جميع الحقوق محفوظة ©
السلام عليكم ورحمة الله وبركاته ،،،
وشلونكم جميع ،
أذكركم بالدعاء عند نزول المطر (اللهم صيباً نافعاً)
وبعد نزول المطر (مطرنا بفضل الله ورحمته)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يقول الله تعالى (قلت أستغفروا ربكم إنه كان غفاراً يرسل السماء عليكم مدرارا)
هذا للفائدة ومشاركة الأجر ،
الحين بدخل معكم في الموضوع ،
المزيون اللي تشوفون صورته الله يعطيني خيرة ويكفيني شره (أدعوا لي أنتم بعد ان الله يعطيني خيره ويكفيني شره )
هو 6 سلندر ، قدر الله علي وغيرت زيته في محطة وانا طالع من حايل ، ثم قبل أوصل الرياض ولعة لمبة الزيت وطلع مغشوش (سوبر شل ) إذا كان أحد وده يعرف نوع الزيت، المهم غيرته ولكن طلعت لي مشكلة بعد كذا ،
أكيد ودكم تعرفونه ، صار الضغط مايتعدا ثلاثه والسرعة ماتوصل 120 يعني اذا وصل الضغط 3 قام يتعتع الموتر طبعا قير عادي هو ، الوكاد يا طويلين العمر والسلامة هبل بي وصرت في ذا الاجواء الزينه مغير انقل به من ورشة لورشة وكلن يفتي من راسه ، ولا لقيت الفاهم ولا الأمين ، وفحصته كمبيوتر ولا طلع به شي ،
مايستفاد من ذلك أني ابي هل العرف والرأي السديد تشور علي وش العله ، وكان فيه احد جيد بالرياض يعرف له ،
ولكم من أخوكم كل الشكر والتقدير،
همسة ،
الاستغفار سبب لجلب الرزق ودفع البلاء وهو سيد الدعاء
وأوصيكم ونفسي بالصدقة
اشك في علبة البيئه الي تجي بنص العادم شيك عليها يمكن مسدوده
استبعد الاحتمال هذا اقولك انا ليش ،
لانها تكتم الموتر بس ماتوقف عداد الضغط ولاني مركب عليه هدرز بحريني كامل من المكينه للدبه الاخيرة على شان يشيل عمرة بالنفود لان عزمهن من الاساس مايجمل بالرملة ،
شكراً لمرورك يالغالي ،
اخي الكريم ،
لاحظ تقول (ثم قبل أوصل الرياض ولعة لمبة الزيت وطلع مغشوش (سوبر شل )) وغالبا تولع اللمبة عند انخفاض الزيت بشكل كبير فى مكينة السيارة وهذا معانته ان الزيت ماتحمل وانحرق داخل المكينة وطلع مخلفاته مع العادم .
فغالبا والله اعلم انه اثر على حساس العادم وهو يلعب دور كبير فى سرعة السيارة وانطلاقها والاحتمال الاضعف وهذ نوعا ما مستبعد وهو انسداد فلتر الشكمان الداخلي بسبب انحراق الزيت المغشوش بالمكينة
انصحك بعمل كشف بالكمبيوتر قبل تغيير اى شى بالسيارة والله يعطيك خيره ويكفيك شره
هلا وسهلا
صحيح ذكرت ان اللمبة حقت الزيت ولعت وهذا أمر طبيعي اذا انتهت صلاحية الزيت مع أني شككت انه نقص ، لكن يوم شيكت عليه ماكان ناقص لكن كان محترق وهو بالعادة مايحرق الزيت لان وضع مكينته سليم ولله الحمد لكن لزوجة الزيت معدومه وهذا بسبب رداءة الزيت ، عموما فحصت السيارة بالكمبيوتر وكانت سليمه الحمدلله بس لازالت المشكله قائمة حاليا انا شكوكي بدت تنحصر بين حساسات الشكمان أو دعسة البنزين وانتظر مزيدا من إضافات أصحاب الخبرة سواء عن المشكله أو ورشة وميكانيكي فاهم ،
الله يجزاك خير لإضافتك ودعائك
من باب المشاركة والفائدة فقط ... طلعت المشكلة في قلب الطرمبة حقت البنزين وشريته ب 900
الله يعطيك العافيه افدتنا كثير بسبب المشكله
يعني الزيت طلع اصلي مو مغشوش :)
شيك على طرمبة البنزين
شيك على حساس البخاخات
شيك على الارماس
شيك على منظم الهواء
شيك على كويلاته او البواجي
والارجح طرمبة البنزين لذالك حاول تسمع صوتها عند التشغيل اذا فيه زنه صوت زنيني معناته هي
موفق خير
وللمعلوميه طرمبة البنزين بالجيب التايوتا تسبب صرفية زيت
وتسبب قلة عزم جدا لاذلك انتبه لها
سبارتي الزيت ماكان له علاقه بالمشكلة .................ولكن مغشوش
sense
الله يعافيك طال عمرك .......انا وضعت الرد لعلها تفيد احد ويصدف لي بدعوة بالتوفيق والصلاح في ظهر الغيب ......
الميزر شيكت على كل ماذكر مسبقا بحكم خبرتي في استخدام الجموس سابقا واعرف انها تسبب مشاكل ولكن ما طلع لها علاقه
الا في قلب الطرمبة وللاسف مايصدر له صوت اذا تعطل وقل ضخ البنزين فيه
صرفيه لايوجد ولله الحمد .....والضعف مو من قلة العزم ولكن بسبب الدعسة الكهربائيه هي والثروتل(المنظم) وعوضت شي منها باستخدام الهدرز ولكن لازال عزمه لايقارن مع الموديلات السابقه
طيب ليه ولعت لمبة الزيت عندك يالغالي
اعانك الله والله يعطيك خير المواتر ويكفيك شرها
على العموم عسا طبيت بالعله بس
كلام
اللمبة يالغالي ذكرت انه ولعت بسبب الزيت مغشوش
الميزر
جزاك الله يا الغالي
ايه ذكرت في رد سابق ان العله كانت في قلب الطرمبة حقت البنزين
الظاهر انه الثروتل حق ظغط الهواء
لا لا المشكلة في قلب الطرمبة يا طير شلوى
