إلى خبراء العقار بالرياض .. استفسار عن مناطق

قبل 11 سنة

السلام عليكم ورحمة الله وبركاته

اخواني خبراء العقارات في منطقة الرياض ..

لدي عدة إستفسارات عن المناطق الجديدة في الرياض من ناحية شراء بيت بها بمساحة متوسطة أو اقل
تقريباً 300 - 370
خاصة إن المناطق تختلف في الاسعار

لذلك مثلاً :
وجدت بيت في المونسية مساحته 300 متر مربع اغلى من بيت بمساحة 375 متر مربع في القادسية

انا ارغب في التملك بيت بمساحة مناسبة واستثمار وحاير جداً بين المناطق ..
ف البعض يقول لي :
القادسية - بعيد - والمونسية وقرطبة افضل منه ... وانا اشوف انهم قريبين من بعض ...
البعض يشدد على الشراء في قرطبة .. وانا اشوف ان اسعارها مبالغ فيها جداً ...

خلاصة الكلام ..
لقيت شي اعجبني في القادسية .. من ناحية المساحة والسعر والمظهر العام
( قريب من الشارع العام )
البعض ينصحني بعدم الاستعجال .. في الشراء بالقادسية .. وينصحوا بالتوجهه إلى المونسية وقرطبة
وانا اشوف انهم ماهم افضل حال من القادسية ... :(
البيوت المعروضة كثير جداً .. والمناطق بٍكر .. والبناء شغال بشكل كبير في المناطق ...

ابغى رأي الاخوان في المناطق
رجاءً بخصوص الشراء الآن او لا ... تعبنا واحنا نسمع العقار نازل العقار نازل وكل ماله بيزيد السعر .. واللي ما يسوى مليون صار الان على مليون وثمانمية الف ...


والله ولي التوفيق

إلى خبراء العقار بالرياض .. استفسار عن مناطق

إعلانات ذات صلة

عندك عقارات وأملاك؟
الكل: 9
عضو قديم رقم 92248
قبل 11 سنة وشهرين
1

باذن الله سيوافونك الاخوه اهل المنطقه او من يعرف ...


اسئل الله لك التوفيق وان كان خير يهيئه لك وان كان شر يصرفه عنك ...

اخي الكريم المسأله تخضع للرغبه فهناك من يرغب الشرق او الجنوب او الشمال او غيره فأذا كان الموقع مناسب لك فتوكل على الله

المونسية القادسية قرطبه تعتبر أحياء لا بأس فيها لكن كل حي من أحياء الرياض له سلبيات معينه

المونسية لو تحدد لي وين بالضبط في أي مخطط راح أفيدك ! علماً أن المخطط القريب من كبري الفحص من الجهه الشمالي > دفان وتحط الضغط العالي !!

قرطبة كلالالالالالام فاضي ودعائيه وعطوها أكبر من حقها ! وفي الأول والأخير لو يجي رش على الرياض ما قدرت توصل بيتك بطن شعيب ! ناهيك عن الزحمه !

القادسية أنا أشوفها من رأيي هي الأنسب ! وأقصد شرق كبري الفحص وموقع يعتبر شبه استراتيجي وأفضل من المونسية وقرطبة

وإذا على أستثمار أنصحك لا تاخذ في هذي المناطق !

كثير من يشتكي من ركاكت البنيان هناك ولعب التجار وصار أمر هذي الأحياء مكشوف لكثير من الزباين والمنطقه التفتت لها الناس وعرفت كل شي عنها

وعموماً الاستثمار في أي حي في الرياض ما يختلف من حي إلى حي الناس تدور بيوت وسكن بالي هو به .

بالتوفيق

عضو قديم رقم 302019
قبل 11 سنة وشهرين
4

غريبة ؟؟ وش نقزك من جدة للرياض ؟؟ وش عندك بالرياض

1. بقلم: سافر
اللهم امين يارب ... ان شاءالله مايقصرون الاخوان

2. بقلم: مسامح1
ونعم بالله اخوي ... الرغبة عندي انه يكون قريب من عملي في المطار .. وبنفس الوقت مايكون في منطقة مزدحمة بصراحة .. ف زحمة الرياض لاتطاق .. :)


3. بقلم: النرجس
صدقت ياغالي التوجهه الى إلى احياء شرق الرياض ...
بالنسبة للمونسية .. بصراحة ماعرف في اي منطقة ابحث عن سكن ... ولكن انا شايف انهم مبالغين في الاسعار ..
اما قرطبة .. ف رافعينه السما .. الاسعار عالية ومبالغ فيها والبناء تجاري جداً للأسف ... وصار مفضوح ...
القادسية ... انا شايف انه اسعاره معقولة .. ولكن يعيب عليه مع احترامي للجميع .. نوعية سكانه .. ف اغلبهم مخرجات النسيم .. وهذا لاحظته في الحي ... ولكن يعتبر الحي الاقل ضرراً من غيره .. على الاقل ماهو دفاااان مثل المونسية وقرطبة ...
اما البناء التجاري ف الله يبعدنا عنه .. والله الشركات كلها هناك شغالين بناء تجاري واضح للعيان عشان كذا اعتمدت بعد الله على صديق لي لهم شركة واثق فيه بإذن الله تعالى انه يبعدني عن الشغل التجاري ... ع الاقل لي :)
اما الرغبة في السكن يكون سكني واستثماري .. خابر طال عمرك الواحد يبي ياخذها اقساط ويحتاج ايجارات عشان تعينه على السداد ...
واشكرك على ردك واتمنى تفيديني اكثر حسب معلوماتك ما شاءالله تبارك الله .. ف الافضل لي ... وربما يستفيد الاخوان المتابعين من الردود

4. بقلم: ana_hona

هلا فيك يا غالي ... والله طال عمرك نقلت من جده للرياض ( العمل )
ف بيئة العمل في جده سيئة للغاية مقارنة بالرياض .. ف استخرت الله عز وجل وتوجهت للرياض .. والحمدلله على كل حال ..

عضو قديم رقم 310416
قبل 11 سنة وشهرين
6

بصراحه الصوره المرفقه بالموضوع شدةإنتباهي

لدرجة أني تخيلت نفسي مستقبلا خارج من وزارة الاسكان

وشايل بيتي بين يديني

وبدل ما ادخل على عيالي وبيديني "جح" داخل بهالبيت

ولو سألني ولدي وش ذا اللي معك يايبه

اكيد باقول هذي المساكن اللي وزعتها الحكومه على المواطنين

بصراحه مابقي إلا هي

بس تتوقعون يومها أحد بيقول الله يعز الحكومه؟!

عضو قديم رقم 258273
قبل 11 سنة وشهرين
7

^

طبعاً يقولك شويش الثنيان يا لوعه لازم ترش على هالبيت مويه

بشكل يومي لين يكبر ويصبر فله تناسبك وتناسب عايلتك واذا احتجت

تزيد فيه تواصل سقيه هذي التجربه اللي سواها شويش في وزارة الاسكان

،

لوعة .. الله يرزقنا واياك والاخوان والاخوات

وندخل على عيالنا شايلين مفاتيح البيت الجديد يارب ..

وسيط لا انصحك بها اطلاقا
لا القادسيه ولا النسيم ولا قرطبه وخواتها ولا المونسيه وبنات عمها اعرف الاراضي هناك كلها دفان احذر وابعد عن الضغط العالي
واذا لا بد فالقادسيه وبنات عمها كلها سوى اذا كنت تبي تسكن
تقول المطار اطلع بين مخرج 6--7 بعد طريق الامير سلمان الله يحفظه
وفتح نظرك هناك وتدعي لي ان شاء الله
الاسعار متقاربه جدا نصيحه من اخ لا يعرفك ولكن الدين النصيحه

أضف رداً جديداً..