أستشارة :المالك وأخراج المستأجر بالقوة بسبب الزحمة

اخي الكريم

السلام عليكم


ماشاء الله تبارك الله , الله فاتح عليك باب رزق وهو يبغى يقفله

انا من وجهة نظري انك تكلم الزباين يوقفو بعيد شوي بالذات زباينك الي تعرفهم

ثانيا اذا عقدك سنوي اعتقد لا يحق للمؤجر ان يرفضك قبل ان تنتهي المدة
والا يتعرض لدفع المبالغ وارجاع الاجار.

اتمنى احد فاهم في الشغلة ذي يفيدك من مكاتب محاماه او ماشابه
واذا تستطيع خذلك استشارة من مكتب محاماه بحيث يكون مكتب معروف وصادق وتمشي بالقانون , لان القانون فوق الكل لها قوانينها

والله يعينك ويكتب لك الي فيه الخير

أنت غلطان

كيف تدفع كل هذه المبالغ في ديكور وما عندك عقد لمدة 10 سنوات

خروجك يعني خسائر فادحة في الديكور

نصيحة إذا أمورك المادية جيدة والدخل ممتاز أنك تفتح فرع ثاني حتى لا يضيع اسمك من السوق وحتى لو خرجت من عنده يستمر شغلك

اولا / المفروض يوم تدفع هذا المبلغ يكون العقد اكثر من ثلاث سنوات
وثانيا / بموجب العقد لايحق للموجر مطالبتك بالخروج قبل انتها العقد مايقدر صدقني وحتى لو انتهى العقد اذا وصلت واشتكى يتعب والله ماطلعة
ثالثا / زي ماتفضلوا الاخوان اذا استطعت افتح محل نفس مواصفات محلك في مكان اذا استطعت يكون مواجه او قريب واكتب على محلك للزباين يشرفنا زيارتكم في فرعنا الثاني والاعلانات والدعايه لها دور كبير ترى
رابعا / طبعا الجيران اتوقع انه حسد منهم الله يكفينا شره ولا ترى الزحمه في صالحهم ايضا لكن كلمهم بان هذا الشي مايجب منهم بالاخلاق واذا وافقو روحو للمالك وقولو خلاص اتفقنا واذا ماوافقوا ولا وافق الموجر
طالب الموجر بتعويض مقابل خروجك والا تبقى حتى نهاية العقد
اوجو اني قد افدتك وشكرا
ونشوف راي باقي الاخوان

1. بقلم: فراس19
شكرا وجزاك الله خير بس والله ياأخوي والله الزحمة تجي عندي بعد العشاء وهم شغلهم بالنهار بس الله يهديهم ويغفر عنهم وحتى الزباين أغلبهم كبار بسبب أن التدخين ممنوع داخل الكفي.

2. بقلم: 4X4
أخوي المحل كبير والديكور شعبي وبسبب المساحة اكل كثير لان ركبت التكييف مركزي وركبت واجهات سكوريت والمحل فيه بناء داخلي ومعدات ومكاين والصرف بالتدريج حتى العمال كلفوني
والمالك قال لي اني لن ارفع عليك الايجار اربع سنوات شفويا. بس غريبة الحين بيطلعني مو بيرفع الايجار.

3. بقلم: التاجر10
والله ياخوي التاجر كانت العمارة لمدة عشر سنوات فاضية ومو مرغوبة وعلى الاساس هذا اخذتها بسبب الهدوء وبعد ما أخذتها صار زحمة عندي مره وبعد ستة شهور صاروا يجوني الناس يبون يستأجروون وانا أحولهم للمالك.وثلاثة اشهر وتعبأ المكان والله يرزقهم.

تريد الحل النهائي ... ااعرض على صاحب المحلات الشراكة معك بالايجار و أعتقد انه سيغض النظر عن جميع الشكاوى ان وجدت .

5. بقلم: haitham1967

والله ياخي مدري بس هو ما شاءالله هو مقتدر جدا جدا ولا اعتقد انه قد يوافق ولكن هو يقول لي اليوم عمارتي ما أبغى عندها زحمة وبس واطلع وبس.والمزعج في الموضوع هو الاخراج بهذة الطريقة ,أحساس بنوع من المهانة.

الله يعوض عليك
فيه ناس ما تقدر قد ايش الناس تتعب وتخسر

انت اخطيت لانك ما كتبت العقد لمدة 10 سنوات على الاقل

العقد راح يتجدد سنويا واذا يخرجك هو من يدفع لك خسائرك في الديكورات
لا ضرر ولا ضرار

تدري لو انت تستاجر المحل لمدة 10 سنوات وخسرت من اول سنة يحق لك فسخ العقد
وقس على ذلك

قل لراعي البيت ياخذ اجارة اذا حل ولا يروح للمحكمة وهناك بيحكمو بصالحك

يارجال راعي العمارة جازت له الشغله ويمكن هو اللي بيشغل محلك !!
المهم قله مانيب طالع واعلى مافي خيلك اركبه وببينكم الشرع صدقني ماراح يسوي شي ..
ثانياً قله مستعد اطلع بس ادفع قيمة الديكورات ويحق لك تطالبه فيها بالمحكمة, وقله بافتح في العمارة اللي جنبك والزحمه هي هي . تحياتي

طنشه وإذا انتهت السنه لا تطلع الا لما يجيب أمر أخلا من المحكمة

طنشه لين تنتهي المده
وعطه بدل 70 الف 100 الف وتشوف كيف يتغير وجهاه قول هاذي مكرمه مني لك
تلقاه يعزك ولا يهتم لي احد غيرك

السلام عليكم ورحمة الله

زي ما قالوا الأخوان خسارتك في الديكور كبيره ( الله يعوضك خير )

كل طقه بتعليمه ،،، من الأفضل يكون عقدك لمدة طويله ولكن حصل خير والله يرزقك

والحل برأيي تروح للرجال صاحب العماره ويكون معاك ناس يستحى منهم وتطلبه مايطلعك وتتفق معاه تسوي عقد

جديد وطويل أجل ،،، لو هذا حصل ممتاز ويا ليت تكون دوبلوماسي علشان توصل لهذا الحل

لو رفض وقال لازم تنهي عقدك وتطلع من محله وتأكد قبل نهاية العقد لايحق له إخراجك

لاتضيع وقتك شوف لك محل قريب من محلك هذا والسلبيات حاول تتحاشاها وأكيد في محلك هذا وبداية كل عمل وكل

تجاره تجيك سلبيات ماكنت حاسب حسابها واتوقع منها مواقف للمحل والعقد والأيجار غالي حاول تدور محل إيجاره

معقول والله يرزقك ،،،، وأبدأ بتجهيزه وقبل نهاية الأيجار هنا يكون محلك الثاني جاهز وحط لك لوحه على واجهة المحل بعنوان

مقرك الجديد وعرض حلو يجذب عملائك لمحلك الجديد والأرزاق بيد الله

ولا تنسى تعزمنا وأنا خوك وموفق يارب

7. بقلم: whbs3
8. بقلم: البدراني2
9. بقلم: حالم100
10. بقلم: مقاولات2002
11. بقلم: QABBv-Q
12. بقلم: DREEM11

جزاكم الله خير على تفاعلكم ومدري وش اقولكم.وللأسف المالك مصر على الخروج وشكلي ابرضخ للواقع وكله رزق اتى من الله ومقدر ان يذهب.