كيف احصل على قطع غيار غسالة ملابس

وش العطل اللي فيها؟

بما انك بالرياض
بإذن الله تلقى قطع الغيار متوفره لجميع قطع الغسالات وغيرها
- تحت كوبري البطحاء تقريباً مقابل مركز تاج , ابن سليمان سابقاً
-شارع الريل وبالذات القريب من الغرابي تقريباً قبل محلات تفصيل الخيام
- شارع الظهران قبل اشارة الستين الملز

شف الاقرب لك انا دائماً اشتري القطع من المحلات اللي تحت كبري البطحاء

الله يسعدك يارب

العطل فقط غطاء النشاف مكسور

انا ساكن قريب من المجمعه لكن الملز قريب وكويس لي لن ولم اسكن المدينه

الله يعينك وان شاء الله تلقى القطعه

لكن بما انك وصلت الملز رح للاماكن اللي ذكرتها لك كلها متقاربه من بعض
وخصوصاً شارع الريل

قبل ماتبحث عن القطعه مر محلات الصيانه الاقرب لك يمكن تلقى مهندس يلحمها لك
او سعره مناسب او يدلك على مكان بيعها

جزاك الله خير على الدعاء
الله ييسر امرنا وامرك وامر كل مسلم..

وكيل سانيو امتداد شارع البطحاء مقابل مقبره العود عند الاشاره تلقى عماره كامله فيها المعرض حقهم والصيانه من الباب الجانبي

يارجال اعتقها لوجه الله ينوبك ثواب في هالشهر ،، وخذلك غيرها .

العشره ماتهون الا على 000000000 الفرق هذي اصليه الان ماتلاقي

هذي من افضل انواع الغسالات وقيمتها الان 1800 ريال
رح ودها لوكيلها في شارع البطحا ويسوي صيانه كامله لها ب 400 ريال
او كما افاد الاخوان تحت كوبري البطحا خلف بنك البلاد تحصل كثير محلات تبيع القطع لها

نصيحه احتفظ بهذه الغسالة ولا تفرط فيها ... من أجود أنواع الغسالات في السوق قبل شهر شريتها من سانيو على طريق البطحاء بــ 2500 ريال
ومثل ما قالوا الاخوان ودها للصيانة بجانب معرض سانيو على طريق البطحاء مقابل مقبرة العود من جهة الغرب