بسرعة!

مواضيع نشطة
خريطة الموقع
الأسئلة المكررة
العضوية المميزة
متجر إلكتروني
ما هو مستعمل؟
مواقع مفيدة

تنبيه: كثير من خدمات الموقع لن تعمل لديك! لأن الجافاسكربت لا تعمل في المتصفح الذي تستخدمه الآن. يرجى تفعيلها للحصول على كل خدمات الموقع.

| منتدى مستعمل | المواضيع المفضلة | إضافة موضوع |

منتدى مستعمل » منتدى السيارات والمركبات

الرابط المختصر: mstaml.com/f162666
الموضوع رقم: 162666
الكاتب: aboo_hmd النشر: 2011-08-18 06:22:59 GMT
المنتدى: منتدى السيارات والمركبات القراءات: 23,562 الردود: 27 التحديث: 2013-08-03 02:53:56 GMT

تجربتي مع ميزان العضيب اللي في الروضه
السلام عليكم
ياجماعة الخير ابي احذركم من الفرع هذا بالذات اللي على شارع خالد بن الوليد
لاني جيتهم معي سياره النترا موديل 2006
ابغى اشيك عليها اول شي قالي الباكستاني او الهندي 50 ريال حق التشييك
قلت ماهيب مشكله ، شيك على السياره قال عندك الجلد مع مسامير التوازن مع المساعدات الاماميه مع كرسيين المكينه
مع الوزن وجاب زياده من عنده سحب شاص والشاص سليم
قلت بكم قال 2300

طبعا مبلغ جامد والسياره ماتستاهل تركته ورحت لنفس الشركه ميزان العضيب اللي في الصناعيه القديمه
وعلمته بالخرابات وقالي 1400 ريال
تركته ورحت لميزان البلاد قلت بكم تشيك على السيار ه قال ببلاش
شيك على السياره وقالي نفس كلام الهندي اللي في ميزان العضيب بس بدون سحب الشاص لانه سليم والهندي كذاب وقال تصليحها ب400 انا انهبلت قلت الحين اجيب القطع واجيك ، وصلحتها وطلعت ورده بس بدون المساعدات المساعدات ركبتها ب 100 ريال
وعلى فكره ميزان البلاد عنده فلبينين ممتازين وعنده قسم خاص بالكزس

حبيت بس احذركم واللي يبي يشوف الفرق يروح للصناعيه القديمه ويسعر بيشوف فرق خيالي
الكاتب
aboo_hmd
السعودية - الرياض
عمولة مستعمل: دفع عمولة صغيرة.
تاريخ العضوية: 2009-07-28 19:42:39 GMT أخر دخول: 2014-06-15 06:41:25 GMT
الإعلانات: 0 ردود الإعلانات: 0 المواضيع: 1 ردود المواضيع: 3
المتجر الإلكتروني لا يوجد
الرسائل الخاصة إرسال رسالة خاصة للعضو
البريد الإلكتروني
الجوال
أخرى
الردود: 27
1. بقلم: عزوز20100 2011-08-18 07:22:24 GMT
يعطيك العافيه يالذيب ما يلعب عليك ..
وتسلم على النصيحه ..
2. بقلم: mr-meme 2011-08-18 09:23:53 GMT
اي والله صدقت حتى الفرع اللي في مخرج 5 العضيب
رحت لهم قالي سحب مقص وكبس مساعد ووزن

وقاعد يفحطون ماعرفولها
وقام قالي سحب كمر -------) سلامات وش يحسون فية
سيارتتي اخت الوكالة مطلعها زيرو ولاعمرها جاها شي ( الله يحفظها لية )
واخر شي قالي رح الوكالة واخد مني 225 ريال لا وبعد خربلي المساعد جعل يدة بالشلل ( صار يطلع صوت المساعد)

والخراب طلع سهل تغير كفر يمين وراحت الحذفة بجد نصابين وماشين على السمعه
الله لا يوفقهم لا دنيا ولا اخرة
3. بقلم: salem2010 2011-08-18 09:57:37 GMT
العضيب سبحان الله ع كثر محلاته الا اني اذا شفته اكرهه واشمئز منه

وسبحان الله طلع احساسي في محله

كل يوم يجي واحد ويسب في واحده من محلاته
4. بقلم: AborobA 2011-08-18 10:23:29 GMT
معكم ان العضيب اخو الاتصالات كلهم نصابين
بس لاتكون تسوي دعايه لميزان البلاد (:
5. بقلم: الوافي58 2011-08-18 10:32:07 GMT
ماتحسون ان فيه
دعاية للبلاد بطريقة غير مباشرة
6. بقلم: ABB 2011-08-18 10:46:14 GMT
تعجبني ياصاحب الموضوع

ترا الرجال صاحب الموضوع يحذرنا من باب الاخوه اما بعض الناس يقول دعايه هذه ليست دعايه انت شيك على قطعك الخربانه واشترها وروح لورشه محترمه وركبها وانت تشوف وارتاح وترا ما تاخذ في اغلب الاشياء 15-75 دقيقه في التركيب


المفروض الشخص يشيك على سيارته مثلا كل فتره ويشوف اذا فيها قطع استهلاكية او خرابات يروح يشتري القطع من محل الوكاله او المحلات الي تبيع قطع اصليه ويروح لأي ورشه كبيره ومحترمه ويركبها ومايكلف التركيب بالغالب 50-100-200 ريال وهو يشوف افضل من بعض الناس هداهم الله يروح يسلم مفتاح سيارته للعامل صاحب الورشه المتخلف بالاساس ويقوله شيك على السيارة وغيرها القطع الخربانه وجيب فواتير . مايدري ان العامل ممكن يغير اي قطع منها ماهي خربانه او يشتري قطع من التشليح وليست جديده وياخذ فواتير بانها جديده ويزيد بالاسعار . ولما يستلم السيارة صاحبها يجي بعد شهر او اقل يتشكى ان سيارته خربانه ولا يعرف الخراب ويقول غيرت وغيرت ومانفع وانه وانه ....
7. بقلم: ماجدعبدالله2011 2011-08-18 11:27:16 GMT
عطنا عنوان ميزان البلاد وتليفونهم بعدين لا تدفعون فلوس لااحد وانت مو مقتنع اتصل بالشرطه وقلهم خربو سيارتي ولا تدفع ام تدفع وعارف انهم خربوه غريب والله كل ذا خوف اي واحد مايقتنع بشي حتى لو اكله لا تدفع الا انت مقتنع 100%
اتصل بالشرطه سو مشكله هوشه لازم تقتنع تعبنا وحنا ننصحكم
8. بقلم: أبوفصيل2 2011-08-18 12:35:27 GMT
الله يوفقك ويسعدك تعجبني كثر الله من امثالك وابو ماجد صدقني جابها صح خليكم ذيابه اخر زمن يستغفلونا
صدقني مره خليت اخو دفع الفرق من جيبه وزعل مني اكثر من اسبوع لس كانت درس له الان ماشاء الله
لاني راهنت ب 5000 الاف له اذا عرف ياخذ من اللي لعب عليه 100 ريال
واحببت اقول له بطريقه غير مباشره انت خلاك دلخ
اخوك يشيك في ميزان يماني ولا عمري تعديت 300 ريال
لان المراكز اجاراتهم من ظهور الدشير
9. بقلم: خالد5112 2011-08-18 12:58:07 GMT
انا مره رحت للعضيب مخرج 5 بشيك على السيارة وهي مافيها شي بس قلت زود محافظة

فحصها وقال لي 4700 ريال شغلات كثيرة خربانه نسيتها المهم طلعت لي الحين سنتين بالضبط ماسويت بالسيارة شي وماشية زي العسل ولله الحمد مافيها أي شي
10. بقلم: مسامح1 2011-08-18 13:45:14 GMT
العاقل خصيم نفسه
11. بقلم: aaaee11 2011-08-18 13:48:11 GMT
اقسم بالله اذا شفت عندهم ناس اني ارحمهم عارفين ليش ثلث رواتبهم بتروح للعضيب .هاذي لعباته وعلى فكر ميزان اليرموك له بس مغير الأسم
12. بقلم: نبض-إنسان 2011-08-18 17:27:27 GMT
انا مارحت للعضيب انا رحت لواحد اسمه الشعيل بالعليا قريب من برج المملكه مدري الحين لسى فيه والا قفل

خاص لسيارات اللكزس وكان وقتها توي طلعت اللكزس من الصاله وكان فيها تفتفه والسياره واقفه

و اروح لمركز الشعيل و يطلع لي 10 خرابات قلت اوك

المهم تكلف حدود 6000 و التفتفه ماراحت ..!!

انا ماني من اهل الرياض ووقتها جلست انتظر السياره لمن تخلص و كان عندي دوام

تهاوشت معاهم وقلت الله لا يسامحكم ولا يبارك لكم على كل ريال اخذتموه

وبالاخير يطلع الخراب واحد من اسلاك البواجي يهرب كهرباء

وكلها ريال شطرطون وانتهت المشكله سواه لي كهربائي بجده

تخيلوا اخذوا 6000 ريال مقابل ريال تصليح خخخخخخ

ولا الحين اقول الله لا يسامحهم دنيا واخره كيفي كيفي كيفي :(
13. بقلم: hssoon 2011-08-18 17:48:09 GMT
العضيب واليرموك والمجد والبلاد كلهم العضيب <<< لك هدف من الموضوع
وفيه من ردود الشباب ماشاء الله لقطها وهي طايره الله يصلح الحال

الاخ اللي يقول مثل الاتصالات ونصابين لاتحط في ذمتك ومنت مجبور فيه موبايلي وزين

واللي يقول اليرموك العضيب <<< كفشتهم يالذيب!!!

على فكرة جميع المراكز الفحص مجاني وضمان شهر على الشغل
وقبل ماتشتغل عارف تكلفة الشغل وانت بكيفك تبي تسوي الصيانة
او تشوف غيرهم ماكثر الله الا الورش

ورد الأخ مسامح كفى ووفى ( العاقل خصيم نفسه )
14. بقلم: mhm1001 2011-08-19 00:14:28 GMT
شكرا لصاحب الموضوع واضيف اني مريتهم وسالته عن وزن الأذرعه بكم لأني عارف ان السياره يبيلها وزن أذرعه قال أول نفحص السياره ب 50 وبعدين نقولك بكم وزن الأذرعه عرفت انهم نصابين وتركتهم
لأنه يبي يضمن ياخذ منك سواء اشتغلت أو ماشتغلت يكفيه حق الفحص
وياليت صاحب الموضوع يعطينا عنوان البلاد على الخاص على شان ماتقولون دعايه
وبعدين غلطان اللي يسمع كلام الورشه من أول مره يروح الواحد كم ورشه ويشوف بعض الورش متعود على الغشم يقوله غير ويغير
مره أغير فحمات الصالون الأماميه ولما خلص قلت شيك على الخلفي قال يبي تغيير قلت لحضه وأشوف واذا باقي فيها أكثر من النصف قلت كويسه وبتجلسله كم شهر قال بس مادامك بالورشه غيره قلت لا والأمثله كثيره
15. بقلم: محمد9 2011-08-19 00:20:23 GMT
فعلاً اسعارهم غاليه جدا
مره قالو لى عندك خرابات تكلف 2200 ريال
والله العظيم اني صلحتها ب 650 ريال فقط عند محل اخر مجاور له ولها الان سنتين والحمد لله
16. بقلم: جنرال1992 2011-08-20 05:16:42 GMT
انا ادخلت سيارتي جمس عندهم شافها الباكستاني اللي عندهم ثم قال يبغالها تغيير فحمات وخرط هوبات لانه ممكن يخرب عليك الهوب وما تمسك الفرامل ثم كلمت السوداني المسئول وقلت ان فلان صاحبي (ف العضيب) قله يرخص لي شغل اليد طبعا العضيب اللي في الصناعيه القديمه المهم انتظرت حتى تنتهي اي سياره وادخل سيارتي محلها فسألت الفلبيني اللي شيك مع الباكستاني والسوداني على سيارتي بلغتهم التقالو فاجابني بأن سيارتي سليمه خذ مفتاحك وروح طبعا اخذت المفتاح والفحمات سنتين ماصار لها شي فعرفت انهم نصابييييييييييين
17. بقلم: his2ry 2011-08-20 11:14:06 GMT
لعض الورش عندهم لمات طلع اكثر من خراب يعني اني اعرف اشتغل
واذا ما طلعت شي قال هذا ما يدبر
مثل ورشة ساسكو بمعارض الشفاء..
لكن اشارك اخواي بالقصة عن العضيب اللي بالصناعية
كان معي لومينا 2001 الكفرات من وراء مفنقصة يعني فاشخة نزلته عندهم بالميزان
قال يبيلها تعديل سحب للداخل ( تجليس) على قولهم بكم يالحبيب 800 ريال
المهم ما عندي دراهم مشيتها بحالتها سنة ماصار شي بعدين كنت في المدينة
في ورشة اسمها (نسيت والله)لكنها مشهورها بالمدينة تابعة لواحد باكستاني وعليه اسمه المحل المهم سحب الخلفي والامامي ب500 ريال
18. بقلم: beerh 2011-08-20 16:58:55 GMT
العضيب بالصناعيه ممتاز اي عضيب ثاني زفت . رحت للعضيب مخرج 15 اخذ مني 4500 ريال تقريبا واخرتها طلعو خرابيط ورحت للعضيب بالصناعية طلعت المشكله غير الي قالوه لي بمخرج 15 وبترقيبا بـ 1700 ريال وضبط الموتر بس وش عقبه عقب ما خسرت 4500 ريال . نصيحه ثانيه للعضيب خصوصا انحش عن السوري اولا يتفلسف ويكثر هرج ويصلخك بالسعر , خلي الي يفحص الموتر سوداني فاهم ويعطيك سعر معقول ويتكاسر بعد بالتوفيق
19. بقلم: beerh 2011-08-20 17:07:01 GMT
بعدين معلومه (عرفتها عن طريق شخص بالصناعية ثقه) عضيب الصناعية هو العضيب الاصلي و الباقي الفروع حقت العضيب بالشراكه في السجل التجاري وهي لولد عم العضيب راعي حلال من اهل الزلفي ,يعني الورش الثانيه اسم للعضيب فقط (سمعه)

الان تركت العضيب كله سعر شغلهم غالي وصرت اصلح موتري عند البيان لكزس بالصناعية عند سوداني رهيب وسعرهم ثلث سعر العضيب ومية مية الشغل
20. بقلم: aboo_hmd 2011-08-30 07:15:45 GMT
اشكر جميع من ردعلى هذا الموضوع
واقول للي يقول هذي دعايه للبلاد ترى اول مره اجيه
ومصداقيته معي هي اللي خلتني اكتب الموضوع واكتب اسمه وترى اللي كان في الميزان رجل سوداني الجنسيه على تعرفون يمكن تروح وتلاقي جنسيه ثاني يكذب ولا شي
بس ما اعرف اسمه وتراه في وسط الصناعيه القديمه اللي يبي وصفه مخرج 17
بس اسال عن ميزان البلاد وتحصله
وبالنسبه ل hssoon
لك هدف من الرد حقك فكل الشباب فاهمين انك تدافع عن ميزان النصب اللي في الروضه لانك نصاب وتحسب الناس ماتعرف تتفاهم مع اشكالك بس انا مستقعد لكل النصابين والردود اللي من العملاء اكبر دليل هههههههههه
وعلى فكره احسب اني انى الوحيد اللي كذبو علي طلع كل عملاء العضيب يسبون فيه وهذا اكبر دليل
21. بقلم: hssoon 2011-09-02 13:28:27 GMT
كل عام والجميع بخير وتقبل الله منا ومنكم صالح الأعمال

اخي الكريم أبو حمد تذكر قوله تعالى:
{ مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ } سورة ق الآية 18

بأي حق تقذفني بالنصب انا ومن على شاكلتي!!!

للأسف كان ردي أكبر من حجم الموضوع, ممكن اكون غلطان من هدفك بالموضوع.

ورضا الناس غاية لاتدرك وشوف نفسك الناس كلها راضية عنك؟ الله يرضى علينا وعليك.
ولعلمك سيارتي قبل رمضان مسوي صيانتها بالبلاد وعند الأخ جارالله بيض الله وجه.
الأخ اللي يسئل عن رقم البلاد تفضل 014475439

لكن سؤالي لك يابو حمد من يملك ميزان البلاد ؟؟؟
22. بقلم: سانسيرو 2011-09-02 14:34:20 GMT
أشوى كنت ناوي اشيك عندهم بعد شهر على مقدمة السيارة

وعلى فكره فيه مركز فحص كمبيوتر للسيارات

واسمه بالانجليزي

أقسم بالله انه من اكبر المقالب ولو تروح لورشه باب واحد وفيها هندي

كحيان أنه افضل بمئة مره من مهندسيهم ومن كمبيوتراتهم

خصوصا اذا صارات سياره معقده ولا فل كامل

والله انه مركز مقلب بكل ما تحمل الكلمه من معنى
23. بقلم: aboo_hmd 2011-09-05 12:40:22 GMT
إلى اخي حسون انا اسف لعلي فهمتك غلط ولاكن
اعلم اني والله ماحطيت الموضوع الا اني ابغى الناس تنتبه من العماله اللي تلعب ولا احد يقدر يوقفهم عند حدهم
وانا اكرر اعتذاري وكل عام وانت بخير
24. بقلم: hssoon 2011-09-07 18:20:47 GMT
حصل خير اخوي ابو حمد

ويعلم الله اني محللك ومسامحك قبل مااكتب ردي السابق

والعمالة اللي لاعبه فينا ماننكر ان لنا دور في لعبهم ومافيه نظام يطبق يحمينا
25. بقلم: mohmd 2012-08-28 13:49:39 GMT
صحيح باي حق ياخذ 50 الفحص منشار يعني اكلك اكلك اشتغلت عندي او لا ،،، جبت لهم سيارة وطلب مني الاخ السوري 50 فحص وطلع الخرابات ، قال شغل اليد 1200 ما اقتنعت رحت للعضيب بالصناعيه القديمه وصلحتها عندهم ب 600 ريال مع ضمان شهر على الشغل ، وصراحه شغلهم كويس وعلى حسب العامل الي بيشتغل بسيارتك .
26. بقلم: dmm 2013-08-02 12:56:07 GMT
يا راعي الموضوع جزاك الله خير
27. بقلم: مشكور 2013-08-03 02:53:56 GMT
نشكر الاخوان الذين يقدمون تجاربهم ليستفيد منها الاخرون . الله لا يحرمكم الاجر . ونطلب منن الجميع نقل تجربتة للفائدة
إضافة رد:

هذا موضوع قديم، وتم إغلاق الردود عليه آلياً.

| خريطة الموقع | ما هو مستعمل؟ | الأسئلة المتكررة | تاريخ مستعمل | مستعمل في الإعلام | روابط مستعمل | مراسلتنا | نسخة الجوال | اتفاقية استخدام الموقع |
| 2014-11-22 04:43:13 GMT | جميع الحقوق محفوظة © دار تقنية المعلومات IT Dar |