جميع الحقوق محفوظة ©
السلام عليكم .
يا اخوان الي يقدر يفيدني عن تجديد اقامة عامل سائق نقل
لدي عامل بمهنة سائق نقل عند تجديد الاقامة طلبوا علي الاشتراك في التأمينات سعوده . ومراجعة وزارة العمل بعدها ومراجعة الجوازات وتعقيدات كثيرة .
الي مر بهالتجربة يا اخوان يفيدني او يدلني على مكتب شاطر يحل هالمشكلة .
توقف عملنا وتعرضنا لخسائر بسبب التوقف ولا سويت شي .
مع العلم ماعندي مؤسسة ولا سجلات تجارية ماعندي الا هالعامل بس سائق نقل .
الله يجزاكم خير .
والله اخوي هي صارت تعقيدات وخسرونا بحقهم هذه التعقيدات
بس انت دام ماعندك مؤسسة ولا سجل تجاري والله ما ادري كيف وضعك
لان التامينات تطلب السجل التجاري وموقع المؤسسة وبيانات عنها
وان شاء الله الاخوة هنا يفيدوك اكثر
الله لا يهينك ..
واتمنى احد يفيدنا .
الله يكون بعونك
يارجال ترى مو انت بلحالك الخسرانين كثير في هالمجال النقل الثقيل اصبح مشكله اليوم مع قرارت وزارة العمل وليس النقل فقط بل حتى رعاة الماشيه واحد عنده راعي نفس حكايتك مرمطه .
بدأت تظهر تداعيات قرارت وزارة العمل بعد رفعها رخصة العمل الى 2400 ريال الغير مبرر .
لديك عامل واحد ويطلبون منك سجل تجاري وزكاه وووو..الخ ياليل مطولك
السلام عليكم
اذا كان ماعندك سجل تجاري ولا عماله لنشاط تجاري
رح لمكتب العمل اللي في الروضه
وبلغهم بالموضوع
وهم يتأكدون ان ماعندك شي بأسمك
وتمشي امورك ويشيلون عنك المطلوبات اللي عليك
اذا كان عندك نشاطات تجاريه سابقه بلغهم انك انهيتها
اهم شي ان مافيه عماله تجاريه عندهم بأسمك
انا واجهتني نفس المشكله في رمضان
وابشر رحت لهم وضبطت الامور
قالو لي اسبوع ورح للجوازات طلع اقامة عاملك
ورحت الجوازات وطلعت اقامة العامل
تحياتي
واي استفسار
0569955400 اخوك ابو عبدالله
على الرحب والسعه
