جميع الحقوق محفوظة ©
مساء الخير ..
محتاج اقمشة قطن لتكون شراشف كبيرة ..
محتاج اشتري بالجملة لتفصيلها الى شراشف
دلوني اذا تكرمتوا على اكبر وارخص سوق لبيع الاقمشة بالرياض !
ياليت يكون الوصف واضح !
البطحاء حي المرقب أو شارع البريد
شكرا رخيص كويس - احد يا شباب يقدر يوصف شارع البريد؟؟
المعيقلية
قدام الإمارة منطقة الرياض أقمشة ممتازة جداً
استورد من برى شراشف جاهزة وتحديداً من الصين هذي التجارة المربحة باسمك وشعارك وعلى حسب ذوقك
شكرا الامبراطور - وشكرا ايس
شارع البريد
آخر البطحاء لاصار مركز بن سليمان على يمينك ديور من تحت الكبري
أمسك اليمين لين تجيك لوحة مواقف سيارت ( متعددة الطوابق ) ب5 ريال باليوم
تطلع فيك للدور الرابع ( بتدوخ شوي لكن موقف كويس )
انزل بالمصعد صار بينك وبين شارع البريد ممر ( أسأل اي واحد يدلك
بالتوفيق
اسواق القدس بعتيقه الدور الثاني قسم الجمله
شكرا رخيصوكويس - المكان اللي ذكرت يعبر جزء من سوق القصمان !! فهل الخياطين في رايك يشترون منه بالجملة ؟؟
.......................
هيثم - سوق القدرس هو جنب طيبة او جنب مجمع العثيم ؟؟
السلام عليكم
اتوقع الجمله في سوق القدس والمعيقليه لادخلته في دور خاص بالجمله اسأل عنه مثل ماذكروا الاخوان
سوق القدس بعد سوق الجفال حق الكمبيوتر وقبل منتزه سلام لاصرت متجه شمال
الف شكر محمد - الآن تذكرته - وهو اقرب من حوسة البطحاء
