جميع الحقوق محفوظة ©
مساكم الله بالخير كلنا نمر بظروف احيانا يكون الواحد ماجيبه الا اللي يعلمه الله نرغب بان نتشارك في معرفة الاعمال اليوميه التي يستطيع اي واحد منا اي يشتغلها وقت زنقه مثلا الى الراتب او لاي ظرف واللي في بالي مثلا
1- التوصيل وانت على الطريق تفك حاجة اليوم
2- سلفة من اي واحد مبلغ زهيد يمشي الحال
3- بيع اي حاجة لها مردود مثلا جوال زايد او كمبيوتر او لاب توب او تلفزيون قديم او سبحه او اي شي يمشي الامور
4- بيع كتب قراتها للكتاب المستعمل مثلا
5- ؟؟؟
6؟؟؟
جا دوركم الان افيدونا حفظكم الله ورعاكم الى كل مال حلال ومبارك
الاستغفار كبدايه
جمعيه مع الزملاء وخلك الاول
قدم خدمات تعقيبيه لاي شخص وخذ مقابل
بيع الاغراض الله يعين الدنيا غلاء صار الراتب حتى مايكفي لين نهاية الشهر
المشكلة الاساسية في وجود الزنقات هو شراء ماتحب وليس شراء ما تحتاج
وهذا ناتج عن الفوضى في الانفاق وعدم وجود ميزانية او تنظيم
برأيي ان لكل واحد هواية وشغف بشئ ما وتراه متمكن في هوايته بل ومبدع
فلماذا لا تجعل هوايتك مصدر دخل ثانوي؟
فتحصل على المتعة من هوايتك ودخل يفك زنقتك
^^^ مبدع
لوالراتب يكفي كان مامرينا بزنقات لكن مثل ماقال الاخ باربروسا فعلا نشتري اشياء مانحتاجها
مثلا لوعندك جوال ايفون 4 كويس وشغال ونزل الان الجديد طيب راتبك مايساعد تروح تشتري الايفون الجديد ويجي نصف الشهر وانت مزنوق
لكن نبي الحل ايش هو انا اقول زيادة الراتب
انقز المطار وخذل لك واحد بدون ماتحتاج احد ولكن انتبة من المرور ، وأيضا محطة النقل البري بالعزيزية جنوب الرياض وقف سيارتك بعيد وادخل على رجولك لكن انتبة من المرور أيضا تاكسي الموجود بالمحطة يبلغون المرور وعيش حياتك وربي يفرجها على الجميع.
اشكر كل ما شارك وهذا ملخص لما سبق من الاخوان
1- الاستغفار
2-جمعية مع زملائك في العمل وتستلمها الاول
3-بيع اغراض زايده في البيت
4-ان نشتري مانحتاج ولا نشتري مانحب
5-على قولة كيلو اطمر للمطار وانقل واحد وفك زنقتك
ونتواصل مع هذا الموضوع المميز
