا اي شي .. وماراح اطلب منه اي حاجة فقط يفيدني بالاستفسار

اتوقع ولله العلم
مدامك كفيل لابد من اللي انت كافله يجيب كفيل جديد ويحطة بدالك وبكذا يعطونك اخلاء طرف ...

صدقت ياخوي ابو ليان ..
حسب مافهمت من النظام انه يجيب كفيل جديد .. ولكن المشكلة هنا نقطتين :
الاولى : المقترض ماسدد ( الله يصلحنا واياه ) ولا طلبوني اسدد بدلاً منه لان النظام عندهم في حالة عدم السداد لقسط واحد تنتقل المطالبة للكفيل .. ويستقطع من مرتبه مباشرة من جهة عمله .. طيب لا العمل علموني واستقطعوا ولا المقترض علمني وسددت وقتها .
الحين .. حسب ما فهمت من بعد البحث في الانترنت انه لازم اسدد كامل المبلغ قبل اخلاء الطرف وهذه مصيبة .. ولكن بروح لهم ان شاءالله الصباح واجد حل ..

الثانية : انه حسب كلام الشباب في النت ومن بعض المواقع توصلت لموظفين في بنك التسليف ولكن ماتواصلت معهم مباشرة ولكن حسب ردودهم على المواضيع استنتجت انه نقل الكفالة امر مرهق على الموظف ومتعب ولا كل الموظفين يعرفون له .. لذلك يصرفون العميل لشهر او شهرين او يقولون له النظام موقف ( نظام نقل الكفيل ) والدعوة تصريفة لا اقل ولا اكثر ..
تخيل .. بالله .. يعني يضيع مستقبل خلق الله عشان الموظف يتعب وهو يسوي اجراءات واوراق بس ..

الله يستر بس

ذهبت اليوم لبنك التسليف ..
ياهو مشواار وزحمة ههههه .. بس الحمدلله ..

اللي كافل له واحد يقدر يشيل الكفالة بأن يقوم المكفول بطبع النموذج رقم 104 من موقع البنك
واعطائه لكفيل جديد يعبيه من مقر عمله ويوديه المكفول بنفسه للفرع
ويتم مباشرة تغيير الكفالة ... بنفس اليوم ( حسب كلام الموظف )

حتى وان كان المقترض متعثر ..

الحمد لله على السلامه :)
وجزاك الله خير للتوضيح...
صجونا حكومه الكترونيه وخربترونيه ولاستفدنا منها شي...
تهقا كلامك موجود على موقعهم ماظنيت ،،، ولا ترسل رساله واحد ير عليك (توها تطلع الحلول ههه)

تحيه،