اصحاب الخبره في العقار والقعود , يتفضلو مشكورين

قبل 10 سنوات

السلام عليكم ورحمة الله وبركاتة

اسعد الله اوقاتكم اخواني الافاضل بكل خير ,

عندي محل مستأجره من 6 سنوات وينتهي عقد الإيجار في 1 / 4 / 1436 هجرية

يعني السنه القادمة , المهم المالك اللي انا مستأجر منه باع المبنى بالكامل الله يرزقه

لكن جاني المشتري الجديد ويقولي قدامك شهرين وتخلي المحل ,

س / هل من حقه إخراجي من المحل وانا عقدي باقي فيه اكثر من سنه ,


انا قلت له انا عقدي ينتهي بعد سنه وشهرين قالي تفاهم مع المالك القديم , تفاهمك ابداً مو معاي .

ياليت حد يفيدني , لان الموضوع اشغلني والله والرجال من وجهه شكله اقشر والله يكفينا شره , ونص عمائر الحي حقه

واذا صار هالشي وين ممكن اشتكيه عشان اخذ حقي , وانا والله مو راعي مشاكل ولا وجع راس لكن مايجي يحاربني برزقي ورزق عيالي ورزق الموظفين اللي شغالين

انا منتظم في دفع الإيجار وان طلبه في غير موعده اعطيه ولا عمري رديته

سؤالي هو / يقدر يطلعني من المحل وانا باقي لي سنه وشهرين بالغصب ؟؟

الصوره المظافه لنفس العقد مع حذف الأسماء .

وجزاكم الله خير

اصحاب الخبره في العقار والقعود , يتفضلو مشكورين صوره للعقد ,
صوره للعقد ,

إعلانات ذات صلة

عندك عقارات وأملاك؟
الكل: 18
عضو قديم رقم 12311
قبل 10 سنوات و4 أشهر
1

لا يحق له اخراجك من المحل ، الا اذا كان هناك شرط بالعقد ينص على ان العقد يلغى في حال بيع العقار ، وان كان الشرط مكتوب التطلع خله يشتكي ، وإذا اشتكى بتخلص السنة والقضية ماخلصت

نزلت صورة العقد عشان تتضح الرؤيا

الرد رقم واحد كلامه صحيح
المالك الجديد لابد يلتزم بالعقد

انا عندي مكتب عقار وهذا هو الصح

طيب اخوي انجاز اذا دخل واسطات او شي من طرفه ممكن يجبرني على الاخلاء ؟

مستحيل .. امور الايجار ماعاد فيها واسطه طالما انت على حق ادخل في عينه ..
بس ممكن يطفشك اذا كنت مخالف في بعض الامور يعني بلديه وماشابه ..
انا عندي عماره ماسكها اداره املاك وصار نفس مشكلتك مع مستاجر المستاجر مارضي يطلع الا بعد انتهاء عقده وراح المالك الجديد اشتكاه وماستفاد شي .. في الاخير طلع المستاجر بعد مااخد خلو رجل .. طبعا هذا راجع للمستاجر ..

وربي المحل كلفني قبل سنه في صيانه وتجديدات وهدم وتصليح اكثر من 200 الف
غير اللي خسرته اول ما اخذت المحل كان دمااار وانا صلحته وخليته ابدع مايكون

والحمد لله المحل شغال وسمعته فوق الممتاز ودخله الحمد لله طيب وزبايني يجون من كل احياء جدة

الحمد لله ماعندي اي مخالفه وشغلي كله سليم وامور البلديه والتصاريح والتجديدات هذي اسويها اول بأول

اجل خلاص لاتخاف
انا بقلك الكلام هذا من واقع تجربه مع مستاجر ومالك

بارك الله فيك اخوي انجاز

نصيحة
حاول تتكلم معاه وتفهمه بالشي هذا
لأنك ناوي تستمر في محلك ومصدر رزقك
لاتخاذ الأمور بأنه نظام وحقي
تعال له بأسم الخسارة اللي خسرتها واذكر ان النظام معاك
ارى انك ترتاح منه بالطريقة هاذي لا ينتهي العقد ويبالغ في رفع الإيجار او يخرجك بعده الخسارة اللي خسرتها
والسمعة الطيبه اللي كسبتها في المحل

هو طالب الاخلاء عشان يبغى يهد ويبني , مو عشان يرفع الاجار اذا على رفعة الاجار ماعندي مشكله بتفاهم معه اذا مارضي بعطيه وامري لله

عضو قديم رقم 282899
قبل 10 سنوات و4 أشهر
12

لا شي يجبرك على تسليم العقار قبل انتهاء المده مالم تخل ببنود العقد .المتفق عليها .. لكن ان الزم الامر يعوضك عن السنه الباقيه بمبلغ ترتضيه او الله يعينه يصبر لمده انهاء العقد.. او تقبل انت الاخلاء وتسامح من نفس طيبه

يعوضك عن خسايرك ويطلعك بالاتفاق معك علي مبلغ انت ترضى به كخلو

أنا مالي بالأمور هذي ولكن هذا هو المنطق

لا ماني مسامح بطيب نفس , هذا مصدر رزق وفاتح ثلاثة بيوت وبيتي الرابع

وين بيروحو الموظفين , كلهم متأهلين وعندهم اطفال ,

اذا اعطاني تعويض مجزي ببيع له البيعه , واذا رفض بقعد لين اخلص عقدي واتوكل على الله انا وموظفيني

اقم عليه دعوه في المحكمه وخذ موعد للجلسه ويصدر لك حكم من الشيخ وبعدها مايقدر يسوي لك شي

نفس كلام الاخAbdulkarim
ولا يقدر يطلعك الا مع نهاية عقدك
وللعلم لا تقول له اذا انتهى عقدك لم يشعرك خطيا فلك حق التمديد

عضو قديم رقم 257611
قبل 10 سنوات و4 أشهر
17

ابو حمزة
اذا العقد اللي بالموضوع لك نظامياً العقد منتهي من 1433/3/1هـ واذا طاف على موعد التجديد يوم واحد بدون اتفاق يتجدد تلقائي لمدة سنة فقط لو تقعد فيه عشرين سنه نظاميا سنوي يكون عقدك حتى لو كان عقدك الاول مدته عشر سنوات وخلصت مايتجدد الا سنوي
اذا المالك او وكيله او المالك الجديد للعقار انذرك انذار كتابي او عن طريق المكتب المستاجر منه قبل مايبدا الفترة الاولى للعقد بشهرين يعني بمثل عقدك 1435/1/1 يحقله يطلعك بدون اي تعويض اي شي ثابت بالمحل يكون ملك له ومكتوب فقرة بكل عقود الايجارات حتى بعقدك موجوده برقم 5
تحياتي لك

لايحق له مطالبتك بالإخلاء قبل انتهاء المدة ولايوجد في العقد بند ينص على الإخلاء في حال بيع العقار ولا تروح تشتكي ولاشي خليه يروح هو يروح يشتكي وإذا القاضي فاهم ماهو رايح يضيع وقته في قضية معروف الحكم فيها سلفا في صالحك لأن العقد واضح ولا يدينك بشيء
وعليك بالدعاء في جوف الليل بأن ينصر الله الحق على الباطل سواء معك أو ضدك

أضف رداً جديداً..