احد يعرف محل لصيانة سير الجري فالرياض

السعر جدا غالي لا تصلحه عندهم
انصحك تفك القطعه الخربانه بنفسك وتشوف كم سعرها وترا التركيب سهل جدا

عندك شارع الستين في الملز محلات الرياضه هناك كثير وفيه محل خاص لتصليح الاجهزه الرياضيه واسعاره معقوله بس ما هو على نفس الشارع
هذا وصفه مع اني من زمان ما جيته لاكن ركز معي في الوصف
اشارة تقاطع جرير مع الستين تكون متجه جنوب كأنك رايح لملعب الملز يجيك على اليمين محل الجاسر للرياضه بعده ثاني دخله او ثالث دخله يمين يجيك المحل على يدك اليمين جوا الحاره

تأكد لا يكون الخراب بس من السير
الى زي سير السياره تراه مايكلف 50 ريال مع شغل اليد

اذا انت بشرق الرياض سوق حجاب شارع الاربعين حول بروست الافندي هناك محل تصليح

والله اتوقع ان مشكلته بسيطه لان السير شبه جديد ولاجاه استخدام يستاهل انه يخرب

غير كذا هو من النوع الثقيل اللي اتوقع ان نوعيته جيده

ولكن عيبه شيلته صعبه بمر المحل اللي في الملز وبشوف وش يقول لي

شاكر تعاونك اخوي بحار وابوفصيل1

السلام عليكم أخي الكريم أنا لدي خبرة في إصلاح الأجهزة الرياضية و مستعد أشوف جهازك وش المشكلة .إذا كان الجهاز مازال موجود و لكن المشكلة إن قطع غيارة غالية شوية مع إحترامي للأخ إلي يقول 50ريال ..لأن النقل فقط يكلف 100ريال غير العطلة و خلافة ممكن تكلمني أجيك أشوف الجهاز وما راح نختلف (100) كشف و زيارة والاصلاح قطع الغيار عليك بما يرضي الله..
أخوك / حسام ..شرق الرياض