جميع الحقوق محفوظة ©
السلام عليكم و رحمة الله و بركاته
صباح - مساء النور و السرور
أخواني قدمت طلب شراء سيارة عن طريق شركة اليسر
اكسنت قيمتها 48500 ألف ريال و الاجمالي على خمس سنوات 69000 ألف ريال
و الدفعة الاولى 5000 ألاف ريال الكلام هذا قبل العيد دق علي المندوب و قالي انهم طالبين 7000 ألاف ريال قلتله ما اقدر ادفع هالمبلغ قالي طيب 5850 ريال و بجرب يمكن الادارة توافق
اللي قاهرني اكسنت و قيمتها تحت الخمسين و يرفضون الطلب
طبعا انا غير الى يارس 2014 بس قالي نجيب الموافقة وتغير ليارس
مع العلم ان راتبي 3645 ريال و ما علي التزامات موظف قطاع خاص
اللي يعرف شركة ممكن تعطيني سيارة بدفعة اولى 5000 ألاف ريال كحد أقصى يقولي
لإني ما اعرف الا اليسر و اقل راتب يقبلونه 3000 الاف و تأجير يبون راتب 4000 الاف
في انتظاركم
شركة اليسر من اكثر الشركات نسبة فائدة اعتقد 12% وهذا مايزيد القسط والمبلغ الاجمالي والدفعة
انصحك ماتاخذ ولا تتعامل معهم بما ان راتبك قليل ابحث عن شركة او بنك نسبة فائدة قليلة وقسط يتناسب مع دخلك الشهري
بعض البنوك نسبة الفائدة عندهم 7 % و9%
وممكن انك تأخذ عن طريق الوكالة نفسها وبعض الاحيان تنزل عروض يدون دفعة ولا تحويل راتب و لا كفيل .
بالتوفيق
عبد اللطيف جميل الأن عنده عرض بدون دفعه اولى وبدون كفيل
وكذلك شركة شيري والجميح
روح لوكالة الجبر كيا تحصل عندهم مندوبين للبنك العربي الوطني وتقدر تختار اي سيارة كيا لان عليها عرض 5% فائدة فقط وتقدر تاخذها بالتوفيق
اخوي توجه لاي فرع لتويوتا ,, وشوف التأجير المنتهي بالتملك من عندهم ,,
بيعطيك ,, اذا كانت شركتك معتمده ,, او مضى على تعيينك اكثر من 6 اشهر
خذ قرض وراح يطلع عليك فوايد بسيطه وبعد ما تستلم القرض اشتري سياره واشترط على البنك يكون القسط مبلغ بسيط ما يتعدا الالف ريال
انا سويتها وتوفقت لا كفيل ولا يحزنون بس اهم شي توفر طلبات البنك وما يكون عليك التزامات وديون في سمه او في اي جهه كانت واهم شي تكون الشركه معتمده في البنك
بالتوفيق
ويش الديك ويش مرقته
الله يكون بعونك ، اليسر اعلى نسبة في العالم
اذا راتبك محول ع بنك
خذ قرض وأشتري كاش افضل بكثير
ساب 1.49 او السعودي للاستثمار 1.70
حتى لو أخذت مبلغ اقل من المطلوب خذ فيه سيارة ع قده ولا ترهق نفسك
اذا تحسنت الاحوال ان شاء الله تركب ألماني
او كيا نسبتهم اقل
موفق
ان الذين ياكلون الربا يحاربون الله رسوله ولاحول ولا قوة الابالله
